Wundeegwaarak 16:3 - Ala Wone Peenok Peebi Mbanak

³ “Nit o Metit time logonet, ninaanggo larak noorak nduk, ninggirik wonogwe, oroti ndonggok togon nunggwi, eeko logonet, Aliku ALA nen ambi eeppinanege kenok, kambuwok lak, nit Iterali kuwak aago yi, mbi abu nen o karume yime kambuwok nduk wo'niren pinani wogotak nineebi a!”

Wundeegwaarak 16:3 Iomraidhean Croise

2 Tamuwen 18:33

Wone ti ari nogo, aap endagembogut aruk konengge nagagerik, ogut na'nuk, iniki puru agan tu unggwogo menggam o wurik irimbaga ko ambi ogoorak me, lagi nanuk, “Ai, napuluk Abatalom o! Abatalom o! Napuluk a! Napuluk a! Kat napuluk Abatalom kobaane'me an kogoba aret kambikit lak, naput a! Naput a!” yinuk, le ari nagagerak.

Ayup 3:1

Ti'nuk, at Ayup nogo oone lek wonagagerak nogo, wone ari logonet, ne nda'nagagerak pulunogo pereegerak nogo yi aret o.

Ayup 3:20

It nogo ti, kambuurak, Ao, mbakwi kwe, Kambuurak eyom panggoni waga'lek wonage, Iri'ngga onggo nggwok nggween taanak wonage kero, Nggween kabunogo kwaarit unggwogo mengga kwak, It kambuurak, Ao, yinuk, inikilom mbako nagaatik, Nggween taambiyoorak eyom ari wage kenok, Inale'nggen nen ndawi lubuk yogwe, Eeko menggaarak me, Aap iniki puru aago wonage nogo eya eeppege, Iniki wakkolage nogo eenik logowak nduk, eyak wappege, Ti nonggop nduk eeke menggerak?

Ndawi 107:5

Inagi-inambi abu nen inomaawi lek age kagak nugwi, Eeko nogogwaarak.

Ndawi 78:19

Ala meek eerogo pogo logonet, “Ala nen o karume yime ninambi noorak wo'niroorak ndak ya?

Ndawi 78:25

Aakumi aret kwe, Mbi malayikat nonggo menggaarak mendek nunggwi, Inambi nggwik eerogo wugira wagagerak me, Ndonggok togon nenet wogwe, Eereegwaarak.

Wundeegwaarak 14:11

Yogo nogogwaarik, Muta yogwi, “Nonggop eeppinaniyak nduk, o Metit nen wo'niren wundi wagandak? O Metit nggween taambinaniyak lek kenok, o karume yime kambuwok nduk, wo'niren wagandak ya?

Wundeegwaarak 17:3

Yoragagerak kwe, it aakumi nogo niyo abu lombok eeginabeegerak me, Muta ineebi-ineeba yogo logonet, “Ninapurilogwe inom, ninaanggumi inom, niyo abu nen aret kambuurak kagak, nonggop nduk o Metit nen wo'niren wundi wagandak?”

Wundeegwaarak 2:23

Peebi tahun ambik eeppunuk, aap endagembogut Metit mendek nogo kambeegerak kwe, kagak aret it aakumi Iterali nogo inayeloman eerogo piinok, yabu aaninggin-paaninggin agago piigo mbareegwa, inoone nggwok paga, “Aakumi inayeloman eerogo pinaninuk, ee'ninakwi yi, iyet o,” yinuk, Ala yoreegwaarak.

Wundeegwaarak 5:21

yorogo logonet, “Kit eekotak paga Pirawun awuri inom nen iri'ngga pili agaatak obari ndi wuke menggi kwak, ninendage maluk eerogo pinanogotak paga ninooruwak nduk paloowi wogorogwe negen eekotak me, at Aliku ALA nen kit eekotak nogo liippinagage logomenggerik, kinowak loongginabigin o,” yinuk, yorogogwaarak.

Yeremiya 2:6

It nen yogo logonet, At o Metit nen wo'niren wundi wage, Tu o karume nggween mbuk ti paga wo'niren wage, Eeke logonet, Nggween kunduk amburu lek kagak, Tu tiyak-tebek kagak, Nggween abu woloonak awi yariyak meek tit kagak, Tu aakumi kambit nogo menggam kagak, Aakumi tu ti paga nogolik kagak, O time aakumi wonogolik kagak, Wo'niren wundi wagagerak Aliku ALA nogo ngge o? yinuk, yo'nega'lek aret wonogogwaarak.

Yeremiya 42:14

ndi, kit nen, Lek o. Nit o Metit wim eekwi, oone nggwok eeka trompet nogo oonebu ari konenggwi, mbi abu nen yagan wakwi, eekulik me time ari nanuk logowok o, yinuk, yogwe, eekwi kiinok,

Yeremiya 44:17

Nit ninombomini inom, ninoweewi inendagembogut inom, ninoweewi inengga warak inom, nen o Yekura kota-kota kunduk, o Yerutalem tu paga tu paga kunduk, ninagugigwe endage, Mbogut-Kwe, ake obari abe kaga kani kunggwi, ake anggur amburu kilirogo pugwi, eeko nogogwa kwak, nit ndak-ndak aret eeko logogun o, yinuk, yogoorak nogo aret eeko logogun o. Ake wogogwi eyom ti paga ninambi ndonggorogon nunggwi, ninale'nggen paga wonogwe, andi ee'ninaka'lek obeelom aret wonogwe, eeko nogogurak kwe,

Leendawi 4:9

It mbi abu nen kanggwi ti, Ineyabu yarak lek kenok, mbi abu nen yagan wako logonet, ineebe mbuuluk eerogo piige menggerak me, Wooluwak paga inoorak kanggwi ti, op aret kwe, mbi abu nen kanggwi ti perak, mondok aaninggin aret o!

