Wundeegwaarak 20:4 - Ala Wone Peenok Peebi Mbanak

⁴ Kit nen yi mendek ndi mendek agi mbogut paga menggerak inom, nggween paga menggerak inom, nggween abu'me niyo inikime menggerak inom, inogut wakkagak ogobakkigirogo punuk,

Wundeegwaarak 20:4 Iomraidhean Croise

1 Endagembogut 12:28

yinuk, oreewi inom wone mbambunuk, at Yerobeyam nen mbuti emas paga tapi aagalogwe inogut mbere ogobakkigippunuk, it aakumi Iterali yorage, “Kit Iterali mendek yi wae. Kit o Yerutalem Ala ake alut eeri noorak tu nda aret me, o Metit nen wokkiren wundi wagagerak nogo kinogoba Ala kwak alut eeko logorak yi aret me, kinigen pekkaanip o.”

2 Mbinineegwaarak 33:7

At Aliku ALA nen Ndawut aput Talomo imbirak yorage logonet, “It aakumi Iterali inanebunu lombok inawi kota-kota iigak, an o leenogo pereegim o Yerutalem nawi wurik yime mban nendage mondok-mondok ki logogin me, it aakumi Iterali nen eeko logorak wone inom, wone lengganak inom, Yogop ee'nu ndogop ee'nu, wone inom, an yoragagirak nayeloman Muta nen liiru mbanogo wogoragagerak nogo, porogo logonet, liirogon eerit nogwe iinok, it inombomini logowam inanggween wogoragagim nogome nen ya agak nda agak nugu logowak nduk, eeppiyaagin lek o,” yinuk, yoragagerak kagak kwe, at Manate nen kugigwe Atiyera ageyo arelen ogobakkigirogo pereegerak nogo wonok, Aliku ALA awi wurik me yinogo pi unggwagagerak.

Ndawi 78:58

Ala anini mbake kagak, Puut-puut paga warogo wogorogo logorak ogobakkigikwi, “Inogoba nalik aret neegak eekwi yi, neebi o,” Mbake kagak inagugiwak ogobakkigirogo punuk alut eekwi, Eeko nogogwaarak.

Ndawi 97:7

It aap abok aret kugi inogut ogobakkigippiinok inalut eekwi, “Ninagugiwak iya o,” yinuk, tiyappiigwi, Eekwi nogo Inenggali arugun me, Kit yi kugi ndi kugi yi wae. Aliku ALA abu'me tebe yinuk alut eeko logonip o.

Wundeegwaarak 20:23

an wonage neegak, mbuti perak mendek inom, mbuti emas mendek inom, nogo paga inagugi ogut ambi ogobakkigirogo patinuk, it an ninom lambumbunuk nalut eerugwaarik o.

Wundeegwaarak 32:1

Ndi, at Muta puut paga laganeegerak nogo mbet-mbet wambi waga'lek mbareegi, it aakumi Iterali nogo Karun owagam kuwak ari nanuk at yogo logonet, “At aap o Metit nen op mbakak wo'niren wundi wage nagaarik, eebe nggeeme ari naga o? Nit nineenggo'lek me, aa'nduk a'nuk tu ni'niren nawak nduk, Ala kokwak ambi ogobakkigi'niret o.”

Wundeegwaarak 32:23

It nen an yo'nogo logonet, At aap o Metit nen op mbakak wo'niren wundi wage nagaarik, eebe nggeeme ari naga o? Nit nineenggo'lek me, aa'nduk a'nuk, tu ni'niren nage logorak Ala kokwak ambi ogobakkigi'niret o.

Wundeegwaarak 32:4

wagangge nagagerik, alut eeko logorak tapi aagaluk pogom wakkagak ogobakkigirogo pege logonet, obogum aluk-puut kenok, pulu paga tabonogo amuni mbanogo pege mbareegi, it aakumi Iterali kogo nogogwaarik, yogo logonet, “Nit Iterali o Metit nen wo'niren wundi wagaarak Ala pogom ninogoba nogo yi aret o,” yinuk, yogwe nogo

Wundeegwaarak 34:17

Mbuti paga kugiwak ogut agago ogobakkigirubok o.

Yetaya 42:17

It aap iniki inagugiwak paga panggombugwi, Ninogoba alut eekwi kit aret o, yinuk, inagugi ogut nogo yorogwe, Eekwi nogo perak, An mbo piyaagin me, mondok inenggali arugun o,” yinuk, yegerak.

Yetaya 42:8

An ti, Naliku ALA aret! An nendage ti aret o. Nendage abu tiyanak minggirak nogo, at alik ambi endage tiyak yuwak nduk, eeppege, Ndi, eeke minggirak paga, Wi, nugwi nogo, it aakumi nen inagugi ogut aago, Wi, irogo logowak nduk, eeppiige, Eerigin lek o.

