Wundeegwaarak 20:8 - Ala Wone Peenok Peebi Mbanak

⁸ Nogo 6 yippunuk, ko'lu ti, nake leenak aret me, abeko logonip o.

Wundeegwaarak 20:8 Iomraidhean Croise

Ala Unde 26:2

Naliku ALA an aret me, nogo 6 yinuk, ko'lu paga yonggonggologwe puk logowak nduk, leenogo pateegirak nogo abekwi, ndi, nawooliya wurik magame nogome ayuk wukwi, eeko logowak o.

Ala Unde 19:3

Naliku inogoba Ala an aret me, inalitak lombok nen inagalomini-inogobamini inayuk wukwi, ndi, nogo 6 yippunuk, ko'lu paga yonggonggologo logorak nake leenogo pateegirak nogo liirogon aret abekwi, eeko logowak o.

Wakkagagerak 2:3

At Ala nen yi mendek ndi mendek abok aret wakkage nagagerik, ne ambi 7 paga tat yonggonggolage puk wonagagerak me, ne ti nogo at ale'nggen mbake logonet, ake leenogo pateegerak.

Ala Unde 23:3

Ne 6 paga ti, yabu eerit nogo logorak op aret kwe, ko'lu paga perak, an nake leenogo pateegirak me, it iname lombok abok aret yabu eeka'lek tat yonggonggologo logonet, kuwak eeppunuk, Naliku ALA nalut ee'nako logowak o.

Ala Unde 19:30

Naliku ALA an aret me, nogo 6 yinuk, ko'lu paga yonggonggologwe puk logowak nduk, leenogo pateegirak nogo abekwi, nawooliya wurik magame nogome ayuk wukwi, eeko logowak o.

Wundeegwaarak 23:12

Ne 6 paga yabu eeriyak op aret kwe, ko'lu paga perak, inaanggumi lembu-keledai nogo tat yonggonggologwe, ndi, it inom, inayeloman inaagalogwe inom, aap nggiru iniya woramenggerak wonogwe inom, iniki ale'nggen paga tat yonggonggo'net nugwi, eeruwak nduk, yabu eeka'lek puk aret logowak o.

Wakkagagerak 2:2

Wakkage nagagerik, at Ala nen, “Yi mendek ndi mendek abu aret wakkagarak me,” yinuk, ne ambi 7 paga tat yonggonggolage puk aret wonagagerak.

Pelaareegerak 5:12

At Aliku kinogoba Ala nen nogo 6 yippunuk, ko'lu ti, nake leenak aret me, abeko logomunggup o, yokkiragagerak nogo ndak-ndak aret eeko logomunggup o.

Nekemiya 9:14

Nogo 6 yippunuk, ko'lu paga nake leenogo pateegirak o, yinuk, ineenu eeppiige, Yogop ee'nu ndogop ee'nu, wone inom, wone lengganak inom, eeko logorak wone inom, kayeloman Muta nen yoraawak nduk, yoge, eereegindak o.

Nekemiya 13:15

Ti eyom paga o Yekura time it aakumi nen nogo 6 yippunuk, ko'lu yonggonggologo logorak wone yugu kagak anggur anggen aambiranggwi, ndi, it ando nen gandum anggen inom, anggur amburu toolak inom, anggur anggen mbanak inom, eyo wuliinggen inom, yi mendek ndi mendek eegu ambik aret inom, waganogo keledai paga nippunuk, nogo 6 yippunuk, ko'lu yonggonggologo logorak yugu ti paga wonok, o Yerutalem pi wogwe, eekwi iige nagagirik, “Nogo 6 yippunuk, ko'lu yonggonggologwe paga onggo kuniyak ti mage o,” yoragagirak.

Yetaya 56:2

It aap wone ti ndak-ndak eerit nogwe, It aakumi ndarak nen wone ti, nggirik-nggerok porogo wonogwe, Eeko logonet, Nogo 6 yippunuk, ko'lu yonggonggologo logorak wone taganogo pega'lek ndak-ndak eekwi, Maluk eeka'lek abe mban eerit nugwi, Eekwi iinok, Inale'nggen logogun o,” yinuk, yegerak o.

Yeremiya 17:22

Nogo 6 yippunuk, ko'lu paga iname nen inamindik-inamendek luurik-maarak aago wunggwi, yabu eekwi, eeka'lek nake leenak aret logowak o, yinuk, wone lengganogo inombomini yoragagirak kagak,

Yeremiya 17:24

Aliku ALA ari logonet, “Ndi, it yi perak, an wone yorage nogo liirogon konembunuk eeko logonet, nogo 6 yippunuk, ko'lu paga inamendek luurik-maarak aago wonok o kota tu unggwogo menggam unggwi wogwe, yabu eekwi, eeka'lek nogo 6 yippunuk, ko'lu paga nake alik leenogo pugwi iinok,

Wundeegwaarak 31:12

At Aliku ALA nen Muta wone ambinom yoge logonet,

Wundeegwaarak 35:1

Ti'nuk, Muta nen aakumi Iterali wonogwe abok aret kuwak eeppiige nagagerik, yorage logonet, “At Aliku ALA nen kit eeko logobagip nduk, wone lengganogo yokkiragaarak nogo yi aret o.

Linggineegwaarak 15:32

It Iterali mendek karume wonogo logonet, nogo 6 yinuk, ko'lu yonggonggologwe paga aap ambi kani wurit nage kwaakkogo nogogwaarik,

Yetaya 58:13

“Nogo 6 yippunuk, ko'lu paga yonggonggologo logorak wone taganogo pugwi lek liirogon eekwi, Ne an Ala nake leenogo pateegirak nogo paga it eeriyak mbakwi nogo lek an eeriyak mbake nogo mban eekwi, Nogo 7 paga yonggonggologo logorak ninikilom aret, yogwe, Naliku ALA nen ne leenogo pateegirak nogo ayuk wukwi, Ayuk wuko logonet, it eeriyak mbakwi nogo eeka'lek mbo pugwi, Eeriyak inikilom mbakwi nogo eeka'lek teppugwi, Inoone ugun-ugun yaga'lek liirogon mban agan nogwe, Eekwi iinok,

Yeremiya 17:21

Naliku ALA nen it kambuurak lek ineenik logorak, mbakwi kenok, nogo 6 yippunuk, ko'lu paga inamindik-inamendek luurik-maarak aago wonok nogwe, tu o Yerutalem unggwogo menggam ti paga wonok pi unggwogwe, eerugwaarik o.

Yetikiyen 20:20

ndi, nogo 6 yippunuk, ko'lu paga yonggonggologo logorak leenogo pateegirak ti, kit ninom wone yereegurak abekak aret me, eekwi, eekwi kiinok, Naliku kinogoba Ala an aret kineenu arumunggup o, yinuk, yoragagirak.