Wundeegwaarak 20:5 - Ala Wone Peenok Peebi Mbanak

⁵ wogoppiigo logonet, inabu'me tebe yi unggwogwe, inayuk wukwi, eeko logorak mage o. Naliku kinogoba Ala an nalik aret neegak, nobaane'me ambi mippunuk, ayuk wukwi kiinok, Neebi o, yinuk, nanini mbake minggirak me, yi aap ndi aap inanini nombako logonet, maluk eekwi nogo ti, it ineebe inom, inapuri inom, inombowologwe inom, it paga nen wiganak inom, an nen aaninggin inoba piige logogin kwe,

Wundeegwaarak 20:5 Iomraidhean Croise

2 Tamuwen 21:1

At Ndawut nogo Iterali inarum wonage eyom paga, mbi noogelo kagak, tahun kenagan aret age mbareegi, “Aliku ALA nen yo'niruwak o,” yinuk, at Ndawut nggino yoreegerak. Yoge mbareegi, at Aliku ALA nen at yoge logonet, “At Tawun apuri inom nen it aakumi Nggibeyon mendek inooke mbareegi, inamiya at Tawun apuri inom inoba agagerak paga, o yi maluk agaarak o,” yinuk, yoreegerak.

2 Tamuwen 21:6

at Tawun apuri aap ineebe 7 waganogo wo'nirage keenok, at Aliku ALA nen aap leenogo mippereegerak Tawun awi alom paga o Nggibeya nogome inoorogo piinok, Aliku ALA enggaanom paga time tugumbiyaawok o.” Yogo mbareegwa, aap endagembogut nen, “Op aret yogotak me, wokkiraakit o,” yoragagerak.

1 Endagembogut 19:10

Yoge mbareegi, at Eliya nogo nen wone onggo yoge logonet, “Nogoba o. Kaliku Komaawi Lombok Menggendak Ala kake nanggena luk togon eerit nage minggirak kwe, it kapuri Iterali nogo nen wone kinom koonogo pereegindak nogo mbo punuk, kake warogo wokkegak ogobakkigirik nogo minogo pugwi, inobaloowi paga it kat yorage keegak yoraga nogo inookwi, eeko logonet, nalik aret mbo panggaarak me, yogondak an inom aret nooriyak nduk eeko mbaka, yime agarik o.”

1 Endagembogut 21:29

“Aap Akap nogo nenggaanom paga iniki tebeppakerak kagandak ilik? Iniki tebeppakerak me, an aaninggin oba puurak yagarak nogo ti, at wonage kagak oba nappi woraagin lek o. Ata, at aput ndaremenggerak eenik wonage kagak, at paga wiganak inom inoba nappiya woraagin o,” yinuk, yoreegerak.

2 Endagembogut 17:35

At Aliku ALA nen Iterali inom wone koonogo pereegerak nogo, eeriyak yorage logonet, “An nobaane'me kugi eeko logonet, inayuk wukwi, ti mban mugurok nogwe, inake warogo wogogwi, eeriyak ti, mondok mage o.

2 Endagembogut 17:41

It aakumi yi nen at Aliku ALA alut eeko logonet kwe, inagugiwak inom aret tiyappit nogo nogogwaarak me, yogondak inapuri-ino-mbowologwe kunduk, inombomini eeko nogogwaarak nogo ndak-ndak aret eekwi wonogwe o.

2 Endagembogut 23:26

At Yotiya togop aret eerit nage kagak kwe, aap Manate eereegerak paga Aliku ALA anini mbareegerak me, aakumi Yekura anini kani kunik negen inombake nogo lek aga'lek kunik aret wonagagerak.

2 Endagembogut 5:18

Ndi, at Aliku ALA nen nomaluk ambi lek eerogo panege logorak nogo yi o. An nogoba endagembogut kugi Irimon awi wurik me endobanggun yindumbunuk, alut eeruwak nduk, an wonok unggwi nage logominggirik, alut eeke kagak, an kunduk, kugi Irimon awi wurik me nendobanggun yindumbege neenok, Aliku ALA nen an kayeloman nomaluk ti lek eerogo panege logowak o.”

2 Endagembogut 5:27

Lek aret me, at Naman awin aaga'ne kunik nogo kat kagabolo paga inom, kapuri-kombowologwe wiganak inagabolo paga inom, kinoba aremenggerak mondok-mondok lenggenak aret logogin o.” Yoge mbareegi, at wonage me nen awo wundi nage kagak, awin aaga'ne agabolo paga lenggek ari mbareegi, yanggwi kwak lan ari nagagerak.

