Wundeegwaarak 13:7 - Ala Wone Peenok Peebi Mbanak

⁷ aret ari nagin me, irip paga ti, Aliku ALA alut eeko logonet, kinale'nggen paga laago nggwok lako logomunggup o. 7 Oroti piiruwak nduk ragi pega'lek nenet nogwe kiigak, ne 7 eeriyak me, oroti piiruwak nduk, ragi pogo menggaarak nogo mendek kineenggime inom, kiname inom, porogo logubok o.

Wundeegwaarak 13:7 Iomraidhean Croise

Wundeegwaarak 12:15

Ndi, oroti piika'lek mendek nogo mban nunggwi iigak, ne 7 logorak me, aap ambit-ambi nen ne aa'nduk nen nok ne 7 kuli ti paga oroti piiruwak nduk, ragi nogo yi mendek ndi mendek inom punuk nengge kenok, it aakumi Iterali inenggela'me nen aap ti enggaawak lek eerogo puurak me, ne iyaalok laago lariyak paga nen oroti pike menggerak mendek iname wonage ti abok aret mbo pogo logowak o.

Wundeegwaarak 12:19

Oroti piiruwak nduk, pugwi ragi nogo ti, ne aa'nduk nen nok ne 7 kuli ti paga iname porogo logorak mondok mage o. Aap ambit-ambi aworak a, nggiru a, oroti piiruwak nduk, ragi nogo yi mendek ndi mendek inom punuk, worarogo nengge kenok, it Iterali inenggela'me nen aap ti enggaawak lek eerogo pogo logowak o.

Matiyut 16:6

Yetut nen it nogo yorage logonet, “It aap Pariti mendek inom, aap Taruki mendek inom, inoone ti, roti piike menggerak nogo kokwak aret me, waganggwi kiyo, kiniki tum wako logonip o.”

1 Korindut 5:8

Pipuk eerak wonage me, laago nonggo logonet, roti piike menggerak mendek enggela'me punuk, larak nogo pogom, maan mendek nit abu maluk lombok ninggin-nanggin eeko nogogurak nogo kwak eeko logonet, nonggo logorak mage o. Ata, roti piike menggerak mendek pega'lek larak pogom niniki abu obeelom kikak naka'lek, Ala inikilom mbaruwak nduk eeko logonet, nonggo logowok o.

Pelaareegerak 16:4

Ne 1 nen 7 ari nage kuli ti paga kit kiname abok aret oroti piika ragi porogo wonogwe, ndi, ne 1 kiyoma paga ndomba warak mbanak porogo kiigak, o ko'lu kuubondendok ari nage, eeriyak mage.

Yotuwa 5:11

Laago endage Obagambo Nagagerak nogo, abu aret lappogo nogogwaarik, ko'lu nen o Kanan paga anggen yugu mbanogo oroti piiruwak nduk pugwi nogo mendek pega'lek kagak nunggwi, ndi, gandum worarogo nunggwi, eereegwaarak.