Wundeegwaarak 13:3 - Ala Wone Peenok Peebi Mbanak

³ Yoge mbareegi, at Muta nen it aakumi Iterali yorage, “Kit aakumi Metit mendek inayeloman eerak wonogwe me nen ne yi paga aret Aliku ALA eenggi omaawi paga wokkiren wundi woramenggerak me, ne yi paga ari wage kenok, abeko logonet, laago nggwok aret lako logomunggup o. Lako logonet, oroti piiruwak nduk, pogo menggaarak ragi nogo yi mendek ndi mendek enggela'me punuk, amok mbanogo nonggo logorak mage o.

Wundeegwaarak 13:3 Iomraidhean Croise

Wakkagagerak 15:16

Ndi, it aakumi Amori mendek yi, it maluk eekwi kwe, inomaluk ambinom nggwok ari naga'lek kagak, kat kombowologwe wigannarit 4 paga ari nogwe ndak-ndak o yime ari wogo logogun o,” yoreegerak.

1 Mbinineegwaarak 16:12

Aliku ALA ayeloman Iterali ombowologwe yi wae! Ala nen miikkinabeegerak Yakup apuri wiganak yi wae! At iya tit eerit wundi wagagerak inom, Eerubok mendek eeke kogo nogogutak inom, Aaninggin kinoba pinagagin, yokkiragagerak inom, Abeko logonip o.

Nekemiya 1:10

Nit aakumi kat kapuri kayeloman mini yi, kat komaawi nggwok paga inom, keenggi omaawi paga inom, wondet eerogo pinaneegindak me,

Nekemiya 9:10

Eeke nagagindik, it Metit mendek nen iniki wogoppako logonet, ninombomini eeppiigo nogogwaarak nogo kat keenu me, aap endagembogut Pirawun inom, at inom eeko menggaarak inom, at o unde menggim aakumi abok aret inom, eerubok mendek eeppiige, inagabiti aruwak nduk eeppiige, eereegindak paga kendage wigak yereegerak me, o yogondak wonage aret o.

Ndawi 105:5

Aliku ALA ayeloman Abarakam paga wiganak yi wae. At leenogo pinagareegerak Yakup ombowologwe yi wae. At Aliku ALA iya tit eerogo pit wagagerak inom, Eerubok mendek eeke nagagerak nogo inom, “Aaninggin ndogop eeppinagagin o,” yinuk, kit kinom ogoorak yoragagerak nogo inom, Abeko logonip o.

Ndawi 114:1

It Iterali o Metit nen wundi wogwe, It Yakup paga wiganak aakumi inoone alik yogo menggam inenggela'me nen wundi wogwe, Eeko mbareegwa,

Ndawi 136:11

At nen aap Metit mendek inenggela'me nen it Iterali wogoren wundi wagagerak me, “Wa,” yogo logonip o. & Ninabuwa mbake ti, itok kunik wonage o.

Ndawi 136:12

At eenggi omaawi paga eerit nage, Eenggi titik eerogo nappege, eereegerak me, “Wa,” yogo logonip o. Ninabuwa mbake ti, itok kunik wonage o.

Ndawi 89:14

Obeelom eeppiinet nage, a'me nggelok eeke, Eeke menggendak nogo Kat wone lengganogo yorage menggenom ti paga panggonak kagak, Aakumi inabuwa nen iniki kunik aganake, Yoraga'ndak li'luk eeppiinet nage, Eeke menggendak kabok nogo Aa'nduk wiganinuk nage kagak ambo'me wage menggendak o.

Wundeegwaarak 12:15

Ndi, oroti piika'lek mendek nogo mban nunggwi iigak, ne 7 logorak me, aap ambit-ambi nen ne aa'nduk nen nok ne 7 kuli ti paga oroti piiruwak nduk, ragi nogo yi mendek ndi mendek inom punuk nengge kenok, it aakumi Iterali inenggela'me nen aap ti enggaawak lek eerogo puurak me, ne iyaalok laago lariyak paga nen oroti pike menggerak mendek iname wonage ti abok aret mbo pogo logowak o.

Wundeegwaarak 12:17

An nen ne yi paga inawuri lombok leenak o Metit nen wogoren wundi naminggirak me, Ne yi paga it inapuri-inombowologwe nda'narit namenggaarak inom mondok-mondok inale'nggen nen lako logorak inake koonogo pigirak yi, tahun ambi eekak eerit nogo logonet, laago endage oroti Piika'lek Mendek nogo ne yi paga aret inale'nggen nen lako logowak o.

