Wundeegwaarak 2:2 - Ala Wone Peenok Peebi Mbanak

² kwe nogo abila age nagagerik, aagaluk aap aret ndareegerak. Elege nda'nagagerak nogo etenggen abu obeelom aret kage nagagerik, kumaappereegerak kagak tut kenagan peneneegerak.

Wundeegwaarak 2:2 Iomraidhean Croise

2 Endagembogut 11:3

At ndegengga imbirak Aliku ALA awi wurik me kumaarak wonogwe iigak, kwe Ataliya o time wone lengganogo yorage kagak, tahun 6 aret eereegerak.

Ndawi 112:5

Aap ambi iniki ndoobu wonage, “Namendek luulu porogo logonip o,” yinuk, wogorage, Yi eekak ndi eekak eerit nage logonet, ndak-ndak aret kolage, Eeke menggerak nogo Ale'nggen aret wonage logogin o.

Wundeegwaarak 6:20

At Yitakat apuri ti, Kora, Nepek, Tikiri aret.

Linggineegwaarak 26:59

at Amaram nen aap Lewi mendek apuluk kwe endage Yokebet o Metit logonet ndarak wagangge nagagerik, apuri aap Karun inom, Muta inom, iniri kwe Miriyam inom, aret ndaganabeegerak.

Nappiigak 7:20

Eerit nage ti eyom paga Muta nda'nage mbareegi, wulaga nogo abu amuni mbanak ndarak kogo nogogwaarik, ogoba ame kere'nage kagak tut kenagan penembunuk,

Pelaareegerak 33:16

It inanggween paga yi mendek ndi mendek abu obeelom mendek kenok mban oona lu'luk agago wogorage, At eyoongga logonak me kani wunuk ari inikime menggerak nogo nen ale'nggen inoba piige, Eeke logorak yagarak yi, Abok aret aap Yutup oba aret kwi'nage, Oreewi inenggela'me nen inowe at aret wonage me, Nggare-nggare mendaarak kwak, anobak paga yiri'nage, Eeruwak o.

Iberani 11:23

Muta agalo-ogoba kunduk, Ala nen eeriyak wone yugu nogo abet mba'nuk, elege Muta nda'nagagerak mondok abe amuni mbanak kogo nogogwaarik, aap endagembogut wone lengganeegerak nogo inagabiti mbaka'lek logonet, kumaappi nogogwaarak kagak, tut kenagan peneneegerak nogo o.

1 Tamuwen 16:12

Yoge mbareegi, at Itayi nogo nen aap ambi apuluk wa nawak nduk, nappereegerak wonok wage mbareegi, etenggen teretak eebe abu kigirikwe mondok yelok abe wonage mbareegi, at Aliku ALA nen Tamuwen yoge, “An miikkirak nogo yi aret me, mi'na'nuk, amburu oba kilippu o.”