Wundeegwaarak 20:2 - Ala Wone Peenok Peebi Mbanak

² “Kit o Metit inayeloman agago pinaganuk tebembinagago wonogwe me, wokkiren wundi wagagirak Naliku kinogoba Ala an aret o.

Wundeegwaarak 20:2 Iomraidhean Croise

1 Endagembogut 18:39

Pup eerogo nengge nogo it aakumi inigen kogo nogogwaarik, ina nggween paga yinduk-wanduk a'nuk yogo logonet, “At Aliku ti, Ala aret o. At Aliku ti, Ala aret o,” yinuk, yereegwaarak.

2 Endagembogut 17:7

Ti inoba agagerak nogo ti, it Iterali o Metit aap Pirawun abu'me tebembiirogo wonage me, at wogoren wundi wagagerak Aliku inogoba Ala maluk eeppogo logonet, obaane'me kugi eerit nugwi,

2 Mbinineegwaarak 28:5

Togop aret eeke nagagerak me, Aliku ogoba Ala nen waganogo aap Aram mendek inowe endagembogut eenggime pege mbareegi, it aap Aram mendek nen at tebembi unggwogo logonet, at Akat abu'me menggaarak apuri ambik aret keele maageren o Ndamitik nogogwaarak. Ti'nuk, it Yekura mendek nen inombomini inogoba Aliku Ala mbo pereegwaarak me, aap Iterali inowe endagembogut eenggime pege mbareegi, mondok iya negen tebenogo piya wage logonet, ne ambit paga mban o Yekura time aap Eremaliya aput Peka nogo nen aap wim eeka ineebe lambuk togon seratus dua puluh ribu inoorogo piyareegerak.

Ndawi 50:7

At Ala nen ari logonet, “Kit an napuri yi wae. An Ala aret me, Wone yokkirage yi, kinaruk koneninip o. Kit Iterali yi wae. An kinogoba Ala aret me, Kinaruk konenggwi kiigak Kit eekwi kiigirak nogo yokkiraagin o.

Ndawi 81:10

O Metit nen wokkiren wundi wagagirak Naliku kinogoba Ala an aret o. An aret me, towe oo'nu inambe a aago wonogwe me Inagalo kumunuk mbanogo inambeme piya wage menggi kwak, An togop aret eeppinagage logorak mbakirak kwe,

Ndawi 81:11

Kit an napuri noone kinaruk konenggwi, Kit Iterali an noone liirogon waganggwi, Eeriyak, Nineebi o, Yinuk, yogo mbareegup,

Ndawi 81:7

Aaninggin kinoba age paga, “Ninagap ndaru o,” yinuk, Yo'nugwi kiinok, kinagap ndake, O ngguurubu eeke enggela'me kumaarak logonet, Wone onggo yokkirage, Niyo Meriba eneeri wungge me nen kinabut mbangge, Eereegirak o.

Wundeegwaarak 13:14

Ndi, peebi ne ambi paga kinapuri nen, Kit eekwi yi, wone eebe ngge nduk eeko ogotik? Yokkirogwe iinok, kit nen yorogo logonet, At Pirawun iniki omaawi logonet nit wundi woraawok nduk, teppinaniyak eebi mbake nagagerik, pippinanogo wonage mbareegi, Aliku ALA nen aakumi Metit mendek inapuri manggu ndarak inom, inaanggumi ndaka'lek me aa'nduk ndarak inom, inooke nagagerik, eenggi omaawi paga o Metit nen wo'niren wundi wagagerak kenok, ninaanggo ndaka'lek iyaalok lombok nda'nogwe iinok, at Aliku ALA ake leenogo pugwi, ndi, ninapuri aap manggu ndarak Aliku ALA wogoriyak ineebi mbakwi iinok, inobaane'me wu aret pugwi, eeko monggoorak o.