Wundeegwaarak 12:19

Oroti piiruwak nduk, pugwi ragi nogo ti, ne aa'nduk nen nok ne 7 kuli ti paga iname porogo logorak mondok mage o. Aap ambit-ambi aworak a, nggiru a, oroti piiruwak nduk, ragi nogo yi mendek ndi mendek inom punuk, worarogo nengge kenok, it Iterali inenggela'me nen aap ti enggaawak lek eerogo pogo logowak o.

Wundeegwaarak 12:2

“Yi tahun ndi tahun wage paga tut yi penengge kenok, Tahun ngget mendek aret unggwi waga o, yinuk, abeko logomunggup o.

Wundeegwaarak 12:41

Ndi, tahun empat ratus tiga puluh abu eeppunuk, ko'lu aret tahun ambi eeriyak panggo ari kagak, at Aliku ALA apuri aakumi Iterali mendek inawuri lombok leenak nogo o Metit nen wundi wogogwaarak.

Wundeegwaarak 12:42

Oonikiya ti eyom paga it aakumi Iterali mendek nogo o Metit nen wundi wogwe iigak, at Aliku ALA nen inarum wonagagerak me, aakumi Iterali inombowologwe wiganak nen yi tahun ndi tahun ari wage paga ne oonikiya wundi wogogwaarak ti eyom paga ari wage kenok, Aliku ALA alut eeko logonet, tum wako nogogwaarak.

Wundeegwaarak 12:8

oonikiya ti paga aret enggaanggum kani paga worarogo nonggo logonet, mbiingga ale mendek inom, oroti piiruwak nduk ragi pega'lek kagak worarak mendek inom, nonggo logowak o.

Wundeegwaarak 13:14

Ndi, peebi ne ambi paga kinapuri nen, Kit eekwi yi, wone eebe ngge nduk eeko ogotik? Yokkirogwe iinok, kit nen yorogo logonet, At Pirawun iniki omaawi logonet nit wundi woraawok nduk, teppinaniyak eebi mbake nagagerik, pippinanogo wonage mbareegi, Aliku ALA nen aakumi Metit mendek inapuri manggu ndarak inom, inaanggumi ndaka'lek me aa'nduk ndarak inom, inooke nagagerik, eenggi omaawi paga o Metit nen wo'niren wundi wagagerak kenok, ninaanggo ndaka'lek iyaalok lombok nda'nogwe iinok, at Aliku ALA ake leenogo pugwi, ndi, ninapuri aap manggu ndarak Aliku ALA wogoriyak ineebi mbakwi iinok, inobaane'me wu aret pugwi, eeko monggoorak o.

Wundeegwaarak 13:9

At Aliku ALA eenggi omaawi paga kit o Metit nen wokkiren wundi wagagerak kenok, laago yi lako logorak me, at Aliku ALA nen, eeko logorak wone lengganogo yokkiragagerak kinikime mondok-mondok porogo logorak yereegerak aberak logomunggup nduk, kineenggi paga inom, kinenggaawak paga inom, ligi negen te'mulunik aret logowak o.

Wundeegwaarak 20:2

“Kit o Metit inayeloman agago pinaganuk tebembinagago wonogwe me, wokkiren wundi wagagirak Naliku kinogoba Ala an aret o.

Wundeegwaarak 20:8

Nogo 6 yippunuk, ko'lu ti, nake leenak aret me, abeko logonip o.

Wundeegwaarak 23:15

Tut aa'nduk Abip penenak paga an o Metit nen wogoren wundi wage logonet, Laago endage Oroti Piika'lek Mendek lako logomunggup o, yinuk, koonogo pereegirak nogo inale'nggen paga lako logonet, an yoragagirak nogo ndak-ndak ne iyaalok nen nok, ne 7 paga oroti piiruwak nduk, ragi pega'lek kagak oroti worarogo nonggo logowak o. It an nalut eeriyak nduk, wogo logonet, an nake puurak ineenggime lek we aret nowagam woroorak mage o.

Wundeegwaarak 3:20

an neenggi omaawi paga eerubok mendek eeke logonet, it Metit mendek alik negen yigirogo inooke neenok perak, teppinagamenggerak wundi woraamunggup o.

Wundeegwaarak 34:18

Tut aa'nduk Abip penenak paga o Metit nen wundi wogogutak me, Tut ti penenak, tanggal ndi paga laago oroti Piika'lek Mendek lako logomunggup o, yinuk, koonogo pereegirak nogo, kinale'nggen paga lako logonet, an yokkiragagirak nogo ndak-ndak ne iyaalok nen nok ne 7 paga oroti piiruwak nduk, ragi pega'lek kagak oroti worarogo nunggo logomunggup o.

Wundeegwaarak 6:1

Yoge nagagerik, Ala nen Muta ambinom yoge logonet, “Naliku ALA an aret o.

