Wundeegwaarak 23:2 - Ala Wone Peenok Peebi Mbanak

² It aakumi apit maluk eeriyak koonit nugwi iinok, it inom koonit nugu logorak mage o. Aakumi inowak loonggwi me, it ambi nen nogo logomenggaarik, maluk abet aret eeremenggerak kagak, it aakumi nen, Maluk eerulik o, yogwe iinok, maluk onggo pugun lek me, at oone inom nabeniyak mage o.

Wundeegwaarak 23:2 Iomraidhean Croise

Wakkagagerak 19:4

Nonggo nogogwaarik, inom nogo yuwok nduk wonogwe me, it aap inanggok inom, tawe inom, o Torom ilin-unggut nen abok aret Lot awinggu'me wanggeko nogogwaarik,

Wakkagagerak 6:12

Wonage kagak kwe, it aakumi nggween paga wonogwe nogo abok aret maluk eerit nugwi paga o nggween paga yime abok aret maluk etenggen wigak yereegerak at Ala nen kage nagagerik,

Wakkagagerak 7:1

Ti'nuk, at Aliku ALA nen Nu yoge logonet, “O yogondak yi eyom paga ndarak kat kinom wonogwe nogo inenggela'me nen kalik mban obeelom koonak eerit nage keege nagarak me, kat kapurilogwe kinom linik-lenok aret yiiro wurik me time unggwi nanu o.”

1 Endagembogut 19:10

Yoge mbareegi, at Eliya nogo nen wone onggo yoge logonet, “Nogoba o. Kaliku Komaawi Lombok Menggendak Ala kake nanggena luk togon eerit nage minggirak kwe, it kapuri Iterali nogo nen wone kinom koonogo pereegindak nogo mbo punuk, kake warogo wokkegak ogobakkigirik nogo minogo pugwi, inobaloowi paga it kat yorage keegak yoraga nogo inookwi, eeko logonet, nalik aret mbo panggaarak me, yogondak an inom aret nooriyak nduk eeko mbaka, yime agarik o.”

Ayup 31:34

Aakumi apit inoone yogwe nogo nagabiti mbake, Nowe-nawot nen meek eerogo panugwi iinok, niniki lek age, Ee'netak en, Noone yaga'lek name mban puk logonetak kwe, togop eerulik o.

Ndawi 72:2

Ti eeke keenok, Iniki abe koonak logonet kapuri inowak loongge, Iniki a'me nggelengga logonet, Kapuri tebenogo piinok wonogwe nogo inawone li'lak mbangge, Eerigin o.

Kini Wuppiige 1:15

Naput yi wae. Kinom noorak mage o. Ata, kiyok awiirak logomunggun o.

Kini Wuppiige 18:5

Aap maluk mendek inom a'nuk, inaana'le mbanggwi, Ndi, aap maluk eeka'lek ugun wonogwe iigak, “Maluk eekotak o,” yinuk, yorogwe, Eekwi ti, maluk aret o.

Kini Wuppiige 4:14

It aap maluk mendek nen eerit nugwi nogo time luk ambi kinom eerit nage, It aap maluk eeka kinom a'nuk eerit nage, Eeriyak mage o.

Yeremiya 37:15

Pi wage mbareegi, it aap inengga warak nogo nen at Yeremiya mba yogo logonet, yawi wako nogogwaarik, o apit inake liiru mbangga Yonatan ame aakumi keele maarogo mambiigak eerogo pereegwaarak me nogome aret mambereegwaarak.

Yeremiya 37:21

Yoge mbareegi, at Terekiya nen at awi nggwok abe wurik arum waka inawoore'nggam, “Time logowak o,” yinuk, wone lengganogo yorage, ndi, “Tu it oroti worako menggam nen ko'lu-kii'me wonok iri wagak mban eekwi iigak, oroti ti lek aruwak o,” yinuk, yorage, eereegerak paga at Yeremiya nogo aap endagembogut awi nggwok abe wurik arum waka inawoore'nggam taati aret wonagagerak o.

Yeremiya 38:9

“Nowe kendagembogut wae. It aap yi nen Ala yoge kagak yoraga Yeremiya eebe waganogo niyo kabunik me wuppegaarak nogo, o kota yime oroti abu lek arit nage paga kambuwak nduk, eekaarak ti, mondok maluk aret eekaarak o.”

Yetikiyen 9:9

Yoge mbareegi, at nen onggo an yo'nege logonet, “It Iterali mendek inom, Yekura mendek inom, maluk ambik lombok eekwi paga o nggween yi paga aap inamiya mban ndak warogo pege, o kota yi paga eekaarak onggo a'me nggelok eeka'lek yiluk-yiluk inowak loonggwi, eeko logonet, Aliku ALA nen nggween yi abu mbo pegerak o, yogwe, Aliku ALA nen enegen niiga'lek aret agaarik o, yogwe, eekwi me,

Ala Unde 19:15

Aakumi inowak loonggo logonet, maluk-maluk inowak loonggwi, aap ineenggi lek iinok, inawone abe koonogo piiga'lek yiri-wuri eerogo piinok, aap ineenggi warak iinok, inawone abe koonogo piigwi, eeriyak mage o. Ata, Aap yi ninom ndak-ndak aret o, yinuk, eeremenggaarak ndak-ndak aret inowak loonggo logowak o.

