Wundeegwaarak 15:2 - Ala Wone Peenok Peebi Mbanak

² At Aliku ALA ti, Nomaawi inom, nendawi inom, aret wonage o. At nen aret nagap ndareegerak o. At Aliku ti, nogoba Ala aret me, Alut eeke agaarik o. At ti, an nombomini inogoba Ala aret me, Endage tiyappege agaarik o.

Wundeegwaarak 15:2 Iomraidhean Croise

Wakkagagerak 17:7

Yoge nagagerik, “Kat inom, kapurilogwe wigannaremenggaarak inom, kinogoba Ala an aret logogin o,” yinuk, “Kat nimbirak wone abuk nggaruk togon mbaneegurak nogo ti, kat kombowologwe ninom mbaneegurak negen aret me, lek arigin lek mondok-mondok aret logogin o.

Wakkagagerak 49:18

Kaliku ALA wae! Nagap ndarogo panenok nduk, tokkake agarik o!

2 Tamuwen 22:3

At nogoba Ala ti, Aakumi nen an nookwi iyo, Yugum lunik kwak abu'me pani unggwage, Nggeemu pogom mulunogo panit nege, Omaawi paga nagap ndarogo panege, Aap maluk mendek nen nookwi iyo, Nagap ndariyak nduk, eeke logonet, Yugum pak wurogo pereegi kwak eerogo panit nege, Pi'nakwi iyo, o ambime kumaarogo pani nage, An nili eerogo panit nege, Eeke menggerak o.

2 Tamuwen 22:47

Kaliku ALA mondok keenik menggendak o. Kat nayugum kwak me, kalut eeke, Kat yugum kwak nagap ndaka Ala aret me, Kendage mondok tiyappege, Eeke agarik o.

2 Tamuwen 22:51

Nendagembogut mippaneegindak nogo Neegin tiyak yuwak nduk eeppanege, Amburu eerogo mippaneegindak nogo An Ndawut inom, napuri-nombowologwe inom, Ninabuwa nen eeppinanit wundi wage tit logomunggun o,” yinuk, ndawi paga Aliku ALA anep pereegerak nogo ti aret.

2 Tamuwen 7:24

It aakumi Iterali mendek ti, kat kapuri mondok-mondok logowak nduk, koonogo piyareegindak me, Kaliku inogoba Ala kat aret agagindak o.

2 Tamuwen 7:5

“Kat nen, At Aliku ALA nen wone, Ndogop yegerak, nayeloman Ndawut yori nanok nduk, yokkiri o. O maan it aakumi Iterali o Metit nen wogoret wundi wagagirak kuli nok, yogondak yi kuli paga, an logorak o abe wurogo panulik ooliya-ooliya mban wurogo panit nugu menggaarak o. Aakumi Iterali abok aret ninom yagak-ndagak nugu logonet, it ndomba ndegeninako mengga kwak an napuri Iterali ndegeninako logowak nduk, yoragagirak inoweewi inarum wonogwe nogo, ambiriluk ambi yoge logonet, Nonggop nduk an nawi eyo abe nggabina paga wuppanega'lek agandik, yoreegirak ya? Lek aret me, at nen aret wurogo paniyak ari agaarik?

1 Endagembogut 8:13

kat kawi wurik me mondok-mondok logonok nduk, kake kawi abu abe alik negen aret wurogo pagagirak yi ket o,” yinuk, yoreegerak.

1 Endagembogut 8:27

Togop aret kwe, kat Ala o nggween paga yime logorak op mbaken? O mbogut paga inom, mbogut irimbaga kunduk inom, abok aret ti nggwok aret wonage kwe, kat logorak endak lek me, kat logorak kawi wurogo pagagirak yi ti, abunuk mbuuluk aret o.

1 Mbinineegwaarak 16:14

At Aliku ti, ninogoba Ala aret o. Yi aakumi ndi aakumi nggween paga wonogwe abok aret It eekaatak inawone amburu mbanogo yorage menggerak.

Ndawi 109:1

An tiyappagage minggirak Ala wae. It aap maluk eeka inom, inoone pilit yaga inom, nen, nendage maluk eerogo panugwi, Pilit agan nugu logonet, nabok mbanit nugwi, Eekwi me, Koone lek puk logorak ti mage o.