Wundeegwaarak 6:6

it an napuri lombok ogwe, ndi, an inogoba Ala aret age, eerigin me, it aakumi Metit mendek inake yabu eeko logowak nduk, inoone omaawi paga yorogwe nogo, ineenggime nen ndinogo wondet eerogo piyaminggirak paga Naliku inogoba Ala an aret ineenu arugun o.

Wundeegwaarak 6:7

An nen Abarakam inom, Itak inom, Yakup inom, nggween wogoroorak abet mbaruwak nduk, nendage kunogo yoragagim nogome napuri piya nage logominggirik, unde logowak nduk wogoraagin o, yinuk, Naliku an ALA nen aret yagi, yegerak, yoret o,” yinuk, yoreegerak.

Wundeegwaarak 7:4

konengga'lek mban kenok, an neenggi omaawi lombok paga nen it aakumi Metit mendek pippiirogo logonet, maluk eereegwaarak onggo aaninggin mondok alik lombok inoba kwippiige logominggirik, an napuri Iterali mendek inawuri leenok lombok eerak wogoren wundi nagin o.

Yeremiya 34:13

“Iterali inogoba Aliku Ala nen ari logonet, It kombomini o Metit paga aakumi inayeloman eeppiinok wonogwe me nen wogoren wundi wage logonet, ninom wone koonogo pereegirak nogo yi aret.

Ndaniyen 9:15

Togop me, ninogoba Ala wae. O Metit nen keenggi omaawi paga kapuri nit wo'niren wundi wagagindak o. Ndi, ti eereegindak paga kendage wigak yereegerak me, yogondak awo wigannarit nage kagak kwe, nit maluk eerit wundi wogwe, koone yugu taganogo mbo pugwi, eereegurak o.

Matiyut 10:12

Aap iname time unggunuk, keyage warogo kinale'nggen inoba piigo logonu o.

Lukat 22:19

Yorage nagagerik, roti eenggime woppunuk, “Nogoba Ala wa!” yinuk, karerogo tumburirage logonet, “An neebe kit kinake punik nogo yi aret me, noba abe'nako logonet, nanip o.”

1 Korindut 11:24

“Ala wa,” yinuk, karerogo wogorage logonet, “Yi an neebe negen aret me, kit kinake aret o. An noba abeko logonet, nonggo logonip o,” yinuk, yorage mbareegi, nunggugwaarak.

1 Korindut 5:8

Pipuk eerak wonage me, laago nonggo logonet, roti piike menggerak mendek enggela'me punuk, larak nogo pogom, maan mendek nit abu maluk lombok ninggin-nanggin eeko nogogurak nogo kwak eeko logonet, nonggo logorak mage o. Ata, roti piike menggerak mendek pega'lek larak pogom niniki abu obeelom kikak naka'lek, Ala inikilom mbaruwak nduk eeko logonet, nonggo logowok o.

Epetut 1:19

Nit abet mbakwi niinok, at omaawi mondok iya lombok nogo paga eeppinanege nogo ti, Keritut kambunuk, nogo menggam nen eenik agago mippege nagagerik, kugi nggween abu'na mendek inom, eyonggaame mendek inom, mbogut abu'na o oolo yayi mendek inom, yi kugi ndi kugi inayuk wuko menggaarak o yogondak wonogwe inom, peebi logorak inom, it abok aret tebenak iigak, at Keritut alik mban Ala eenggi abe'nggan tiyanak logowak nduk, mbogut paga mippereegerak nogo ndak-ndak, nit yogondak at omaawi ti paga togop aret eeppinanege agaarik o.

Pelaareegerak 13:11

Warogo pugwi kiinok, it aakumi Iterali abok aret konenggo logomenggaarak inagabiti nen aap maluk eeremenggerak togop nogo ambi it inenggela'me nen eerugun mondok lek o.

Pelaareegerak 13:6

Ndi, ne ambi paga kinore ambi ilik, kinapuri wologwe-komologwe a, kinakuwi kiniki kunik ilik, kinore kimbirak kiniki kunik a, it nen inoone mbawok paga kinikime manako logonet, Kit inom, kinombomini inom, ineenggo'lek mendek

Pelaareegerak 15:15

Kit aa'nduk o Metit aakumi inayeloman eeppinagago wonogwe me, Aliku kinogoba Ala nen kit wondet eerogo pinaganuk, wokkiren wundi wagagerak nogo abeko logonip o. Alom ti paga o yogondak an nen wone yi lengganogo yokkirage agarik o.

Pelaareegerak 16:1

Yorage nagagerik, ambi yorage logonet, “Tut Abip penenak oonikiya paga Aliku kinogoba Ala o Metit nen wokkiren wundi wagagerak me, tut Abip ti penengge kenok, Aliku kinogoba Ala elaago endage, Obagambo Nagagerak nogo, kinale'nggen nen lako logorak aberak aret logomunggup o.

