Wundeegwaarak 15:8 - Ala Wone Peenok Peebi Mbanak

⁸ Kambe aagi ambebubu negen wumbegendak paga niyo yenggenit lagangge, Yi nage menggim ti nage menggerak kwe, Waga'lek, yugum yagat wurik kwak nu'lek aret abo mbanogo pege, Ndi, yi kole yenggenit lagi wage nogo linogo pege, Eekendak o.

Wundeegwaarak 15:8 Iomraidhean Croise

2 Tamuwen 22:16

Aliku ALA nen aakumi mberirage, Anini aagi ogobak me nen wundi wage, Eeke kenok, Yi nggwok laut abena aluk-puut kin eeppege, Ndi, o yi, alom yarak kin eeppege, Eekerak o.

Ayup 4:9

It aakumi ti, Ala ambebubu paga lek eerogo piige, Anini nen enete aagi paga mondok inenggaawak lek eerogo piige, Eeke menggerak.

Ndawi 33:7

Yi nggwok yenggenak laut nogo Togolowa'na negen yenggenogo pege, Ndi, laut nogo yenggenak logowak nduk, O'luwam nggween nenaarogo punuk, yenggenogo pege, Eereegerak o.

Ndawi 78:13

Yi kole yenggenak laut mogonogo yugum yagat wurik kwak abo mbanak nu'lek kagak, Ineebe niyo paga wumbiya wage,

Wundeegwaarak 14:29

It nogo abok aret niyo ndonggoninabeegerak kwe, Iterali nogo perak, niyo agi-ogu yagat wurik pogom wonage kagak, nggween woloonak paga wunda wogogwaarak.

Yetaya 11:4

Ata, Ala yegetak ndak-ndak aap tebenak mendek inowak loongge, It aap ineenggi lek nogo eekaatak a'me nggelok inawone mbanogo piige, Eeke logogin o. Muun obate mbanak paga inooko mengga kwak, At nen wone yorage paga aakumi o nggween yi paga wonogwe nogo koonogo piige, Ndi, ambe aagi paga aap maluk mendek mondok lek eerogo piige, Eeke logogin o.

Yetaya 37:7

An ari yi, liirogon konengge logowak o. Aap Atiyut mendek endagembogut ti, wone ambi konembunuk, ame nawak nduk, inikime mambege neenok, yoremenggerak agabiti nen iyokan ame lombok nage kenok, aap ambi nen waruwak nduk eeppigin o,” yinuk, eerogo nappiya wagagerak.

Abakuk 3:10

Puut-puut nen inigen keenok, inaganak warit nage, Kat keegak niyo wu'nuk nage, Niyo kole yenggenak laut kiiniki lombok paga anggut-nggut oone ari logonet, Kilaarak-mogonik eerogo nippit wage, Eereegerak o.

Abakuk 3:15

Kaguda iniyogobit paga niyo kole yenggenak laut nogo, aan lebenogo pit nogwe iigak, Niyo nggwok yenggenak laut nogo aanggolagap eerogo pege, Eereegindak o.

2 Tetalonika 2:8

Wonok lagi nage kenok perak, at maluk lombok eeka nogo kin ari woraagin o. Kin ari wage logomenggerik, at Ibilit eeke menggerak ndak-ndak at omaawi paga eerit nege logonet, “Ala omaawi paga eeke,” mbaruwak nduk, inagabiti worak mendek eeke, eerubok mendek eeke, tam warak negen eeke, eeke logonet, it aakumi Ala nen inagap ndaruwak nduk, wone abet aret ari menggerak inikilom mba'nuk wagangga'lek logomenggaarak paga maluk agago piyoorak nogo, inambokan laganikit nduk, oone alik negen pugunogo yoranet unggwage logogin o. It aakumi Ala ari menggerak wone wagangga'lek maluk eeriyak mban inikilom mbarit nugwi nogo abok aret, at Ala nen, “Inowak loombunuk, maluk inoba piyaakit o,” yinuk, pilit wone agan wage nogo abet mbaruwak nduk, iniki apit agago piyaagin o. At maluk lombok eeka ti nen togop eerit wage me, ninowe Yetut mondok tiyanak ayuk worak wage logonet, ambe aagi paga eebe mondok warogo lek eerogo pi woraagin o.

Yotuwa 3:13

At o yi unde menggerak Aliku ALA awone yugu aloobut mbanak me yonggolak eewu'nuk wonok nogo menggaarak it aap Ala unde nogo nen aloobut mbanak piyaninuk yi Yoraran inikime awo iniyok mbaangga unggwogwe iigak, niyo nage nogo ogu mogonogo wuppege, ndi, agi mogonogo nippege, eeke kaamunggup o,” yinuk, yoragagerak.

Yotuwa 3:16

niyo wage nogo moguk togon ee'nuk, o Taratan yaga'lelo o nda Aram taati yenggenogo pit lagangge, ndi, niyo ambut mayu ogup yenggenak laut Araba paga kuni nage nogo ti, nage menggi kwak aret nage, eeke kagak, oolo taati ne ambit liingge aret niyo nogo porok yereegerak.