2 Mbinineegwaarak 25:14

At Amatiya nogo nen aakumi Erom mendek inoorogo piinok, it aap Teyit mendek inagugi wonok ame wage nagagerik, “It inagugi yi ti, an nagugi aret aga o,” yinuk, endobanggun yindumbunuk, inayuk wuke logonet, kugi ti, inake aanggo warogo kani kungge nagagerak.

2 Mbinineegwaarak 7:19

Ndi, kat aakumi kinom nen wone lengganak inom, Yogop ee'nu ndogop ee'nu, wone yugu inom, an yokkiragagirak nogo eeka'lek taganogo mbo punuk, an nalut eekwi nobaane'me kugi eerit nogo logonet, inayuk wukwi kiinok perak,

Ayup 21:19

Kit nen yogo logonet, It aap maluk eeko menggaarak onggo nogo Ala nen inapuri inoba kwippiige menggerak, yogwe ti, It maluk eekwi onggo inapuri inoba piyoorak lek o. Ata, Aap maluk eeka ti iniki liippuwak nduk, It lombok aret inoba kwippiyaawak o.

Ayup 5:4

Apuri wologwe nogo yeenggwaaraga'lek teppiigwi, O kota tu unggwogo menggam inowak loonggo logonet, Tebenogo piigwi iigak, inaana'le mbangga'lek mbo piigwi,

Ndawi 109:14

Ombomini inomaluk nogo Aliku ALA nen abeke, Agalo maluk eeke nagagerak kunduk, lek eerogo pega'lek itok kunik wonage,

Ndawi 78:58

Ala anini mbake kagak, Puut-puut paga warogo wogorogo logorak ogobakkigikwi, “Inogoba nalik aret neegak eekwi yi, neebi o,” Mbake kagak inagugiwak ogobakkigirogo punuk alut eekwi, Eeko nogogwaarak.

Ndawi 79:8

Nit ninombomini maluk eeko nogogwaarak onggo nit ninoba kwippinaniyak ti mage o. Ata, nit niniki abu lek-lek ee'ninake me, Ninabuwa mba'nuk mbet-mbet aret ninomaawi eeppinani woraamunggun o.

Ndawi 81:15

It aakumi Naliku ALA ineebi nombakwi nogo Yipik agan nabu'me kwi'nari wogo logonetak me, Aaninggin inoba piyaminggirak mondok-mondok inoba wonage kagak,

Wundeegwaarak 23:24

Kit nen an nalut eekwi obaane'me kinendobanggun yindumbunuk, inagugi ayuk wukwi, inagugi inendage tiyappiigo logobagip nduk, inawi wukwi, it kugi eeko logonet, eeko menggaarak nogo ndak-ndak eekwi, eeriyak ti mage o. Ata, inagugi ogut aago ogobakkigirik nogo kalenak-pugunik eerogo piigwi, inagugiwak telenak-mbelenak agago piigwi, eeko logomunggup o.

Wundeegwaarak 34:14

An Ala nalik aret neegak, nobaane'me alik ambi mippunuk, ayuk wukwi iinok, niniki laakot inombake minggirak me, Naliku ALA nendage ti, Laakot Inombaka aret o. Togop me, an nobaane'me alik ambi mippunuk, alut eeriyak ti, mage o.

Kini Wuppiige 8:36

It aap an wo'naka'lek mbo panugwi iinok perak, It inobaalombok aret maluk eekkologo menggaarak o. It aakumi an ineebi nombakwi abok aret kambunuk mondok-mondok Ala inom ogoorak logorak inikilom mbako menggaarak o, Yinuk, iniki warak nen yereegerak nogo ti aret o.

Yetaya 44:15

Eyo ti, aakumi nen kani kunggo logorak ake aret me, Ando kumbunuk, togwi worakkologo logorak ake, Ando inambi worako logorak ake, Eeko menggaarak kagak, eyo ti paga kugi ogut eerogo punuk, ayuk wukwi, Kugiwak ogobakkigirogo punuk, alut eekwi, Eeko menggaarak.

