Wundeegwaarak 23:1 - Ala Wone Peenok Peebi Mbanak

¹ Yoge nagagerik, Iterali yoraawak nduk, Muta ambinom yoge logonet, “Wone pilit wone yugu kagak wiganit nogo logorak mage o. Aap ambi abet aret maluk eeremenggerak kagak, Eerulik o, yinuk, aana'le mbaniyak mage o.

Wundeegwaarak 23:1 Iomraidhean Croise

Wakkagagerak 39:17

ogonggelo Potipat nogo ame wage mbareegi, eereegerak wone nogo mbininogo yoge logonet, “Aap Iberani mendek wonok wagandak kayeloman nogo nen an, Meek, nomba'nuk, maluk eerogo panikit nduk, neya unggwegerak kwe,

2 Tamuwen 16:3

Yoge mbareegi, aap endagembogut nen Tiba nogo yoge, “Kogoba Tawun ombooluk Mepibotet nogo nggeeme wonage o?” Yoge mbareegi, at Tiba nen Ndawut yoge logonet, “At Mepibotet nogo nen, An nombo Tawun endagembogut logonet, abu'me piinok wonagagim nogo, obaane'me aakumi Iterali nen an aret mippanugun, mbake o Yerutalem kagak wagi o.”

2 Tamuwen 19:27

Nambokan lagangge nagagerik, an kayeloman nabok mbanogo kat nowe kendagembogut yokkireegerak kwe, kat nowe kendagembogut ti, Ala ayonggo malayikat kwak aret me, at eeppuurak mbakendak kenok, aret eeppu o.

Ndawi 101:5

Aap ambi ore eebe lek kagak meek eerogo pege kenok, At eebe ti, enggaawak lek eerogo pege, At aap, “An iya,” mbake logonet, iniki wogoppake nogo An teppuurak meek me, onggo eeppege, Eeke logogin o.

Ndawi 120:3

Kit aap pilit yaga yi wae. Aliku ALA nen aaninggin nano mendek eeppinagage, Ti eeppinagage logonet, ngge mendek inom eeppinagage, Eerigin mbakop? Lek o.

Ndawi 15:3

Inoone paga nen aap meek eerogo piinet nugulik kenok, Inoreewi maluk eeppiigulik kenok, Inom menggaarak inendage maluk eerogo piigulik kenok,

Ndawi 27:12

It aap apit aret mi'nogo nagaarik, pilit-pilit, “Togop eekendak o,” yinuk, yo'nugwi, Iniki aagi paga, “Ndogop eeppagagun o,” yinuk, yo'nugwi, Eekwi me, It eeppaniyak uugwe mbakwi nogo Ineenggime paniyak mage o.

Ndawi 35:11

It aap inogogun worokot nen we piliret, “Ndogop eeke kogoorak o,” yuwok nduk, wogo nagaatik, Wone an neenggo'lek mendek neegwa'me waganggwi, “Yogop eekendak ndogop eekendak,” yo'nugwi,

Wundeegwaarak 20:16

Kit kinore ambi eeremenggerak kinigen liirogon koolik kagak aap owak loongga pilit wone inom nabenogo yoroorak mage o.

Wundeegwaarak 23:7

Aap ambi nen eerulik kagak, Eekerak aret o, yogwe iinok, inoone inom nabeniyak mage o. Aakumi maluk eekwi iinok, an teppiyaagin lek me, aap ambi maluk eerulik kagak warogo pugwi, ndi, An abet aret maluk ti eerulik o, ari kagak, Eekendak aret o, yinuk, warogo pugwi, eeriyak mage o.

Kini Wuppiige 10:18

Aakumi nen inoreewi ineebi lombok inombako logonet, “Togop mbakulik o,” yogwe iinok ti, pilit aret pugunggo menggaarak kwe, It aap inoreewi inabok mbanit nugwi iinok perak, aap wi negen aret agan nugu menggaarak o.

