Wundeegwaarak 21:6 - Ala Wone Peenok Peebi Mbanak

⁶ at ogoba nogo nen ayeloman nogo wonok Ala awi wurik me pi nage logomenggerik, tungga paga ilik, tu yinik ambe paga a, mippunuk, Mondok-mondok nayeloman logomunggun o, yinuk, aruk pelenogo puwak o.

Wundeegwaarak 21:6 Iomraidhean Croise

1 Endagembogut 12:7

Yorage mbareegi, it nen wone onggo yogo logonet, “Kat o yogondak yi paga aakumi ti, Inayeloman a'nuk inake eerikit, mba'nuk yokkugwi nogo, wone onggo obeelom yorage keenok, it nen mondok-mondok kayeloman mini aret logogun o,” yinuk, yoreegwaarak.

Ndawi 82:1

O mbogut paga Ala awuri inom eeka nogo, Aakumi inanebunu lombok inagugi inom kuwak eeppunuk wonogwe me, Wone mbanikit nduk, Ala inenggela'me mi'nage, Inawone amburu mbanogo inowak loongge, Eerikit nduk, Yorage logonet,

Wundeegwaarak 12:12

Ti eekwi wonogwe iigak, Naliku ALA an aret me, oonikiya ti paga o Metit irip-irip abok aret nage logonet, aakumi Metit mendek inapuri manggu ndarak inom, inaanggumi aa'nduk ndarak inom, abok aret inooke, inagugi abok aret inomaawi lek eerogo piige, eerigin o.

Wundeegwaarak 21:22

Aap ambi nen aap ambi imbirak ndugwi pit nogo logonet, kwe ambi abila me wogobelanak waremenggerak elege inikime aambiranogo pemenggaarak kwe, kwe eebe kangga'lek eenik wonage kenok, at ogonggelo nen, Onggo ndogop puwak o, yemenggerak nogo it inowak loongga nogo nen amburu mbambunuk, op mbakwi iinok, ndak-ndak aret puwak o.

Wundeegwaarak 21:5

Togop aret wondet agago teppemenggerak kwe, at ayeloman nogo nen ogoba yoge logonet, Kat nogoba inom, nakwe-napurilogwe inom, niniki kunik aret wonage me, wondet aago nege logorak ti, neebi o, ari kenok,

Wundeegwaarak 21:7

Ndi, aap ambi nen aap alik ambi yoge logonet, Napuluk kolaga yi, kayeloman logowak nduk, kunggolet o, yoge kenok, aap nogo nen kunggolage logomenggerik, ti'nuk, Nimbirak logorak, eebi mbake kenok, it aakumi inayeloman aap kenok wondet aago nugu logowak nduk teppiigwi ti kokwak eeriyak lek o. Ata, awo miirogo kunggolage logonet, Ndogop eeko logowok o, yinuk, kunggolegerak nogo ndak-ndak eerulik me, aap inambik kunggolaawak nduk, wogoriyak mage o. Ata, at ogoba ndareegerak unde nen aap nogo amendek awi yakkage kenok, kolaga nogo ogoba imbirak aret logowak o.

Wundeegwaarak 22:28

Yoge nagagerik, Iterali yoraawak nduk, Muta ambinom yoge logonet, “At Ala miyuk-meya eerogo pugwi, aap inowe inarum menggerak nogo inoone maluk, Kambu o, yogwi, eeriyak mage o.

Yetaya 1:26

Inowak loongga nogo maan aa'nduk aakumi inowak loongga wonogogwa kwak inobaane'me mippiige, Aa'nduk inom wone koonggo nogogwa kwak inobaane'me eeppiige, Eerigin o. Ti eeke neenok, aakumi nen, O Yerutalem ti, Obeelom Eeko Menggam o. Ala Wone Liirogon Mugurok Nogo Menggam o, yinuk, kat yokkogo logogun,” yegerak o.

Ala Unde 25:23

Yoge nagagerik, “Nggween ti, an Ala nanggween aret o. Ndi, it ti, aap nggiru negen luulu unde logowak nduk, wogoragagirak me, it nen nggween onggo nggerenggolagwaarik o.