Agayi 1:4

“It an napuri ti, an nawi wurik langgu-langgu aago wonage kagak, it inawi eyo abe kigirikwe lombok paga nabenogo wuppunuk logorak eyom muk panggoni wagaarak ya? yinuk, yegerak o.

Marakut 15:15

Inoone nggwok paga yogo mbareegwa, at Pilatut nogo nen it aakumi kuwak aago nogo iniki yanggo yuwak nduk, Mbarabat nogo keele piinogo teppege nagagerik, at Yetut ti, ya'mbiran nggora eerogo wappunuk, eyo paga nabenogo puwak nduk wogoragagerak.

Nappiigak 24:27

At Pelikit nen, “It Yakuri inikilom nombaruwak o,” yinuk, Pawulut keele maarak piinogo wumbega'lek kagak, tahun mbere eeppunuk, at obaane'me Perikiyut Petut mippereegwaarak.

Nappiigak 25:9

Yorage mbareegi, at Petut nogo nen it Yakuri inikilom ombaruwak nduk, at Pawulut nogo yoge logonet, “Kat togop eekendak, yokkugwi yi, Yerutalem nage logomenggendik, an nenggaanom paga time kowak looni noorak op ilik?”

Oroma 1:32

ti eerit nugu menggaarak nogo ti, Ala nen, “Yogop eerugup, ndogop eerugup,” yereegerak nogo mendek eekwi iinok, “Mondok inoorigin o,” yereegerak nogo ineenu logonet kwe, kagak eerit nugu menggaarak. Eerit nugu logonet, “Nit mban eeriyak lek o. Ata, it ando ninom aret eeruwok o,” yinuk, eerit nugwi me, Ala nen mondok inoorigin o.

Pelaareegerak 16:19

Mippiyamonggotak aakumi inowak loonggo logonet, maluk eerak onggo, Ndogop puurak o, yugu kagak, Puurak lek, yoruwak nduk, wu kote wogogwi nogo ti, aap inawone abe mbaniyak kagak inigen mbuk kwak liinggwi yogo logonet, kagaarogo pugwi, ndi, Ninawone op aret mbanugun, mba'nuk, nogwe nogo wi-wi eeginako logonet, Maluk eerulik kagak yogotak o, yinuk, it aap obeelom nogo inenggali wappiigwi, eeko menggaarak me, togop eeruwak nduk, wu wokkirogwe iinok waganggwi, maluk eerak onggo ndak-ndak eeppuurak kagak yiluk-yiluk awone mbanggwi, aap inetenggen pegiigak inowak loonggwi, eeko logobok o.

Pelaareegerak 24:17

Aap nggiru inom, elege moono inom, Meek, mba'nuk inawone ugun-ugun koonogo piigwi, kumi nanu kunduk, Kinamendek wogorogo logonet, ninamendek obaane'me pegak kola woraamunggup o, yinuk, inayum waganggwi, eeriyak mage o.

Yotuwa 24:15

Ndi, kit nen at Aliku ALA mban mugurok noorak ti, kineebi mbakwi kenok, kinombomini nen niyo Eparat enebagan logonet, Aliku ALA mugurok nogwe obaane'me it kugi eeko nogogwaarak nogo, mugurok nogo logorak a, it aap Amori mendek inanggween paga kit wonogo logonet, Aliku ALA mugurok nogwe obaane'me inagugi mugurok nogo logorak a, nogo ti, o yogondak yi paga aret kit mban miikkolaanip o. An, nakwe, napurilogwe ninom perak, at Aliku ALA mban aret mugurok nogo logogun o,” yinuk, yoragagerak.

1 Tamuwen 15:24

Yoge mbareegi, at Tawun nogo nen Tamuwen yoge logonet, “An abet aret maluk eekirak o. Aliku ALA nen, Yogop eeru o, yinuk, yo'negerak nogo inom, nogoba kat nen yo'negendak nogo inom, taganogo pege nagarik, an nawuri ineebe paga nagabiti nen inoone yo'negaarak nogo konembunuk, eekirak o.

1 Tamuwen 15:9

Piigo nogogwaarik, aap Amalek inowe endagembogut Agak nogo eenik teppugwi, tapi-ndomba abe mendek inom, inaagalogwe piirigalo mendek inom, “Yi abeme, inooriyak lek o,” yinuk, ineenik teppiigo logonet, mbi inikime waka'lek ineebenowak ko aago kenok, tigitogon aret inookwi, eereegwaarak.