Yetaya 44:19

It aap ti nen, “Eyo eegu ti paga togwi worakkolaawok nduk kani kunggwi, Kani anggen paga inambi worakkologwe, Wam enggaanggum inom worappunuk nunggwi, Eeko monggoorak kwe, Eegu ti paga ogole warak kugi ogut ogobakkigirogo pakwi, Eyo mbanak kagak abu'me tebe yinuk, ayuk wukwi, Eeriyak ti op ilik?” yinuk, iniki koonggwi, Yelok kogwe, liippugwi, eeka'lek aret agaarik o.

Yeremiya 2:9

Togop me, it eekwi ti, inawone ambinom mbangge logonet, yorage agarik o. Ndi, inombowologwe peebi nda'nariyak kunduk, inawone mbanogo pigin o,” yinuk, Aliku ALA nen yegerak me yokkiragi o.

Yeremiya 32:18

Yi aakumi ndi aakumi ambik ineenggi lingginiyak meek nogo inabuwa nen kiniki kunik eeginake menggendak kwe, inogobamini inomaluk paga inapurilogwe aaninggin inoba piige menggendak o. Kat mondok iya komaawi ambik Ala aret. Kendage ti, Komaawi Lombok Menggendak Kaliku ALA aret o.

Yetikiyen 18:19

Togop aret kwe, it nen yogo logonet, Ogoba maluk eeke nagagerak onggo nogo eeppogo logonet, apuluk inom eeppuulik ti, nonggop nduk? yogwe iigi o. Apuluk ti, a'me nggelok mban eeke, abe koonak mban eeke, wone lengganogo yorage minggirak nogo liippunuk eeke, eeke kenok, alom ti paga at mondok eenik logogin o.

Yetikiyen 18:2

“It Iterali wonogo menggam eekwi iinok, wone wakkagak yogo logonet, Ninogobamini eyo anggen ale mendek nunggwi paga nit inapuri nineyak ne agan nage menggerak o, yinuk, yogo monggotak ti, alom ngge nduk yogo monggotak o?

Yetikiyen 20:7

Kumbuk mbangge nagagirik, it yorage logonet, Naliku kinogoba Ala an aret neegak, Yeenggwa niraawak o, yinuk, ogole warak ogut eerak ayuk wukwi nogo, kinalitak lombok mbo pinip o. It Metit mendek inagugi mugurok nogwe paga maluk eekkologwe kiyo, mugurok noorak mage o.

Yetikiyen 39:25

Togop me, Naliku Nitok Minggirak an ALA nen yagarak nogo yi aret. An nen o yogondak Yakup paga wiganak aa'nduk wonogogwa kwak obeelom eerogo piige, it Iterali mendek abok aret inabuwa mbake, ndi, an nendage kikak nakeelik alik leenak logowak nduk, niniki aganggen kerok togon eerit nage, eeke logogin o.

Yetikiyen 8:3

At ti, aap eenggi negen ngginogo neeruwak pi'nake kagagirak. Ti'nuk, nabinggaanggo kage logonet, Aberiniki nen an piyanneren mbogut agi, nggween ogu, kagak o oolo taati lagangge nagagerik, wo'neren o Yerutalem oore'nggam akem o omarip paga pa'nggwe tu unggwogo menggam Ala alut eeriyak kagak alik alut eekwi eebi mbake ogut eerak wonage me nogome pani nagagerak.

Ndaniyen 1:2

Oonda mbani unggwage kagak, at Ala nen aakumi Yekura mendek inowe endagembogut Yoyakim tebenogo puwak nduk, eeppege mbareegi, tebenogo punuk, Ala awi wurik me eekak ake nogo ando waawak nduk eeppege mbareegi, wagangge nagagerik, wonok o Mbaben at agugi alut eeke menggim yime pi woranuk, at agugi awi wurik me yi mendek ndi mendek abe kenok pege menggim nogome mambereegerak.

Ndaniyen 3:18

Ndi, wumbinani woraagin lek kagak kunduk, nit kat kagugi inalut eekwi, ndi, mbuti emas paga ogut eerogo mippegendak ti, abu'me tebe yinuk, ayuk wukwi, eerugun mondok lek me, kat ninogoba kendagembogut keenu a'nok nduk yokkogo o,” yinuk, yoreegwaarak.

Ala Unde 20:5

an nen aap nogo owe-awot inom pegiyoorak neebi nen nambokan piige logominggirik, kwe ambi ogonggelo mbo punuk, aap alik wuruwak nduk, ngginoorage menggi kwak, an mbo paninuk, kugi Molok ake eeko logonet, ili yemenggerak nogo abok aret aap ti inom aakumi Iterali inenggela'me nen inenggaawak lek eerogo piyaagin o.

