Wundeegwaarak 20:3 - Ala Wone Peenok Peebi Mbanak

³ An wonage neegak, nobaane'me kugiwak ambi mippunuk, alut eeko logorak mage o.

Wundeegwaarak 20:3 Iomraidhean Croise

1 Endagembogut 11:4

Togop aret eereegerak me, at Talomo abu anggok ari nage kagak, akuwi nogo nen Ala mbo punuk, at Ala obaane'me kugi eerit nawak nduk, iniki nomoninuk nogo mbareegwa, ogoba Ndawut iniki inom, eebe inom, Aliku ogoba Ala panggombunuk, mugurok nage nagagerak ti kokwak, at eeke logolik.

Ndawi 29:2

Aliku ALA endage abu iya me, tiyappugwi, At kikak nakeelik alik leenak mondok iya lombok menggerak me, Ayuk wuko logonet alut eekwi, Eeko logonip o.

Ndawi 73:25

O mbogut paga time an yeenggwa niriyak Aap alik ambi wonage mbaken? Lek aret o. Kat kalik nen aret yeenggwa nege menggendak o. Kalik aret yeenggwa nege menggendak me, O nggween paga yime aap ambi yeenggwa nege logorak an mondok mbaka'lek aret agarik o.

Ndawi 81:10

O Metit nen wokkiren wundi wagagirak Naliku kinogoba Ala an aret o. An aret me, towe oo'nu inambe a aago wonogwe me Inagalo kumunuk mbanogo inambeme piya wage menggi kwak, An togop aret eeppinagage logorak mbakirak kwe,

Ndawi 81:9

Kit inenggela'me nen an mu'niren wogwe nobaane'me alik ambi mugurok nogwe, An nalut eekwi nobaane'me Aap nggiru inagugi ayuk wuko logonet alut eekwi, Eeriyak mondok mage o.

Wundeegwaarak 15:11

Kat kikak nakeelik wonage keenok tiyappagagwi, Eerubok mendek eeke menggendak keenok, Wi, yinuk, kayuk wukwi, Eeko menggaarak me, Kat pogom ta wonage o? Yi kugi ndi kugi Kaliku ALA kat pogom ambi wonage abu lek aret o.

Wundeegwaarak 20:23

an wonage neegak, mbuti perak mendek inom, mbuti emas mendek inom, nogo paga inagugi ogut ambi ogobakkigirogo patinuk, it an ninom lambumbunuk nalut eerugwaarik o.

Wundeegwaarak 22:19

Aap ambi nen wam-nggeewo kagak wuke, ndi, wam-nggeewo nen kwe wuke, eeke kenok, kambuwak nduk, mondok warogo puwak o.

Wundeegwaarak 23:24

Kit nen an nalut eekwi obaane'me kinendobanggun yindumbunuk, inagugi ayuk wukwi, inagugi inendage tiyappiigo logobagip nduk, inawi wukwi, it kugi eeko logonet, eeko menggaarak nogo ndak-ndak eekwi, eeriyak ti mage o. Ata, inagugi ogut aago ogobakkigirik nogo kalenak-pugunik eerogo piigwi, inagugiwak telenak-mbelenak agago piigwi, eeko logomunggup o.

Wundeegwaarak 34:14

An Ala nalik aret neegak, nobaane'me alik ambi mippunuk, ayuk wukwi iinok, niniki laakot inombake minggirak me, Naliku ALA nendage ti, Laakot Inombaka aret o. Togop me, an nobaane'me alik ambi mippunuk, alut eeriyak ti, mage o.

Yetaya 26:4

At Aliku ALA, nit ninogoba Ala nogo ti, Yugum Nu'lek mondok itok menggi kwak aret me, Kiniki at paga mondok-mondok panggonak logonip o.

Yetaya 42:8

An ti, Naliku ALA aret! An nendage ti aret o. Nendage abu tiyanak minggirak nogo, at alik ambi endage tiyak yuwak nduk, eeppege, Ndi, eeke minggirak paga, Wi, nugwi nogo, it aakumi nen inagugi ogut aago, Wi, irogo logowak nduk, eeppiige, Eerigin lek o.