Ndawi 118:14

At Aliku ALA nomaawi eeppanege, At nen aret an nagap ndake, Eekerak me, An ndawi paga at anep pege agarik o.

Ndawi 118:21

An nen Aliku ALA yoge neenok, Aruk konengge, an nagap ndake, Eekerak me, “Wa,” lombok yorigin o.

Ndawi 118:28

Kat nogoba Ala aret me, “Wa,” lombok yokkege, Kat nogoba Ala aret me, tiyappagage, Eeke logogin o.

Ndawi 140:7

Kaliku Kitok Menggendak ALA wae. Kat nagap ndaka komaawi lombok wonage, Nawim nen nooriyak eekwi me, Nanobak kin age neyo, noba'nake, Eeke menggendak me,

Ndawi 145:1

Kendagembogut nogoba Ala yi wae. An nen kat tiyappagage, Kendage mondok-mondok tiyappagit nage,

Ndawi 18:46

Kaliku ALA mondok keenik menggendak o. Kat nayugum kwak me, kalut eeke, Kat nagap ndaka Ala aret me, kendage mondok tiyappege, Eeke agarik o.

Ndawi 22:10

An nda'nagagirak eyom nen nok, yogondak kuli kat aret ndegennake, Nagalo inikime wonage neegak kunduk, Kat nogoba Ala aret wonage, Eeke menggendak me,

Ndawi 22:3

Kat Kikak Nakeelik Alik Leenak wonage, It Iterali mendek kalut eekwi enggela'me wonage, Eeke menggendak o.

Ndawi 27:1

At Aliku ALA ti, Eya eerogo panega, nagap ndaka, At aret wonage me, Aap ta paga nagabiti mbake, Neenik logokit nduk, nomaawi eeppanega ti, Aliku ALA aret me, Ta paga naganak wake, Eeriyak mbakop? Lek aret o.

Ndawi 28:8

Kapuri inomaawi eeppiige menggendak ti, Kaliku ALA aret o. Ndi, aap amburu kilirogo mippereegindak nogo Agap ndarak logowak nduk, Yugum pak wurogo pereegi kwak kat mban aret o.

Ndawi 30:1

Kaliku ALA wae. It aap ninom wim mbanak nen nooppunuk, “Keyik a! Op wako,” yogwe iyo, nagap ndarogo panege, An abu tebenak wonage me, tiyappanege, Eekendak me, Kat kalut eeke agarik o.

Ndawi 34:3

“Aliku ALA iya!” yinuk, ninom alut eekwi, Kit an ninom at endage tiyappugwi, Eeko logowok o.

Ndawi 48:14

Puut yi paga menggerak Ala nogo ti, Mondok-mondok ninogoba Ala aret me, At nen ndegenninabit wundi wage tit kagak, Kambi noorak kuli aret ari woraagin o.

Ndawi 59:17

Nomaawi eeppanega yi, wae. Kat nogoba Ala nabuwa lombok mbake, Ala wae. Kat nayugum pak wurik kwak wonage, Eeke menggendak me, Kalut eeke logonet, ndawi wake agarik o.

Ndawi 68:20

Ninogoba Ala ti, Nit ninagap ndaka Ala aret me, An nooremenggaarak kangge neyo, Aliku Itok Menggerak ALA nen An neebe nili ari logogin o.

Ndawi 99:5

Togop me, Aliku ninogoba Ala tiyappugwi, At kikak nakeelik alik leenak menggerak me, At wone lengganinake menggim tebe yinuk alut eekwi, Eeko logonip o.

Ndawi 99:9

Togop aret me, Aliku ninogoba Ala tiyappugwi, At Aliku ALA ti, kikak nakeelik alik leenak me, At abuut abu abe alik leenak nogome ninendobanggun yindumbunuk alut eekwi, Eeko logowok o.

Wundeegwaarak 14:13

Yogo mbareegwa, Muta nen it yorage logonet, “At Aliku ALA nen nonggop agago kinagap ndarigin nogo yogondak aret kinigen kaamunggup me, kinagabiti mbaka'lek kiniki kwippunuk logonip o. It aakumi Metit mendek yogondak kinigen iigwi ti, peebi nen kinigen iyaamunggup mondok lek o.

Wundeegwaarak 3:6

Yoge nagagerik, ambinom yoge logonet, “Kombomini Abarakam inom, Itak inom, Yakup inom, inogoba Ala nogo ti, an aret o,” yinuk, yoreegerak nogo at Muta aruk konengge nagagerik, Ala enegen pekkoorak agabiti nen enete nobakkolagagerak.