Ala Unde 25:40

Ata, aap yabu eeppiigwi a, aap we luulu inom logowak nduk, iniya wogwe kenok a, eekwi iinok, eeppiigo menggaarak kokwak at kunduk togop eeppugwi iigak, aap nogo inake eeke kagak tahun 50 age paga aakumi inayeloman wondet agago piigwi eyom nogo ari nawak o.

Tepaniya 3:3

At inom eeka aap inendage warak wonogwe nogo ti, Singa at nengge menggerak naakit nduk oone nggwok ari menggi kwak, wonogwe, At aagalogwe inowak loongga ti, nggeewo owo nen nggwiya wappunuk ko'lu noorak mbakulik, o ne ambit weege paga uwiirogo wurako mengga kwak, wonogwe,

Pelaareegerak 1:16

Ti mippiige nagagirik, ne ti eyom paga aret kinoweewi kinowak loongga nogo yorage logonet, Kit nen kinowe-kinawot Iterali mendek it mban-mban maluk eekwi kenok a, it aap nggiru kinenggela'me wonogwe nogo kit Iterali kinom maluk eekwi kenok a, inawone amburu mbanggo logonet, Yi endage warak, yi endage lek, yinuk, inete yomboombunuk, inawone amburu mbanggo logorak ti mage o. Ata, aakumi inawone amburu mbanggwi ti, Ala unde aret me, it aap ineebe paga kinagabiti mbaka'lek, it inoone yogwe mban kinaruk konembunuk, eeremenggaarak ndak-ndak inawone amburu li'lak aret mbanggo logomunggup o. Ndi, wone aaninggin negen eekkinake kenok ti, an nen inoone konembunuk, inawone amburu mbanikit nduk, wogoren nowagam piya wogo logomunggup o, yinuk, yoragagirak.

Pelaareegerak 15:16

Ndi, aap kinayeloman ambi eebe obeelom logonet, aap kunemenggerak nogo inom, akwe-apuri inom, inabuwa mba'nuk, ari logonet, Kit mbo pinaganuk wundi noorak neebi o, ari kenok,

Pelaareegerak 15:17

aap nogo ayeloman aago mondok-mondok logonet, kambi noorak kuli ari nawak nduk, eyo nggabonak ambi wagangge logomenggerik, arungga'nggi paga taati nen ayeloman nogo aruk pelenogo puwak o. Ndi, kumi inayeloman logomenggaarak kenok ti, togop mban eerogo piigo logowak o.

Pelaareegerak 16:18

Yorage nagagerik, ambi yorage logonet, “At Aliku kinogoba Ala o wokkiramenggerak kinawi kota alitak lombok logonet, aakumi li'lak inawone amburu mbanggo logowak nduk, aap inowak loongga inom, inanebunu inalitak lombok wone lengganogo yoraga inoweewi inom, mippiyaamunggup o.

1 Tamuwen 1:22

at Kana nogo nen ogonggelo Elakana yoge, “Peebi Tamuwen yilak mbambunuk, at Ala alut eeko menggam awooliya wurik me time mondok-mondok logowak nduk, an nen Aliku ALA ake leenogo pi noorak me, yogondak ninom nagin lek o.”

1 Tamuwen 27:12

At Ndawut nen togop aret yori wagak eeke kenok, at Akit iniki mbake logonet, “At Ndawut anebunu Iterali mendek nogo nen Ndawut eerit nage paga mondok ineebi ombako logonet, ogole yogwe me, at Ndawut ti, an nayeloman mondok-mondok aret logogin kagi,” yinuk, eerit nage logowak nduk, oba pereegerak.

1 Tamuwen 28:2

Yoge mbareegi, at Ndawut nen, “Nambukwi paga mban an kayeloman eeke neyaamunggun o.” Yoge mbareegi, Akit nen onggo ari logonet, “Ti kenok, kat nen neebe narum mondok logonok nduk, mippagagi o,” yoreegerak.