Wundeegwaarak 13:3

Yoge mbareegi, at Muta nen it aakumi Iterali yorage, “Kit aakumi Metit mendek inayeloman eerak wonogwe me nen ne yi paga aret Aliku ALA eenggi omaawi paga wokkiren wundi woramenggerak me, ne yi paga ari wage kenok, abeko logonet, laago nggwok aret lako logomunggup o. Lako logonet, oroti piiruwak nduk, pogo menggaarak ragi nogo yi mendek ndi mendek enggela'me punuk, amok mbanogo nonggo logorak mage o.

Wundeegwaarak 15:13

It inagap ndarogo piigendak nogo, Inabuwa nen obeelom mban eeppiige logonet wogoren nage, Komaawi paga pigiren nggween abu obeelom punogo piyareeginom nogome piya nage, Eerumunggun o.

Wundeegwaarak 15:16

Aakumi abok inaganak ndik-ndik irage logonet, Inagabolo nirik-kirik yogo logogun o. Keenggi omaawi paga it yugum oone lek pogom eerogo piigendak wonogwe iigak, Kapuri Iterali mendek iniki ugun nogwe, Kaliku ALA nen kapuri inagap ndarogo piigendak nogo, Iniki ugun iname logowam nogome unggwi nogwe, Eerugun o.

Wundeegwaarak 15:26

Eeke logonet, “Kit nen Naliku kinogoba Ala noone yokkirage neenok, liirogon aret konembunuk, nenggaanom paga li'lak obeelom mban eekwi, Yogop ee'nu ndogop ee'nu, yinuk, yokkirage nogo liippugwi, yi wone ndi wone lengganogo yokkirage nogo mondok-mondok porogo wonogwe, eekwi kiinok, aakumi Metit mendek andi-pandi eeppiyareegirak nogo pogom ambi eeppinagage logogin lek o. Naliku ALA nen obeelom eerogo pinagage minggirak nogo ti, an aret o,” yinuk, yoragagerak.

Wundeegwaarak 20:1

Ala nen eeko logorak wone yoragagerak nogo yi aret o.

Wundeegwaarak 29:46

Inenggela'me wonage neenok, it nen, At Aliku ninogoba Ala nogo ninenggela'me logokit nduk, o Metit nen wo'niren wundi wagagerak kogo o, yinuk, ineenu arugun o. Naliku inogoba Ala an nen aret yagi o,” yinuk, yoreegerak.

Wundeegwaarak 6:6

it an napuri lombok ogwe, ndi, an inogoba Ala aret age, eerigin me, it aakumi Metit mendek inake yabu eeko logowak nduk, inoone omaawi paga yorogwe nogo, ineenggime nen ndinogo wondet eerogo piyaminggirak paga Naliku inogoba Ala an aret ineenu arugun o.

Yeremiya 16:14

Aliku ALA nen ari logonet, “Inombomini nggween wogoragagim nogome aa'nduk unde eekkologogwa kwak unde eekkolaawak nduk, iniyokan piya woraagin me, aakumi nen, It Iterali mendek o Metit nen wumbiya wa'nuk wogoren wagagerak eenik menggerak Aliku ALA endage kumbunuk, kumbuk mbanggo o, yinuk, ambinom yugun lek o. Ata, It Iterali mendek o omarip paga pa'nggwe nen wogoren wage, yi o ndi o mappiyareegerak wonogwe me nen wogoren wage, eereegerak mondok eenik menggerak Aliku ALA endage kumbunuk, kumbuk mbanggo o, yinuk, yogo logorak eyom panggoni woraagin,” yegerak o.

Yeremiya 2:6

It nen yogo logonet, At o Metit nen wo'niren wundi wage, Tu o karume nggween mbuk ti paga wo'niren wage, Eeke logonet, Nggween kunduk amburu lek kagak, Tu tiyak-tebek kagak, Nggween abu woloonak awi yariyak meek tit kagak, Tu aakumi kambit nogo menggam kagak, Aakumi tu ti paga nogolik kagak, O time aakumi wonogolik kagak, Wo'niren wundi wagagerak Aliku ALA nogo ngge o? yinuk, yo'nega'lek aret wonogogwaarak.