Yetaya 43:10

Aliku ALA nen ari logonet, “It an napuri ti, an eeke inigen neenok yoraga it aret o. It an liippanugwi, abet nombakwi, ndi, an Ala nalik aret ineenu ogwe, Eeruwak nduk, An nen leenogo piyareegirak nayeloman mini aret agaarik o. An aa'nduk nalik nitok neegak, Ala alik ambi logolik o. Ndi, an peebi logogin lek kenok, Ala alik ambi wonage logogin lek mban.

Yetaya 44:8

An o aa'nduk nen wone yi agan nage, Eeriyak nogo eeka'lek kagak yorage, Eerulik ya? Noone yorage liirogon koneneegwaarak nogo it aret me, Inaganak wake, inagabiti mbakwi, eerugwaarik o. An wonage neegak, an kwak Ala alik ambi wonage mbakop? Lek aret o! An yugum kwak nomaawi minggirak kokwak, ambi wonage an kaga'lek aret o,” yinuk, yegerak me, yokkiragi.

Yetaya 46:9

O aa'nduk lombok nen arit wagagerak nogo kiniki abeko logonip o. Alik ambi wonage lek an Ala nalik aret o. An kwak alik ambi wonage lek Ala nalik aret o.

Yeremiya 25:6

An nen maluk inoba piyookwak, an wonage neegak kugiwak ayuk wuko logonet mugurok nogwe, ineenggi paga ogobakkigippunuk alut eekwi paga nanini eerogo panugwi, eerugwaarik, yegerak o,” yinuk, yokkiragak mban eeko nogogwaarak o.

Yeremiya 35:15

Kulinik-kalinik an yorage neegak yoraga nayeloman mini nogo, nappiya wagak eeke neenok, At Ala wonage kagak kinagugiwak ayuk wuppunuk mugurok noorak mage o. Kit maluk eerit nugwi nogo mbo punuk, kiniyokan wogwe, kinobaabut alik ngget mendek eekkologwe, eekwi kiinok, Aliku ALA nen kit inom, kinombomini inom, nggween wokkiragagim nogome aret logomunggup o, yinuk, yoragak mban eeko nogogwaarak kwe, it nen an noone liippugwi, inaruk konenggwi, eeka'lek aret agaarik o.

Yeremiya 7:9

It nen kote kiraakwi, aap inookwi, mbabi eekwi, pilit kagak, Abet aret o, yinuk, kumbuk mbanggwi, kugi Mba'an ake obari abe kaga kani kunggwi, an inogoba Ala aret kwe, it ineenggo'lek alik mendek kagak mugurok nogwe, eeko logonet,

Ndaniyen 3:18

Ndi, wumbinani woraagin lek kagak kunduk, nit kat kagugi inalut eekwi, ndi, mbuti emas paga ogut eerogo mippegendak ti, abu'me tebe yinuk, ayuk wukwi, eerugun mondok lek me, kat ninogoba kendagembogut keenu a'nok nduk yokkogo o,” yinuk, yoreegwaarak.

Oteya 13:4

At Aliku ALA nen ari logonet, “O Metit nen wogoren wundi wagagirak inogoba Naliku Ala an aret me, Nit alut eekwi ninogoba alik ambi lek Ala alik aret o, yinuk, yogwe, Ndi, ninagap ndaka alik ambi lek Ala alik aret, yogwe, Eeko logowak o.

Matiyut 4:10

Yoge mbareegi, Yetut nen at yoge logonet, “An kinogoba Ala mban nayuk wuko logonet, nalut eekwi, an ari neenok mban liippunuk, eerit nogwe, eeko logonip o, yinuk, Ala yereegerak liiru mbanak wonage me, kat Ibilit yi, nak o.”

1 Korindut 8:4

Ti kenok, “Wam kugi aanggo warak noorak ilik, mage a?” yinuk, yogwe ti, at Ala alik ambit aret menggerak me, nggween paga yime kugiwak abe mendek ambi wonage lek ti, nineenu aret o.