Ala Unde 26:1

Yoge nagagerik, “Naliku inogoba Ala an aret me, nobaane'me kugi ogut ogobakkigirogo pugwi, yi mendek ndi mendek ogut agago pugwi, inagugiwak ogobakkigirogo pugwi, yugum ayo waganogo iname pugwi, eeppunuk, inendobanggun yindumbunuk, alut eeko logorak mage o.

Ala Unde 26:29

Kwippiyaminggirak paga inambi abu nen inapurilogwe wologwe inom, komologwe inom, inoorogo nonggo logogun o.

Nakum 1:2

Aliku ALA nen, “Nalik nalut eeruwak lak, it ando inalut eekwi yi, neebi a,” yinuk, mbake, At mbo pugwi iinok, onggo eeppiige, Aliku ALA mbo punuk, ugun eekwi iinok, onggo eeppiige, Anini lombok mi'nage logonet, maluk eeppiige, At Aliku ALA inom ogoorak nogo anini inoba kwippiige, At inom wim mbanak eeppiyoorak mbake nogo inikime tebenak wonage, Eeke menggerak o.

Linggineegwaarak 14:33

It an noone liirogon konembunuk, eerulik me, inomaluk onggo inapurilogwe inoba pege neegak, o karume yime aret ndomba ndegeninabit yagak-ndagak nugwi iigak, tahun 40 paga inogobamini kambit namengga-namengga irip paga it ambi kambuurak yugu nogo aret ari nagin o.

Linggineegwaarak 25:11

“An neebi nen it aakumi Iterali lek eerogo piyookwak, an mban nayuk warak logokit nduk, naana'le mbanggolage minggi kwak, aap an neebe unde Karun ombooluk Eleyatat apuluk Pinekat ti nen, It aakumi Iterali yi, Aliku ALA alik mban ayuk wuko logowak o, yinuk, mondok mi'nage nagaarik, naana'le mbangge logonet, eekerak paga nanini nen aakumi Iterali eeppiyoorak mbakirak nogo, lek eerogo punuk, niniki yanggonogo panegerak me,

Matiyut 4:9

“Kat nabu'me tebe yinuk, nayuk wuke keenok, yi abok aret wokkirigin o.”

Yaya 15:18

Yorage nagagerik, ambinom yorage logonet, “It o nggween paga yime menggaarak nogo nen ineebi kinombakwi iinok, an aa'nduk ineebi nombako nogogwaarak nogo kiniki abe'nu o.

Yaya 7:7

It aakumi nen kit ineebi kinombariyak meek kwe, an perak, it aakumi eeko menggaarak ti, Maluk aret o, yinuk, paganogo yorage minggirak me, ineebi lombok nombako agaarik o.

Yaya 9:2

Kage mbareegi, at oone waganggwi mendek nen at yogo logonet, “Ngguru wae! Aap yi, at maluk eereegerak paga enegen mbuk nda'nagagerak a, at agalo-ogoba maluk eereegwaarak paga enegen mbuk nda'nagagerak a?”

Oroma 1:30

nabok-kabok yogwe, “Ala abu nineebi o,” yogwe, worokot-laakot agan nugu logonet, “Aap nggwok eekkola,” yinuk, wogoppatit nugwi, maluk eeriyak iniki mondok aberak wonogwe, inagalomini-inogobamini inoone taganggwi,

1 Korindut 10:22

Nit ninowe anini eeppuurak op mbakop? Nit ninomaawi ambik, ndi, at omaawi lek mbakop? Lek aret o.

Pelaareegerak 32:21

Mbo paninuk, nalut eekwi nobaane'me kugi ayuk wukwi iinok, Neebi o, yinuk, niniki laakot inombake, Kugi nen ambi eeppiyoorak lek kagak kugiwak aanom warogo ayuk wukwi iinok, An nanini wungge, Eeruwak nduk, Eerogo paneegwaarak me, It aakumi inendage lek alik mendek eeppiige paga napuri nen, Ao, mbakwi, Ndi, aakumi inanebunu wi-wa mendek eeppiige paga napuri nen inanini ogwe, Eeruwak nduk, Eeppiyaagin o.