Yeremiya 31:1

Aliku ALA nen ari logonet, “Ti eyom paga it aakumi inanebunu Iterali mendek abok aret inogoba Ala an aret me, it an napuri aret logogun o,” yinuk, yegerak o.

Yeremiya 31:33

“Ti eyom abu aret age kenok, it Iterali paga wiganak wone ngget mendek ninom koonogo puurak nogo yi aret. Eeko logorak yoragagirak nogo inikime nabenogo piige, Inikime liiru negen mbanogo piige, Eerigin me, An nen it inogoba age, ndi, it nen an napuri ogwe, Eerugun o.

Yeremiya 34:13

“Iterali inogoba Aliku Ala nen ari logonet, It kombomini o Metit paga aakumi inayeloman eeppiinok wonogwe me nen wogoren wundi wage logonet, ninom wone koonogo pereegirak nogo yi aret.

Yetikiyen 20:19

Naliku kinogoba Ala ti, an aret me, an nen wone lengganogo yokkirage nogo mugurok nogwe, eeko logorak noone yokkirage nogo liirogon eekwi,

Yetikiyen 20:5

Yorage logonet, Aliku Itok Menggerak ALA nen wone yegerak nogo yi o, yinuk, it yoroorak nogo yi aret. An nen it Iterali miirinabeegirak ne ti paga, Wone yi abet aret o, yinuk, at Yakup mendek paga wiganak nogo, ninom kumbuk mbaneegirak. It o Metit paga wonogwe me, nomaawi neyaawak nduk, eeke logonet, Naliku kinogoba Ala ti, an aret o, yinuk, kumbuk mbaneegirak.

Yetikiyen 20:7

Kumbuk mbangge nagagirik, it yorage logonet, Naliku kinogoba Ala an aret neegak, Yeenggwa niraawak o, yinuk, ogole warak ogut eerak ayuk wukwi nogo, kinalitak lombok mbo pinip o. It Metit mendek inagugi mugurok nogwe paga maluk eekkologwe kiyo, mugurok noorak mage o.

Oteya 12:10

It an nen yorage neegak yoraga nogo wone yorage, Inabinggaanggo paga yorage, An yorage neegak yoraga nogo wone eegu laarogo yorage, Eeke nagagirak o,” yinuk, yegerak me, yokkiragi o.

Oteya 13:4

At Aliku ALA nen ari logonet, “O Metit nen wogoren wundi wagagirak inogoba Naliku Ala an aret me, Nit alut eekwi ninogoba alik ambi lek Ala alik aret o, yinuk, yogwe, Ndi, ninagap ndaka alik ambi lek Ala alik aret, yogwe, Eeko logowak o.

Ala Unde 11:45

An inogoba Ala aret logokit nduk, it o Metit nen wogoren wundi wagagirak Naliku ALA an aret me, an niniki kikak nakeelik abu obeelom lombok minggi kwak, it togop aret logowak o.

Ala Unde 25:38

O Kanan wogorage logominggirik, inogoba Ala an aret logokit nduk o Metit nen wogoren wagagirak nogo ti, Naliku inogoba Ala an aret o, yinuk, yegerak, yoret o,” yoreegerak.

Ala Unde 25:42

It aakumi Iterali nogo ti, An nayeloman aret o, yinuk, o Metit nen wogoren wundi wagagirak me, aakumi inayeloman logowak nduk kuninako mengga kwak, it Iterali inayeloman logowak nduk kuninako logorak mage o.

Ala Unde 26:1

Yoge nagagerik, “Naliku inogoba Ala an aret me, nobaane'me kugi ogut ogobakkigirogo pugwi, yi mendek ndi mendek ogut agago pugwi, inagugiwak ogobakkigirogo pugwi, yugum ayo waganogo iname pugwi, eeppunuk, inendobanggun yindumbunuk, alut eeko logorak mage o.