1 Korindut 8:6

nit perak, ninogoba ambit Ala aret wonage o. At nen mban yi mendek ndi mendek abok aret wakkagagerak me, nit at ake aret nineenik ogoorik o. Ndi, ninowe Yetut Keritut kunduk ambit aret o. At eereegerak paga yi mendek ndi mendek warak eerogo pege nagagerik, nit nineenik logowok nduk, eeppinanege menggerak nineenu ogoorik o.

Epetut 5:5

It kumi ugun wurinabit nogo menggaarak inom, iniki kumi paga mban lunik logonet, inabok agan nugu menggaarak inom, ndi, it uugwe-uugwe mbakwi nogo ti, aap kugiwak alut eekwi ndak-ndak aret me, it ti inom, it aap ti eeko menggaarak abok aret Ala Keritut imbirak inabu'me piigo menggam unggwi nagun mondok lek mbako logonip o.

Pelaareegerak 5:7

An wonage neegak obaane'me kugiwak ambi mippunuk, alut eeko logorak mage o.

Pelaareegerak 6:14

At Aliku kinogoba Ala kinenggela'me wonage nogo, at alik aret kagak obaane'me ambi mippunuk, ayuk wukwi kiinok, eebi mbake logonet, anini kinoba pinagage, o nggween paga yime nen kineebe mondok lek eerogo pinagage, eerukwak, it aakumi inanebunu alik mendek kinom logowam time Ala mugurok nogwe obaane'me it inagugi eeko menggaarak nogo, kit kinom eeko logorak mondok mage o.

Pelaareegerak 6:5

Togop aret me, kiniki inom, kineebe inom, kinomaawi inom, abok aret at Aliku kinogoba Ala mban kiniki kunik eeko logonip o.

Pilipi 3:19

It aap ti nen nggween paga mendek mban abekwi, inaanogum ake mban tiyappugwi, inenggali ariyak kagak wogoppakwi, eeko menggaarak me, Ala nen mondok lek eerogo piyaagin kwe,

Kolote 2:18

It aakumi nggween paga mendek mban iniki koonit nogo menggaarak nogo nen, it aap iya lek kagak iniki wogoppako logonet, “Nabinggaanggo paga wone yo'nege menggerak me, an iya o,” yinuk, inabi kagaatak mbinuk-mbenak agan wogo logonet, inoone omaawi paga, “Malayikat inalut eeko logonip o,” yinuk, yokkirogwe, ndi, iniki tebenak nege mbaruwak nduk, inagabiti nggo-nggo nugwi, eerit nogwe nogo, kit liippugwi kiinok, Ala nen wokkiroorak kiniki ale'nggen mbakwi nogo, lek eerogo pakwi kiyo, inoone konenggo logogup o.

Wayu 19:10

Yo'nege mbaki, abu'me tebe yinuk, alut eerikit nduk eeke me, at nen yo'nege logonet, “Togop eeriyak mage o. At Yetut wage nagagerik, Ala ndogop menggerak o, yinuk, paganogo yoragagerak wone koreewi waganggo nogogwaarik, porogo wonogwe nogo inom, kat inom, an kit pogom Ala ayeloman aret me, Ala abu'me tebe yinuk, at mban alut eeke logot o. At Yetut nen paganogo yorage nagagerak wone nogo ti, nit abok Aberiniki nen yo'nirage kagak yorogo monggoorak me nduk, yokkigi o,” yinuk, yo'nege kagarak.

Wayu 22:9

at nen an yo'nege logonet, “Togop eerugun o. It koreewi Ala nen yorage kagak yoraga inom, it wone liiru mbanggendak liippunuk mugurok nogo logomenggaarak nogo inom, kat inom, an kit pogom Ala ayeloman aret me, Ala mban alut eeke logot o,” yinuk, yo'negerak.

Owak Loongga 6:10

yokkirage logonet, Naliku kinogoba Ala an aret me, it aakumi Amori inanggween paga wonogo logonet, nobaane'me inagugi mugurok nogo logobok o, yinuk, liirogon aret yokkiragagerak kwe, kit at oone abu konengga'lek aret monggotak o,” yinuk, yoragagerak.