Wundeegwaarak 15:1 - Ala Wone Peenok Peebi Mbanak

¹ At Aliku ALA nen aakumi Metit mendek inooke mbareegi, alut eeruwak nduk at Muta aakumi Iterali mendek inom ndawi wareegwaarak nogo yi o. “Aliku ALA alut eeko logonet, Ndawi ambi tiyanikit o,” Ari nagagerik, tiyangge logonet, “Aliku ALA mondok tiyanak menggerak me, Kuda inom, aap amborowak paga kwi'ndak wogwe inom, Niyoome mbo mambiyareegerak o.

Wundeegwaarak 15:1 Iomraidhean Croise

Nekemiya 9:11

Kapuri wunda woraawak nduk, niyo mogonogo agi-ogu eerogo pereegindak kagak, nggween woloonak paga wunda wogwe iigak, it inambo'me muguret wogogwaarak nogo niyo omaawi ambik kagak yugum inikime mbo pegaatak yobok togon lek age menggi kwak, it togop aret eeginabeegindak o.

Ayup 36:24

Lek aret me, At eerit nage nogo aakumi nen ndawi anep pugwi, It aakumi abok aret inigen kogwe, O nda nen inigen nakkogwe, Eereegwaarak nogo Tiyappenok nduk, abeke logot o.

Ndawi 105:43

Inale'nggen mbakwi iigak, Aakumi at apuri wogoren wundi wage, At leenogo piyareegerak inale'nggen nen keekok piyanggogwe iigak wogoren wage,

Ndawi 106:12

Kaliku ALA nen, “Eeppinagagin o,” yoragagindak nogo abet aret mbakwi, Kendage tiyappogo logonet, ndawi wakwi, Eereegwaarak.

Ndawi 107:15

At Aliku ALA nen Tungga mbuti tembaga paga aago ti, yigirogo nggimbege, Tu unggwogo menggam pak ambe mbuti paga aago nogo, Kalenak-pugunik eerogo pege, Eeke menggerak me, Aliku ALA it inabuwa nen iniki kunik mban aganake, Aakumi aret iigak kwe, iya tit eeppiinet wage, Eeke ti paga Aliku ALA, “Wa,” yogo logowak o.

Ndawi 107:8

At Aliku ALA nen it niyo abu kenok, ndonggorogon nawak nduk wogorage, Inambi abu kenok, yi mendek ndi mendek abe mban kalo logonogo wogorage, Eeke menggerak me, Aliku ALA it inabuwa nen iniki kunik mban aganake, Aakumi aret iigak kwe, iya tit eeppiinet wage, Eeke ti paga At apuri ti nen Aliku ALA, “Wa,” yogo logowak o.

Ndawi 32:7

An kumaa'nage minggim kat keebe aret o. Aaninggin noba age kero, kat unde wo'nake, “Ala nen kagap ndakerak o,” yinuk, Neebe yendok-wandok ndawi warit nogo logowak nduk, Eerogo piige, Eeke logomunggun o.

Ndawi 76:6

Yakup ogoba Ala wae. Kat mberiragagindak paga Inaguda inom, inanggweendo wogoren nega inom, Inagabolok lek agagerak o.

Ndawi 76:7

It aakumi abok aret kat keenok, Inamineeri ne agan nage menggerak me, Kat kanini inoba piige keegak, Aap ta nen ko wappunuk logogin mbaken? Lek aret o.

Wundeegwaarak 14:26

Yogwe iigak, at Aliku ALA nen Muta yoge logonet, “Niyo nogo obaane'me lambunggage logonet, aakumi Metit mendek inom, inanggweendo wim eeka inom, nggweendo kuda paga punuk wonok nega ineebe inom, abok aret ndonggoninabuwak nduk, keenggi niyo paga titik iru o.”

Wundeegwaarak 14:27

Yoge mbareegi, at Muta nogo nen niyo ogumbaga eenggi titik ege nagagerik, o weege kagak niyo mogonik wonagagerak nogo lambunggage mbareegi, it aakumi Metit mendek nogo mbaganit nawok nduk, eereegwaarak mendek, Aliku ALA nen niyo inikime tebenogo piyareegerak.