Wundeegwaarak 4:22

Iniki omaawi age kenok, kat nen wone Pirawun yoge, At Aliku ALA nen ari logonet, Iterali ti, naput manggu ndarak kwak aret me, naput manggu nogo an nalut eeri nawak nduk, teppuwak, yegerak o, yinuk, wone yoremenggendak kwe, teppega'lek kenok, an nen, At Pirawun aput manggu ndarak ti, wari wambi woraagin, yegerak o, yinuk, yori nak o,” yoreegerak.

Wundeegwaarak 40:34

Eerogo pege mbareegi, ndugwi nogo wambi wage nagagerik, Ala inom lambungge logowam awooliya wurik nogo paga apit eerogo punuk, at Aliku ALA abinak nogo Ala awooliya wurik o magame inikime nogome eya kwindagala eerogo pereegerak.

Wundeegwaarak 6:7

An nen Abarakam inom, Itak inom, Yakup inom, nggween wogoroorak abet mbaruwak nduk, nendage kunogo yoragagim nogome napuri piya nage logominggirik, unde logowak nduk wogoraagin o, yinuk, Naliku an ALA nen aret yagi, yegerak, yoret o,” yinuk, yoreegerak.

Yetaya 12:2

Kat Ala ti, ninagap ndaka aret me, Kat paga panggonak logonet, ninagabiti lek aret ogoorik o. Ninomaawi eeppinanega, ninendawi paga kanep pega, ti, Kat ninogoba Kaliku ALA aret o. Kat ninagap ndareegindak me, ninagap ndaka aret wonage agandik o,” yinuk, at yogo logomunggup o.

Yetaya 25:1

Kaliku ALA wae. Kat nogoba Ala aret o. Yoraga'ndak mondok a'me liirogon eeke logonet, Eerubok mendek iya eeriyak maan aa'nduk nen koonogo pereegindak nogo muk aret eekendak me, Kalut eeke, kendage tiyappege, eeke agarik o.

Yetaya 45:17

It Iterali yi perak, Inagap ndarak mondok-mondok logowak nduk, Kaliku ALA nen inagap ndarogo piyaagin me, Inenggali age, inendage maluk age, eeka'lek mondok-mondok obeelom aret wonogo logogun o.

Yetaya 49:6

“At Yakup paga wiganak inanebunu aa'nduk ninom kunik wonogogwa kwak eerogo piige, It aakumi Iterali ando yumbunik nogo iniyokan wogoret piya wage, Eerenok nduk, Nayeloman eerogo pagage nagarik, unde eeppagagirak nogo ti, yabu mbuuluk kagak unde eeppagagirak me, Aakumi inagap ndarogo piyoorak wone koonogo piyareegirak nogo It aakumi inanebunu lombok o irip-irip wonogwe inenggela'me eya eerogo piige logonok nduk, unde eerogo pagagin o,” yinuk, yo'negerak o.

Yetaya 66:1

Aliku ALA nen yegerak nogo yi aret. “Mbogut paga ti, noone lengganogo yorage minggim aret. Ndi, nggween paga ti, nabu'me piige minggim aret. An nawi nonggop negen wuriyak nduk yogo ogotik? Ndi, an namborowak koongge logorak nggeeme o?

Yeremiya 3:23

Puut-puut paga kugi aanggo wako logonet, noone-koone agan nugwi ti, Abe lek aanom warogo kagak eeko ogoorik o. Ninogoba Kaliku Ala nen mban nit Iterali ninagap ndariyak ti abet aret o.

Yeremiya 31:33

“Ti eyom abu aret age kenok, it Iterali paga wiganak wone ngget mendek ninom koonogo puurak nogo yi aret. Eeko logorak yoragagirak nogo inikime nabenogo piige, Inikime liiru negen mbanogo piige, Eerigin me, An nen it inogoba age, ndi, it nen an napuri ogwe, Eerugun o.

Yeremiya 32:38

It an napuri aret ogwe, ndi, an nen it inogoba aret age, eerugun o.

Abakuk 3:13

Kat kapuri inagap ndariyak nduk wundi wage, Kapuri leenogo piyareegindak nogo, inagap ndarikit nduk wage, Eeke logonet, It aap maluk eeko menggam wonogwe inowe nogo, aan lebenogo pege, It at awuri inom nege abok aret lek eerogo piige, Eereegindak o.

