Wundeegwaarak 2:10 - Ala Wone Peenok Peebi Mbanak

¹⁰ Tawe eeke nagagerik, wonok Pirawun apuluk kolaga nogo wogori wage mbareegi, at aagaluk negen eekkolage nagagerik, “Wulaga yi, niyoome nen waganggirak me, endage Muta aret o,” yinuk, tooneegerak.

Wundeegwaarak 2:10 Iomraidhean Croise

Wakkagagerak 16:11

Yoge nagagerik, Aliku ALA ayonggo malayikat nogo nen yoge logonet, “Kabila agandak nogo ti, Wulaga ambi aret ndarumunggun o. Ndake logomenggendik, Koba aaninggin kenok le yagandak nogo ti, Aliku ALA muk aruk konenggerak me, Kaagaluk endage ti, Itamayen aret toonumunggun o.

Wakkagagerak 4:25

Ndi, peebi Aram akwe Kawa imbirak nogo yege nagagerik, kwe Kawa nogo aagaluk wulaga ambi ndareegerak. Ndake nagagerik, at kwe Kawa nen ari logonet, “An naagaluk Kaben oweeluk Kayin nen wareegerak nogo obaane'me nogoba Ala nen wulaga yi wo'negerak me, endage Tet aret o,” yinuk, tooneegerak.

Wakkagagerak 48:5

Yoge nagagerik, at Yakup nen wone ambinom yoge logonet, “Togop aret yo'nereegerak me, an o Metit keya waga'lek neegak, kapuri mbere'ndak o Metit logonet ndaganabeegindak Eparayim Manate imbirak an napuri Uruben Timeyon kokwak aret inombaki o.

2 Tamuwen 22:17

At tiyarogon logonet, eenggi pi'nabi wambi wage, Niyo alobok ambik nen ndonggonnaburak eeke me, Pilanogo nippani wage, Eekerak o.

Wundeegwaarak 2:9

Pirawun apuluk nogo nen yoge logonet, “Wulaga yi, wagangge logomenggendik, an nake kelak paga tawe eerogo wo'niri wage keenok, an nen onggo wokkirigin o,” yinuk, wogoge mbareegi, elege nogo wonok nage nagagerik, tawe eereegerak.

Matiyut 1:21

At aagaluk aap aret ndarigin o. Ndi, ndake kenok, owe-awot inomaluk nogo at nen lek eerogo punuk, inagap ndarigin me, endage Yetut aret toonenu o,” yinuk, yoge kagagerak.

Iberani 11:24

Ti'nuk, peebi Muta nogo tawe age nagagerik, wone yoragagerak nogo mban abet mbake nagagerik, “Pirawun apuluk nogo aagaluk yo'niriyak ti neebi,” mba'nuk,

1 Yaya 3:1

Nit at apuri abet aret wonogwe me, at Ala nen, “Kit an napuri aret o,” yo'nirage ti paga at ninogoba ninabuwa nggwok mondok alik negen mbake menggerak ti, kaanip o. It aakumi nggween paga mendek mban mugurok nogwe nogo nen aa'nduk Ala yelok kaga'lek wonogogwaarak kwak, yogondak at apuri nit kunduk yelok niiga'lek aret agaarik o.

1 Tamuwen 1:20

Abeke mbareegi, logonuk negen kwe Kana nogo abila a'nuk, aagaluk aap aret ndake nagagerik, ari logonet, “An Aliku ALA nggino yogirak paga naagaluk wo'negerak me,” yinuk, endage Tamuwen aret tooneegerak.