Linggineegwaarak 11:15

Aaninggin yogobi mban eeppanege logonet, irip paga maluk noba ariyak neebi me, nggarurogon kambikit nduk yogondak aret nabuwa nen nooru o,” yinuk, yoreegerak.

Linggineegwaarak 11:20

Ata, Naliku an ALA it inenggela'me ninom wonage nogo mbo paninuk, yogo logonet, Nonggop nduk nit o Metit nen wo'niren wundi wagagerak, yinuk, le yogwe nogo muk iigirak me, enggaanggum wogoraminggirak nunggwi aret iigak, tut ambit penenigin me, nunggwi iigak, inaanoma'le nen peyak wuriyak eeginake logonet, inogobak me kilu-kilu wambigin, yegerak, yoret o,” yinuk, yoreegerak.

Linggineegwaarak 14:2

Togop yogo logonet, it aakumi Iterali wonogwe abok aret nogo nen Muta Karun imbirak ineebi-ineeba yorogo logonet, “Nit o Metit time aret kanggwi, o karume akuna taati kanggwi, eeriyak op aret kagak,

Linggineegwaarak 14:3

nonggop nduk at Aliku ALA nen o yime wo'niren pinani wagaarak? Pinani wagaarak me, nit ninooko logonet, ninakuwi-ninapurilogwe ninawim nen kugun wogoren nookwak, nit o Metit niniyokan nawok o,” yinuk,

Linggineegwaarak 16:13

“Nggiin amburu inom, yilak amburu inom, niyo eneeri negen kila-kila wungge menggim Metit nen wo'niren o karume yime aret kambuwak nduk eraanggi aret pinani wagaarak ti, meek mba'nuk, yogondak ninowe ariyak nduk ari agaarik a?

Linggineegwaarak 16:41

Ko'lu, it aakumi Iterali mendek abok aret, “Aap Muta Karun imbirak nen at Aliku ALA apuri aret kagak, inoorogo piigerak kiraap!” yinuk, ineebi-ineeba yogo nogogwaarik,

Linggineegwaarak 21:5

it Iterali mendek nogo nen, Ala Muta imbirak ineebi-ineeba eerogo piigo logonet, “O karume yime oroti inom, niyo inom, abu lek me, mbi ombat maluk yi mban nunggwi paga peyak wuriyak ee'ninake logonet, o karume yime kambuwok nduk, nonggop nduk o Metit nen wo'niren yime pinani wogotak?”

Nappiigak 26:29

Yoge mbareegi, at Pawulut nen, “Nogoba o. Kat mban waanok nduk yokkege lek o. Kat inom, it yogondak konenggwi abok aret inom, an keele maa'nakerak kwak maakkinaburak lek kwe, an Keritut wone waganeegirak kwak, yogondak woorak kenok, yogondak aret waganggwi, ndi, peebi woorak kenok, peebi aret waganggwi, eerubagip nduk, an kinake Ala yoge agarik o,” yinuk, yoreegerak.

1 Korindut 4:8

Nit awo eeppinanega'lek kagak kit nduk obeelom aret eeppinagage, kit nduk kineenggi warak agago pinagage, kit aa'nduk kinendage nggwok agago tiyappinagage, eereegerak kenok op aret o. Kit abet aret kinendage nggwok logonetak en, nit ninom ndak-ndak ninendage tiyanak logonetak kwe, lek me, “Ao,” mbako ogoorik o.

2 Korindut 11:1

An aap kumili-kumili negen logonet, wone yi yokkirage kwe, kagak konenggo logobagip nduk, yokkiragi o, noreewi.

Pelaareegerak 28:67

eeppinagit nogwe kinigen kogo logomonggotik, kinagabiti mban kinikime yagabit arit unggwage logonet, kuubondendok age kenok, O mbet-mbet kiip aruwak lak, ao, yogwe, ndi, oonikiya age kenok, O mbet-mbet weeruwak lak, ao, yogwe, eeko logomunggup o.

Pelaareegerak 8:3

It aakumi mbi mban nunggwi iinok, ineenik logogun lek o. Ata, at Aliku ALA nen yi wone ndi wone ari nogo waganggwi iinok, mondok ineenik aret logorak nogo liippugwi, kiniki tebeppatinuk wonogwe, eeko logobagip nduk, mbi abu eerogo pinagage, ti'nuk, kit inom, kinombomini inom, kineenggo'lek mendek mbi mana wokkirage, eereegerak nogo o.

Yotuwa 7:7

O kiip age mbareegi, Yotuwa nen Aliku ALA yoge logonet, “Kaliku Kitok Menggendak nogoba ALA o. Aakumi Amori mendek nen nit aakumi Iterali yi, nineebe lek eerogo pinaniyak wogoraanok nduk, wo'niren niyo Yoraran yi paga wunda wage keegak, nit time logorak nggaruk togon koonggoobok, nano nduk o yi paga wunda wogoorak, ao.