Kini Wuppiige 12:17

Aap oone abet mban ari menggerak nogo nen at enegen kegetak ndak-ndak ari menggerak kwe, Aap oone pilit pugunit nege menggerak nogo nen perak, kegetak kagak alik pugunogo ari menggerak.

Kini Wuppiige 14:5

Aap enegen abet kenok yaga nen ari ti, pilit ariilik lek kwe, Enegen abet kegetak kwe, pilit pugungga nen ari ti perak, pilit aret pugunit nage menggerak.

Kini Wuppiige 17:4

Aap maluk mendek nen inoone maluk yogwe nogo inaruk konenggwi, Aap pilit pugungga nen aakumi maluk eeppiyoorak yogwe nogo liippugwi, Eeko menggaarak.

Kini Wuppiige 19:28

Aap ambi eeke enegen kegetak kwe, piliret, “Eeke koolik o,” ari nogo nen a'me nggelok eeppiiga oone yugu nogo meek eerogo pege, Ndi, aap maluk mendek nen pilit wone mban nenet nege logonet inikilom mbake, Eeko menggaarak.

Kini Wuppiige 19:5

Aap ambi eeke enegen kegetak kwe, piliret, “Eeke koolik o,” ari nogo ti, onggo oba arigin lek ti lek, oba aret age, Ndi, aap ambi oone pilit mban pugunit nege kenok kunduk, onggo eeppigin lek lek, aret eeppege, Eerigin o.

Kini Wuppiige 19:9

Aap ambi eeke enegen kegetak kwe, piliret, “Eeke koolik o,” ari nogo ti, onggo oba arigin lek ti lek, oba aret age, Ndi, aap ambi oone pilit mban pugunit nege kenok, at eebe aret lek eerogo pake, Eeko menggaarak.

Kini Wuppiige 21:28

Aap ambi eeke enegen kegetak kwe, piliret, “Eeke koolik o,” ari nogo nen ari kenok, oone taganogo pogo menggaarak kwe, Aap ambi wone liirogon konembunuk yaga nen ari kenok perak, ari logowak nduk, teppogo menggaarak.

Kini Wuppiige 24:28

Alom lek kagak kore abet-abet paga wone oba pege, Kat koone paga pilit-pilit yoge, Eeriyak mage o.

Kini Wuppiige 25:18

Aap ambi ore imbirak menggerak nogo eerulik kagak, pilit-pilit, “Eekendak o,” yoge nogo ti, Eyo obate mbanak kwak, wooluwak kwak, maale ngget ambik kwak, aret wonage menggerak.

Kini Wuppiige 25:23

Aakumi inamili irip paga agan nogwe iinok, aakumi inete aagi ogwe nogo ti, O omarip paga nen wiya warit wage logonet, mayu wonok wage menggi kwak aret wonage menggerak.

Kini Wuppiige 6:19

Pilit wone agan nugu logonet, abet mbaruwak agan nugwi, Inoreewi inom wone waruwak nduk, inikime mambiinet nugwi, Eeko menggaarak ti aret.

Yeremiya 20:10

It aakumi apit aret nen, Inamineeri ne agan noorak mendek yi o ndi o ndak warit nege o. At eekerak yora nawi, yora nawi, yinuk, Inoone mumun paga yogwe naruk konengge agarik o. Noreewi kunduk nen an ambi eeriminggirak paga yilunnabuwok nduk, to'neego logonet, Ambokan laganemenggaarak paga yigeebu wangge kagak Nit tebenogo punuk, oone omaawi paga yo'nirage nagaarak nogo onggo eeppuwok o, yinuk, yogo agaarik o.

Ala Unde 19:11

It Iterali nen yogoot ambi waganggwi, aakumi inambokan laganggwi, inoone pilit yogwe, eekak yuurak mage o.

Ala Unde 19:16

Naliku ALA an aret me, inoreewi inabok mbanggo logonet, miyuk-meya eerogo piigwi, inooriyak nduk koonggwi iigak, Inobaalombok o, yinuk, teppiigwi, eeriyak mage o.