Pelaareegerak 32:41

Nawooluwak ngget nggabuniminggirak abinak o yabok pogom eeke nogo, Aakumi maluk onggo wogoraakit nduk, wagangge logominggirik, It an ninom ogoorak menggaarak nogo inooke, Inanini nombako menggaarak nogo onggo eeppiige, Eeke logogin o.

Pelaareegerak 5:10

it yi aakumi ndi aakumi apit an inabuwa nen, Yogop ee'nu ndogop ee'nu, wone yorage minggirak nogo liirogon konembunuk eekwi iinok perak, inombowologwe wiganak inom apit aret niniki kunik eeginake logogin o, yinuk, yagi o, yereegerak yokkiragagirak nogo aret pelaarogo yokkirage agarik o.

Pelaareegerak 5:9

inalut eeko logonet, inabu'me tebe yi unggwogwe, inayuk wukwi, eeko logorak mage o. Naliku kinogoba Ala nalik aret neegak, nobaane'me kugiwak mippunuk, ayuk wukwi kiinok, Naliku an ALA nen, Neebi o, yinuk, nanini mbake minggirak me, yi aap ndi aap inanini nombako logonet, maluk eekwi nogo ti, it ineebe inom, inapuri inom, inombowologwe inom, it paga wiganak inom, an nen aaninggin inoba piige logogin kwe,

Pelaareegerak 7:10

Togop aret eerigin kwe, It aakumi at ineebi mbako menggaarak nogo perak, Inayuk wurogo teppiiga'lek Eeremenggaarak onggo ineebe mondok lek eerogo piige, Ndi, it aakumi at ineebi mbako menggaarak nogo Ineebe paga agabiti nen puk aga'lek Eeremenggaarak onggo mbet-mbet aret inooke, Eerigin o.

Yakobut 4:4

Kwe ambi nen aap ambi waganggak eeke menggi kwak eeko monggotak kit yi, it aakumi nggween paga eeko menggaarak mendek kinom kunggologwe kiinok, Ala kinom ogookkologwe nogo kineenggo'lek me eeko ogotik? Togop me, aap ambit-ambi, “It aap nggween paga eeko menggaarak mendek ninom kunggola,” mba'nuk, eeke kenok, Ala imbirak ogookkolage menggerak aret o.

Yotuwa 23:16

At Aliku kinogoba Ala wone abuk nggaruk togon koonogo punuk, Eeko logonip o, yinuk, yokkiragagerak nogo, taganogo punuk, at mugurok nogwe obaane'me aakumi inagugi mugurok nogo logonet, inabu'me tebe yinuk, ayuk wurit nogwe kiinok, Aliku ALA anini kani kunik negen kinoba kwippinagagin o. Kwippinagage kenok, kinanggween obeelom wokkiragagerak ti paga nen mbet-mbet aret kineebe lek ogo logomunggup o,” yinuk, yoragagerak.

Yotuwa 23:7

It yi aakumi ndi aakumi o Kanan mendek mugogo wumbiiga'lek kinom wonogwe ti, kinom kunggologwe, Ala mugurok nogwe obaane'me inagugi mugurok nogo logonet inendage kunggwi, Abet aret o, yinuk, inowak mbanggwi, ndi, inabu'me tebe yinuk inayuk wukwi, eeriyak mage o.

Yotuwa 24:19

Yoreegwaarak kwe, at Yotuwa nen it aakumi nogo yorage logonet, “At Aliku ALA nogo kit nen at mugurok nogo logorak kinobambok kiigi o. At Ala ti, iniki kikak nakeelik, alik kagak obaane'me ambi mippugwi iinok, iniki laakot mbake menggerak me, kit nen at oone taganogo punuk, maluk togop eekwi kiinok, kinomaluk at nen lek eerogo pigin lek o.

Owak Loongga 2:19

Ti'nuk, aap inowak loongga nogo kangge kenok, it aakumi Iterali mendek nen inombomini maluk mbuuluk negen eeko nogogwaarak kwe, it perak, maluk nggwok lombok eerit nogo logonet, Aliku ALA obaane'me kugi inayuk wukwi, mugurok nogwe, eerit nogo nogogwaarak. Togop mban eerit nogwe iigak, at Aliku ALA nen inowak loongga ambi mippege, kangge kenok ambi mippege, eeke nagagerak. It Iterali inogogumbuk a'nuk, maluk eerit nogo nogogwaarak nogo ti, mbo puurak mbaka'lek, kundugu aret eerit nogo logorak mbareegwaarak.