Wundeegwaarak 17:2 - Ala Wone Peenok Peebi Mbanak

² Niyo abu aganake mbareegi, ineebi nen Muta inoone yi-wu yogo logonet, “Nit niyo noorak nduk ambi wo'niret o.” Yogo mbareegwa, at Muta nen it yorage, “Kit kinoone yi-wu yo'nugwi, ndi, at Aliku ALA nogo abut mbanggwi, eekwi ti, nonggop nduk eeko ogotik?”

Wundeegwaarak 17:2 Iomraidhean Croise

Ndawi 106:13

Eereegwaarak kwe, Eeginabit wage nagagindak nogo mbet-mbet inami ogwe, “Aliku ALA nen yo'niraawak o,” yinuk, tokkeega'lek iniki koombunuk aret eekwi, Eeko logonet,

Ndawi 106:14

O karume nen iniki uugwe mbakwi nogo wogoraga'lek kenok, Ala mberugwi, Aakumi lek me karume, “Ala anini wungge kaamun ilik?” yinuk, abut mbanggwi, Eeko mbareegwa,

Ndawi 78:18

Iniki koombunuk, Ala abut mbanggo logonet, “Niniki uugwe mbakwi ndak-ndak mbi wo'niret o,” yinuk, Inoone omaawi paga Ala yogwi,

Ndawi 78:41

Ko'lu-kii'me Ala abut mbanuwok nduk wakkagak eekwi, At Kikak Nakeelik Alik Leenak Iterali inogoba nogo Iniki andi eerogo pugwi,

Ndawi 78:56

Togop eereegerak kwe, Ala abut mbanuwok nduk wakkagak mban eekwi, At Tiyanak Lombok Menggerak nen yorage ineebi mbakwi, Aberak logorak wone yoragagerak nogo pipporogo wonaga'lek mbo pugwi,

Ndawi 95:8

Kinombomini karume wogo logonet, Ala nen eerit wage inigen kogo nogogwaarak kwe, Inogogumbuk a'nuk, O Meriba inom, Mata inom, wonogo logonet, “Ala anini wungge kaamun ilik, lek a?” yinuk, Inoone liirit-laarit yogo nogogwa kwak O yogondak Ala nen wone yokkirage konembunuk, “Nineebi o,” yinuk, kinogogumbuk arugup o.

Wundeegwaarak 15:24

Niyo nogo ale ambik mbareegi, it aakumi Iterali mendek nogo Muta ineebi-ineeba yogo logonet, “Niyo lek me, nit nano nawi o?”

Wundeegwaarak 16:8

Yorage nagagerik, ambinom yorage logonet, “Kit nen kineebi-kineeba yo'nirogotak nogo ti, nit yo'nirogotak lek o. Ata, Aliku ALA aret yogotak aruk konenggerak me, o kiyoma enggaanggum mendek ambi namunggup nduk, wokkirage, ndi, o kuubondendok mbi ndonggorogon namunggup nduk, wokkirage, eeke ti paga kit abok aret, At Aliku ALA nen aret wo'nirage kagi, yinuk, kineenu arumunggup o.”

Wundeegwaarak 17:7

Ndi, it aakumi Iterali nen, “O ya'i at Aliku ALA ninenggela'me abet aret wonage ilik, lek a?” yinuk, inoone yi-wu yogwi, Aliku ALA abut mbanggwi, eereegwaarak me, o nogo endage Mata-Meriba tooneegwaarak.

Wundeegwaarak 5:21

yorogo logonet, “Kit eekotak paga Pirawun awuri inom nen iri'ngga pili agaatak obari ndi wuke menggi kwak, ninendage maluk eerogo pinanogotak paga ninooruwak nduk paloowi wogorogwe negen eekotak me, at Aliku ALA nen kit eekotak nogo liippinagage logomenggerik, kinowak loongginabigin o,” yinuk, yorogogwaarak.

Yetaya 7:12

Yoge mbareegi, at Akat nen onggo Yetaya yoge logonet, “At ambi mendek eeruwak nduk yoge, ndi, Aliku ALA abut mbangge, eeriyak ti, neebi o.”