Matiyut 19:18

Yoge mbareegi, aap nogo nen, “Wone eebe ngge eeke logorak nduk yo'negen o?” Yoge mbareegi, Yetut nen, “Aap wariyak mage o. Kumi ugun wuri-naburak mage o. Yi mendek ndi mendek yogoot kiraariyak mage o. Pilit wone aakumi inoba piyoorak mage o.

Lukat 19:8

Yogo mbareegwa, at Takeyut nen it apit inenggaanom paga Yetut yoge logonet, “Nogoba o. An namindik-namendek mogonogo aap ineenggi lek kenok, wogorage, aap wi-wi aganake nagarak kero, obaane'me onggo 4 aret wogorage, eerikit o.”

Lukat 3:14

Yorage mbareegi, it aap yigin unde nogo nen at yogo logonet, “Ndi, nit kunduk, nonggop eeruwi o?” yogo mbareegwa, at Yaya nen, “Aakumi inageerok wokkiraawak nduk, kinoone omaawi paga yoroorak ti mage o. Ndi, pilit wone aakumi inoba piyoorak ti mage mban. Ata, yabu eekwi onggo wokkirogwe iinok, Yi ndak-ndak aret wo'niraga, yinuk, waganggo logonip o,” yoragagerak.

Yaya 7:51

“Wologwe. Nit eeko logorak wone yugu liiru mbanak nogo eeko logonet, aap ambi eerit nage nagagerak nogo, Togop nduk eekirak o, yinuk, ari ninaruk konembunuk, alom liippega'lek niigak, maluk onggo eeppuurak ti, op mbakop?”

Oroma 3:8

“Obeelom mendek kenom aruwak nduk maluk eeruwok, yogo menggaarak o,” yinuk, nit yaga'lek niigak kwe, ninendage maluk eeruwak nduk, yogwe, ndi, “It abet aret togop yogo menggaarak o,” yogwe, eeko menggaarak ndak-ndak, nit nen, “Obeelom mendek kenom aruwak nduk, maluk eeruwok o,” yinuk, agan nugu logorak op mbakop? Nit ninendage maluk aruwak nduk agan nugwi ti, Ala nen maluk onggo eeppiyaagin ti, op aret o.

Epetut 4:25

Togop me noreewi o. Keritut ninom kunik eenggi-iyok kokwak nit aret me, kit-kit aret pilit pugunggo monggotak nogo mbo punuk, kit abok aret wone abet kenok mban yogo logonip o.

Pelaareegerak 5:20

Kit kinore ambi eeremenggerak kinigen liirogon koolik kagak aap owak loongga pilit wone inom nabenogo yoroorak mage o.

2 Timotiyut 3:3

Ti eerit nugu logonet, inowe-inawot inabuwa mbakwi, inom lambuniyak mbakwi, eeka'lek aret logogun o. Aakumi inabok mbanit nugwi, eeriyak aganake kenok tebenogo pugwi lek mondok eerit nugwi, inanini wulo lombok logonet, aakumi mondok inoorit nugwi, obeelom eeriyak mondok ineebi mbarit nugwi,

1 Peterut 3:16

Kit Keritut kinom kunik logonet, obeelom eerit nogwe kiigak, it miyuk-meya eerogo pinagagwi nogo nen, kit obeelom mban eerit nogwe paga, “Ia!” yinuk, inagabiti mbarugun me, kiniki maluk ambi abe'naga'lek kiniki obeelom paga kinoone yanggorogon yorogo logonip o.

Wayu 12:10

Mbelenogo wuppiya wogo mbaka, oone nggwok ambi mbogut paga nen ari logonet, “At Ala enggaanom paga ninoreewi Ala apuri ko'lu-kii'me pilit wone inoba piige menggerak nogo, muk wuppi wagaarak me, At Ala omaawi paga Tile tebenogo punuk, apuri inagap ndake, Ninogoba Ala nen it yi aakumi ndi aakumi abok at abu'me piige, Ndi, Kinowe endagembogut yi aret o, yinuk, leenogo pereegerak Keritut nogo, oone mban konenggwi, Eeke logorak eyom ari waga o.