Wundeegwaarak 22:3 - Ala Wone Peenok Peebi Mbanak

³ o weeremenggerak paga waremenggerak kangge kenok perak, amiya at eenggi paga aret logogin o. Aap ambi nen aap alik amendek yogoot wagangge kenok, obaane'me awi yakkaawak o. Ndi, awi yariyak amendek lek kenok perak, aap ambi ayeloman age logomenggerik, at eebe onggo nggerenak wu nogo paga aap amendek kiraaremenggerak nogo, obaane'me awi yakkaawak o.

Wundeegwaarak 22:3 Iomraidhean Croise

Wakkagagerak 44:10

Yogo mbareegwa, at aap nogo nen, “Ti yogotak nogo op aret kwe, kit ando maluk eerulik kinomba'nuk, kiname ugun nogwe kiigak, niyoowak kumaa'nuk wonok wagaarak ti mban nayeloman logowak nduk wonok nagin o.”

Wundeegwaarak 21:2

It Iberani mendek nen inayeloman logowak nduk, ambi kuninakwi iinok, inake yabu eekwi iigak, tahun 6 eeppunuk ambi eeke paga wondet agago piigo logonet, Kunggakirak onggo wo'niru, yoriyak lek we aret wumbiigo logowak o.

Wundeegwaarak 21:34

at aap nggween kabunemenggerak nogo nen at aap aanggo kambemenggerak nogo onggo wogoge logomenggerik, tapi kambemenggerak nogo at aret lakkolaawak o.

Wundeegwaarak 22:2

Ndi, aap ambi nen yogoot kiraarikit nduk, aap ambi ame tu paake me, aap ambi nen kwaakkage logomenggerik, waremenggerak kangge kenok, at aap waremenggerak nogo ti, amiya eenggi paga logogin lek kwe,

Yetaya 40:2

It aakumi inayeloman mini eeppiirogo wonogwe me nen wondet eerogo piyoorak eyom muk panggoni wagaarak o. Maluk eeko nogogwaarak nogo lek eerogo piige, Inomaluk eeko nogogwaarak Naliku ALA onggo eeppiyareegirak nogo, Ne mbere eeppiyookwak, mondok nggwik togon inoba kwippiige, Eekirak nogo Abu aret eekirak me, Kat o Yerutalem mendek inabuwa nen koone yanggorogon yorage logot o,” yinuk, yo'negerak me, yagi o.

Yetaya 50:1

At Aliku ALA yegerak nogo yi aret. “Kwe yi neebi o, yinuk, wumbege logonet ninarum wonogwe inenggaanom paga liiru mbanogo kagalo wogoreegirak ngge o? Ndi, an nanomat mbanak porogo wonogwe me lek aruwak nduk, keebe waganogo ayeloman logonok nduk wogoreegirak aap ta o? Lek aret o! Kat maluk eeke keenok, aakumi inayeloman logonok nduk, keebe waganogo aakumi wogorage, Kat maluk eeke keenok, Kagalo neebi o, yinuk, mbo pege, Eereegirak o.

Matiyut 18:25

awu lek me, wogoriyak meek aret age mbareegi, aap nggwok nogo nen awuri yorage logonet, Aap yi eebe inom, akwe-apuri inom, amindik-amendek inom, abok aret aakumi kunggolaawak nduk, wogorogo logomonggotik, onggo wu wokkiramenggaarak nogo, an nawu wogoreegirak obaane'me an aret wo'niri wa'nu o.

Owak Loongga 10:7

Aliku ALA anini aakumi Iterali inoba piige nagagerik, ineebe waganogo aakumi Pilitin mendek inom, Amon mendek inom, ineenggime piyareegerak.

Owak Loongga 2:14

at Aliku ALA nen anini inoba piige logonet, inamendek kiraari unggwi wogo logowak nduk, eeppiige, inawim enaagan-ambokan wonogwe nogo nen inoori unggwi wogo logowak nduk, eeppiige, eeke kenok, it ko wappunuk logorak meek aret age nagagerak.