Wundeegwaarak 15:21

Miriyam nen, “At Aliku ALA alut eeke logonet, ndawi ambi tiyanikit o,” ari nagagerik, “Aliku ALA mondok tiyanak menggerak me, kuda inom, Kuda inamborowak paga kwi'ndak wogwe ineebe inom, Aliku ALA nen niyoome mbo mambiyareegerak o,” yinuk, ndawi tiyangge kagak, kumi nogo nen ndawi eebe aret wako nogogwaarak.

Wundeegwaarak 18:11

It aakumi Metit mendek iniki wogoppako logonet, aakumi Iterali eeppiigo mbareegwa, at Aliku ALA nen eeppiyareegerak ti paga, yi kugi ndi kugi inomaawi lek tebenak iigak, Aliku ALA alik mban omaawi ambik menggerak neenu agi o.”

Kini Wuppiige 29:6

Aap maluk mendek ambi nen maluk eerit nage paga keele pugu kwak eebe aret nggerenggolage menggerak kwe, Aap iniki abe koonak nogo perak, iniki ale'nggen nen ndawi warit nage menggerak.

Yetaya 42:10

Kit aakumi nggween irip-irip wonogwe yi, wae. Ndawi ngget mendek Aliku ALA ake wakwi, At mban alut eekwi, Eeko logonip o. Kat niyo laut kinikime wonogwe kinom yi wae. At alut eekwi, Laut iniki me kit nggween ku'mbanak inom, it kit paga wonogwe inom, at alut eekwi, Eeko logonip o.

Yeremiya 51:21

At paga aap inaguda inom yigirogo piige, At paga aap wonok nega inanggweendo inom yigirogo piige,

Oteya 2:17

At ambe paga kugi Mba'an inendage ari menggerak nogo an lek eerogo pigin me, At kugi Mba'an inendage kungge logogin lek o.

Abakuk 3:18

An perak, Aliku ALA paga nale'nggen nggwok mbake, Nagap ndaka nogoba Ala aret me, nale'nggen nen ndawi lubuk ari, Eeke logogin o.

Linggineegwaarak 21:17

it Iterali mendek ndawi wako logonet, “Kat yi nggween kabunik yi wae. Niyo kila-kila wundi mok o. Aap nggwok ineenu agak inowaanggun paga, Inowaanggun luk nega paga, It aap inendagembogut nen kabunogo pagagwi, Ninoweewi nagawan nen niyo yi pulu mbanogo pagagwi, Eekkabeegwaarak me, Ndawi onggo-onggo waruwok o,” yinuk, ndawi wareegwam nogome aret nogogwaarak. Ti'nuk, karume time nen wo'narok o Matana ari nogwe,

Kolote 2:15

Ti eereegerak nogo ti, it wim nambuppunuk, “Nit nineegin tiyak yigi o,” yinuk, “Wi!” iraawak nduk, aakumi ineebe kugun wogoren wogo mengga kwak, at Keritut nen, “An neegin tiyak yegerak neyaawak o,” yinuk, at Tile inom, at awuri yi kugi ndi kugi inom, abok aret inomaawi lek eerogo piinok, inenggali aruwak nduk, ineebe nggwok paga o oolo yayi wogoren nege nagagerak.

Wayu 15:3

ndi, Ala ayeloman Muta endawi inom, Ndomba Aagaluk nogo endawi inom, wakwi, eeko logonet, “Komaawi lombok menggendak ninogoba Ala kat aret o. Kat eeke menggendak nogo ti, eerubok mendek mondok iya lombok eeke menggendak o. Yi aakumi ndi aakumi aa'nduk wonogogwaarak, yogondak wonogwe, peebi logogun abok inowe kendagembogut kat aret o. Kat eeke menggendak nogo ti, mondok a'me nggelok abe mban eeke menggendak o.