Yetaya 45:16

It aap kugi ogut ogobakkigiko menggaarak nogo abok aret inenggali age, abe age lek paga inendage maluk age, Miyuk-meya eerogo piigwi iinok, inenggali mbakak nugwi, Eeko logogun kwe,

Yetikiyen 20:7

Kumbuk mbangge nagagirik, it yorage logonet, Naliku kinogoba Ala an aret neegak, Yeenggwa niraawak o, yinuk, ogole warak ogut eerak ayuk wukwi nogo, kinalitak lombok mbo pinip o. It Metit mendek inagugi mugurok nogwe paga maluk eekkologwe kiyo, mugurok noorak mage o.

Yetikiyen 8:10

Yo'nege mbareegi, unggwi nage nagagirik, waalo inaanogum paga tu agan nega inogut inom, yi mendek ndi mendek iniyok paga nega ogole warak inogut eerak inom, Iterali inagugi ogut eerak inom, kobat yendok-wandok paga ayo wogo kagagirak.

Yetikiyen 8:3

At ti, aap eenggi negen ngginogo neeruwak pi'nake kagagirak. Ti'nuk, nabinggaanggo kage logonet, Aberiniki nen an piyanneren mbogut agi, nggween ogu, kagak o oolo taati lagangge nagagerik, wo'neren o Yerutalem oore'nggam akem o omarip paga pa'nggwe tu unggwogo menggam Ala alut eeriyak kagak alik alut eekwi eebi mbake ogut eerak wonage me nogome pani nagagerak.

Ala Unde 19:4

Naliku inogoba Ala an nalik aret me, it nen inena nomorogon, inagugi amugurok nogwe, mbuti paga inagugiwak ogobakkigirogo patinuk, alut eekwi, eeko logogwaarik o.

Ala Unde 26:1

Yoge nagagerik, “Naliku inogoba Ala an aret me, nobaane'me kugi ogut ogobakkigirogo pugwi, yi mendek ndi mendek ogut agago pugwi, inagugiwak ogobakkigirogo pugwi, yugum ayo waganogo iname pugwi, eeppunuk, inendobanggun yindumbunuk, alut eeko logorak mage o.

Linggineegwaarak 12:8

Wone eegu elaarogo paga yogeelik o. Ata, at nimbirak nengga kunna'nuk, wone mbangge logonet, Kin paga aret yoge minggirak o. At nen Naliku ALA neebe neege menggerak kagak, Kit nonggop nduk kinagabiti mbaka'lek nayeloman Muta nogo Abok nggarik-nggarek yogo ogotik?”

Nappiigak 17:29

Ti kenok, nit Ala paga wiganak aret wonogwe me, at eebe alom ti, aakumi iniki koonogo punuk mbuti emas paga, mbuti perak paga, yugum paga, kugiwak negen ogobakkigirik ti kwak mbarugup o.

Oroma 1:23

at Ala eenik itok mondok menggerak wogoppogo logorak nogo mbo punuk, obaane'me kanggo menggaarak mendek aakumi inom, towe-pagi inom, weret-mbonon inom, inogut ndak-ndak ogobakkigirogo punuk, wogoppogo nogogwaarak.

Pelaareegerak 27:15

At Aliku ALA alut eekwi obaane'me kugi ogut at eebi mbake menggerak nogo mendek it aakumi ineenggi amburu paga yugum mendek a, eyo mendek a, nogo paga ogobakkigirogo pugwi, mbuti mendek paga longgo warogo pugwi, eeppunuk, kote alut eekwi iinok, pulunik aret logowak o, yogwe iinok, It aakumi abok aret nen, Abet aret o, yogwe,

Pelaareegerak 5:8

Kit nen yi mendek ndi mendek agi mbogut paga menggerak inom, nggween paga yime menggerak inom, nggween abu'na niyo inikime menggaarak inom, inogut wakkagak ogobakkigirogo patinuk,

Wayu 16:2

Yorage mbaki, at malayikat ambi nen Ala anini arologowa'na toolak nogo, wonok nggween paga kilirogo wuppege mbaki, it aakumi nggeewo endage inenggaawak paga liiru mbanak wonogwe nogo inom, at ogut wakkagak ogobakkigirik alut eekwi nogo inom, abok aret inawin maaluget inoba nik ari mbaki, aakumi nen ogole ambik yogwe iigirak.

Wayu 9:20

It ando andi nen kambulik teppiigerak ineenik wonogwe nogo nen, “Nit togop aret kambit nogwe niyo, ninagugiwak nogo ti, yi mendek ndi mendek inigen kogwe, ninoone inaruk konenggwi, tu nogwe, eekulik kagak we aanom warogo mbuti emas paga, mbuti perak nogo paga, mbuti tembaga etenggen kunik negen nogo paga, yugum paga, eyo paga, ogobakkigirogo punuk, alut eekwi, kugi inendage tiyappiigwi,

Owak Loongga 17:3

Yoge mbareegi, wu mbuti perak aaninggin 13 nogo awu unde agalo nogo wogoge mbareegi, agalo nogo nen, “Wu ti, Aliku ALA ake leenogo puurak uugwe lombok mbakirak me, mbuti perak ti paga Ala obaane'me ogut ambi ogobakkigirogo pege, ndi, ambi worarogo longgo warogo pege, eeriyak ake nduk, naagaluk wokkigi o.”