Ala Unde 26:13

Inayeloman wonogo logonet, aaninggin inoba wonage paga inena yuwo eerak wonogwe nogo it Iterali inengga pirak togon nugu logowak nduk, It aakumi o Metit mendek nen inayeloman eeppiirogo logorak lek o, yinuk, Iterali mendek wondet eerogo piinok, o Metit nen wogoren wagagirak Naliku inogoba Ala nogo ti, an aret o, yinuk, yegerak, yoret o,” yoreegerak.

Amot 2:10

It aakumi Amori mendek wonogo menggam unde eeppatinuk logowak nduk, o Metit nen wogoren wundi wage, Tahun 40 eeke kagak, o karume wogoren nege,

Oroma 10:12

it aakumi endekem konenggulik mendek alik, ndi, it Yakuri mendek alik, ti lek o. Ineebe ndak-ndak aret me, “Ala ti, nit abok ninogoba aret o,” yinuk, liiru mbaneegerak kogo o. Nit abok nen, “Ala wae,” yogwi niinok, at amendek kalo logonogo wo'nirage menggerak.

Oroma 3:29

At Ala ti, it Yakuri mendek mban inogoba mbakop? It endekem konenggulik mendek inogoba lek me nduk, yogo ogotik? Lek o. At Ala ti, it endekem mendek kunduk inogoba aret o.

Pelaareegerak 15:15

Kit aa'nduk o Metit aakumi inayeloman eeppinagago wonogwe me, Aliku kinogoba Ala nen kit wondet eerogo pinaganuk, wokkiren wundi wagagerak nogo abeko logonip o. Alom ti paga o yogondak an nen wone yi lengganogo yokkirage agarik o.

Pelaareegerak 20:1

Yorage nagagerik, ambi yorage logonet, “Ne ambi paga kinawim kinom wim eekwi kiinok, at Aliku kinogoba Ala o Metit nen wokkiren wundi wagagerak nogo nen yeenggwa kiraagin me, it inaguda-inanggweendo inom, aap ineegin warak kit ndak-ndak lek it ineebe ambik lombok aago inom, kinigen iigo logomonggotik, ineebe paga kinagabiti mbariyak ti mage o.

Pelaareegerak 5:15

Kit maan o Metit paga inayeloman eeppinagago wonogwe me, at Aliku kinogoba Ala eenggi omaawi paga eeppiige, eenggi titik eeke kenok eeppiige, eerit wokkiren wundi wagagerak abeko logonet, at Aliku kinogoba Ala nen nogo 6 yippunuk, ko'lu paga yonggonggologo logorak lengganogo yokkiragagerak nogo eeko logomunggup o.

Pelaareegerak 5:6

O Metit paga inayeloman eeppinagago wonogwe me, wokkiren wundi wagagirak Naliku kinogoba Ala an aret o.

Pelaareegerak 7:8

Togop aret kwe, at Aliku ALA nen kinabuwa mbake nagagerik, kinombomini wone abuk nggaruk togon kumbuk mbanogo yoragagerak nogo abeppunuk, aap o Metit mendek endagembogut Pirawun abu'me tebembinagago wonage me, at Aliku ALA eenggi omaawi paga Pirawun eenggime nen kinagap ndarogo wokkiren wundi wagagerak.

Owak Loongga 2:1

At Aliku ALA ayonggo malayikat nogo o Nggilagan nen o Mbokim wage nagagerik, Iterali mendek nogo yorage logonet, “An o Metit nen wokkiren kinombomini wone kumbuk mbanogo yoragagim yime pinagi wage nagagirik, yokkirage logonet, Kit an ninom wone abuk nggaruk togon koonogo pereegurak nogo an nen lek eerogo pigin lek o. Ata, mondok-mondok aberak aret logogin o, yinuk, yokkirage nagagirik,

Owak Loongga 6:10

yokkirage logonet, Naliku kinogoba Ala an aret me, it aakumi Amori inanggween paga wonogo logonet, nobaane'me inagugi mugurok nogo logobok o, yinuk, liirogon aret yokkiragagerak kwe, kit at oone abu konengga'lek aret monggotak o,” yinuk, yoragagerak.