Takariya 13:9

It mbere inooke logonet, ambi teppigin nogo ti, mbuti perak at mendek mban aruwak nduk, kani paga worako mengga kwak, Mbuti emas etenggen yelok kaawak nduk, kani paga worako mengga kwak, It togop aret eerogo piyaagin o. Ti eeke neenok, it nen an nendage kunogo nggino yo'nugwi iinok, naruk konembunuk, yorage logogin o. It an napuri aret o, ari neenok, it nen kunduk, Aliku ALA ti, ninogoba aret o, yinuk, yogo logogun,” yegerak o.

Yaya 4:22

Kit alut eeko monggotak eebe kineenggo'lek logonet, alut eeko monggotak kwe, at ninagap ndaka nit aap Yakuri ninenggela'me nen mi'narigin me, nit alut eekwi nogo perak, nineenu logonet, alut eeko monggoorak o.

Yaya 5:23

Aakumi nen Ala tiyappogo mengga kwak, aput an kunduk ndak-ndak tiyappanugo logowak nduk, mippaneegerak. It aap nen Ala aput an tiyappanugwi lek iinok ti, at nappani wagagerak an nogoba nogo tiyappugwi lek o, yinuk, mondok abet aret yokkiragi o.”

Nappiigak 4:12

It aakumi yi awi ndi awi o nggween paga yime menggaarak abok aret, Aap yi nen aret kinagap ndakkinabigin o, yinuk, endage ambi kunogo yo'niroolik o. Ata, at Yetut alik nen mban kinagap ndakkinabigin o, yinuk, yo'niragagerak o.”

2 Korindut 5:19

At Ala nen, “An nogo ti, yi aakumi ndi aakumi abok an noone taganggwi iigak kwe, neenggi linggingga'lek aret logonet, Keritut eereegerak paga ninom lambunnogogurak o,” yinuk, yorogo logowok nduk, wone unde eeppinaneegerak eebe nogo ti aret o.

Epetut 2:22

kit togon, Ala eebe negen Aberiniki kinom logobagip nduk, kit kineebe nogo waganogo Keritut oba panggombinaganuk, at awi negen aret wukkolage agaarik o.

Pelaareegerak 10:21

Tam warak inagabiti warak mendek mondok iya tit eerit nage kinigen abe nen kogogutak nogo ti, kinogoba Ala aret me, at mban wogoppogo logonip o.

Pilipi 2:11

Ndi, aakumi inanebunu lombok abok aret ninogoba Ala endage tiyak yuwak nduk, “Yetut Keritut ti, ninowe aret o,” yinuk, nggwok paga paganggwi, Eeruwak nduk, Tiyappereegerak o.

Pilipi 4:13

Keritut nimbirak kunik logonet, omaawi eeppanege kagak, an yi eekak ndi eekak abok eeriyak op aret kage minggirak o.

Kolote 2:9

At Ala eebe itok li'luk aago menggerak nogo abok aret, Keritut oba lenggenak logonet, aakumi aret nda'nage nagagerik, nege nagagerak.

Wayu 15:3

ndi, Ala ayeloman Muta endawi inom, Ndomba Aagaluk nogo endawi inom, wakwi, eeko logonet, “Komaawi lombok menggendak ninogoba Ala kat aret o. Kat eeke menggendak nogo ti, eerubok mendek mondok iya lombok eeke menggendak o. Yi aakumi ndi aakumi aa'nduk wonogogwaarak, yogondak wonogwe, peebi logogun abok inowe kendagembogut kat aret o. Kat eeke menggendak nogo ti, mondok a'me nggelok abe mban eeke menggendak o.

Wayu 19:1

Ti konengge nagarik, wonage me, o mbogut paga time aakumi ambik abu alik negen komaarak inoone nggwok ambugwi yogo mengga kwak yogo logonet, “Kat kalik komaawi ambik ninagap ndaka kendage mondok tiyanak, ninogoba Ala wa.

Owak Loongga 5:21

Niyo Kiton nogo ti, o maan mendek aret me, Ninawim nogo wogoren nage, Eeke kenok, Niniki yi wae. Ninogogumbuk eeppatinuk, wim eeko logowok o.