Maleyaki 3:15

It aap maluk eeko menggaarak ti, ineenggi warak ogwe, it aap nen, Ala maluk eeppanege kaamun ilik? yinuk, maluk eekwi kwe, ineebe op mban wonogwe, eekwi iigwi me, o yogondak nen it aap iniki wogoppakwi ti, inale'nggen mbako menggaarak yogo logogun, yogwe ti paga niniki andi negen eerogo panugo agaarik o,” yinuk, yegerak me, yokkiragi o.

Linggineegwaarak 14:2

Togop yogo logonet, it aakumi Iterali wonogwe abok aret nogo nen Muta Karun imbirak ineebi-ineeba yorogo logonet, “Nit o Metit time aret kanggwi, o karume akuna taati kanggwi, eeriyak op aret kagak,

Linggineegwaarak 21:5

it Iterali mendek nogo nen, Ala Muta imbirak ineebi-ineeba eerogo piigo logonet, “O karume yime oroti inom, niyo inom, abu lek me, mbi ombat maluk yi mban nunggwi paga peyak wuriyak ee'ninake logonet, o karume yime kambuwok nduk, nonggop nduk o Metit nen wo'niren yime pinani wogotak?”

Matiyut 4:7

Yoge mbareegi, Yetut nen, “Ala nen ari logonet, Kinogoba Ala an nabut mbanggwi mage o, yinuk, yereegerak liiru mbanak ti wonage mban o!”

Lukat 15:12

Ambokan mendek nogo nen ogoba yoge logonet, Nogoba o. Keyate an wo'niriyak mbakendak nogo mbet wo'niru o, yoge mbareegi, ogoba nen amendek eyate nogo mogonogo imbirak wogoragagerak.

Lukat 4:12

Yoge mbareegi, at Yetut nen, “Ala nen ari logonet, Kinogoba Ala an nabut mbanggwi mage, yereegerak o,” yinuk, yoreegerak.

Nappiigak 15:10

Togop me, nit inom, ninombomini inom, eyo aaninggin tapi inuut paga pogo mengga kwak ninoba luurogo pinaneegwaarak aaninggin abu meek kogo nogogurak wone nogo, kit yogondak nonggop nduk wone ti, it Yetut oone waganggwi inoba luurogo piinok, Ala nonggop eeppinanege kaamun? yinuk, abut mbanuwok nduk yogo ogotik?

Nappiigak 5:9

Yoge mbareegi, Peterut nen at yoge logonet, “Kogonggelo kimbirak wone ambit mbambogo nogotik, nonggop nduk ninogoba Aberiniki ambokan laganggotak? Kimbirak Aberiniki ambokan laganggotak me, it aap kat kogonggelo nggween taambi nagaarak nogo nen yogondak kat kunduk wokkeren noorak nduk, tungga'nggi paga unggwi wogwe yi iyet o.”

1 Korindut 10:9

It ando nen, “Ala nonggop ee'ninake kaamun?” yinuk, anini eeppogo mbareegwa, waalo nen eyak mbaninabit nage mbareegi, kambit nogogwaarak nogo kwak, nit togop aret kambit nookwak, “Nonggop ee'ninake kaamun?” yinuk, Ala anini eeppuurak mage o.

Pelaareegerak 6:16

Kit o Mata nen at Aliku kinogoba Ala abut mbaneegutak nogo kokwak, yogondak at abut mbanuwok nduk, togop ambi eeriyak mondok mage o.

Pelaareegerak 9:22

Ti'nuk, kit o Tabera inom, Mata inom, Kiborot-Taawa inom, time nen kunduk, at Aliku ALA anini wunduwak nduk eereegutak nogo o.

Iberani 3:9

Karume time tahun 40 paga kinombomini inenggela'me eerit wage nogo, inigen kogo logonet kwe, Anini wungge kaamun ilik, lek a? yinuk, liirit-laarit yogak mban eeko nogogwaarak me,

1 Tamuwen 8:6

“Ninowe endagembogut ninarum logowak nduk, aap ambi leenogo mippinanu o,” yinuk, yoreegwaarak nogo, at Tamuwen konengge nagagerik, “It aap yogwe yi, ao!” yinuk, at Aliku ALA yoreegerak.