Pelaareegerak 16:12

Kit maan o Metit aakumi inayeloman aago wonogogutak nogo abeko logonet, eeko logorak lengganogo yokkirage yi, mondok liirogon aret eeko logomunggup o,” yinuk, yoragagerak.

Pelaareegerak 16:3

Laago ti lako logonet, yi mendek ndi mendek piika ragi nogo inom punuk, worarogo nunggo logorak mage o. Kit aaninggin-paaninggin kinoba wonage kagak, o Metit nen mbet-mbet aret wundi wogogutak nogo, kit kangga'lek kineenik awo wonogo logonet, aberak logomunggup nduk, laago endage Obagambo Nagagerak lako logonet, oroti piika ragi nogo oroti inom pega'lek mendek worarogo nenet nogwe kiigak, ne 1 nen 7 aret ari nawak o.

Pelaareegerak 24:18

Aakumi Metit mendek nen kit inayeloman eeppinagago wonogwe me, at Aliku kinogoba Ala nen kinagap ndarogo wokkiren wundi wagagerak nogo, kiniki abeko logomunggup o. Alom ti paga wone yi eeko logomunggup nduk, yokkiragi o.

Pelaareegerak 24:22

Kit o Metit paga inayeloman a'nuk wonogogutak nogo abeko logomunggup o. Alom ti paga wone yi eeko logomunggup nduk, yokkiragi o,” yinuk, yoragagerak.

Pelaareegerak 26:8

at Aliku ALA nen ineenu agak inagabiti warak mendek inom, Wi, yuwak nduk eerubok mendek inom, aakumi Metit mendek inenggela'me eeke nagagerik, it Metit mendek iniki ma'naruwak nduk, eenggi omaawi ambik lombok paga eeppiige, eenggi titik paga eeppiige, eerit o Metit nen wo'niren wundi wagagerak.

Pelaareegerak 5:15

Kit maan o Metit paga inayeloman eeppinagago wonogwe me, at Aliku kinogoba Ala eenggi omaawi paga eeppiige, eenggi titik eeke kenok eeppiige, eerit wokkiren wundi wagagerak abeko logonet, at Aliku kinogoba Ala nen nogo 6 yippunuk, ko'lu paga yonggonggologo logorak lengganogo yokkiragagerak nogo eeko logomunggup o.

Pelaareegerak 5:6

O Metit paga inayeloman eeppinagago wonogwe me, wokkiren wundi wagagirak Naliku kinogoba Ala an aret o.

Pelaareegerak 6:12

kit o Metit paga inayeloman eeppinagago wonogwe me at Aliku ALA nen wokkiren wundi wagagerak nogo oba mari eerogo pukwak liippogo logomunggup o.

Pelaareegerak 6:21

kit nen kinapuri yorogo logonet, O maan togon aap Pirawun nen o Metit paga ayeloman eerogo tebembinaninuk wonage me, at Aliku ALA omaawi ambik nogo paga wo'niren wundi wage logonet,

Pelaareegerak 7:8

Togop aret kwe, at Aliku ALA nen kinabuwa mbake nagagerik, kinombomini wone abuk nggaruk togon kumbuk mbanogo yoragagerak nogo abeppunuk, aap o Metit mendek endagembogut Pirawun abu'me tebembinagago wonage me, at Aliku ALA eenggi omaawi paga Pirawun eenggime nen kinagap ndarogo wokkiren wundi wagagerak.

Pelaareegerak 8:14

kit o Metit inayeloman eeppinaganuk wonogwe me, wokkiren wundi wagagerak at Aliku kinogoba Ala nogo oba mari eerogo mbo punuk, kiniki tiyappatinuk logokwak, kiniki liippogo logonu o.

Pelaareegerak 9:12

yo'nege logonet, Kat kapuri o Metit nen wogoren wundi wagandak nogo nen eeko logorak yoragagirak nogo awo aret kagak taganogo punuk, nobaane'me ambi ogobakkigirogo mippogo nagaarik, alut eeko logonet, abu maluk aret eekwi me, mbet-mbet aret wura nak o, yo'nereegerak.

Yotuwa 24:17

Aakumi Metit mendek inayeloman eeppinaninuk wonogwe me, at Aliku ninogoba Ala lombok nen, Tu yi o, yinuk, o Metit nen ninombomini inom, nit inom, wo'niren wundi wage logonet, ninigen niigak, ineenu agak inagabiti warak mendek iya tit eeke, tu nggorek paga yi aakumi ndi aakumi inawi keyappiigak wogwe niinok, ninarum wonage, eereegerak o.

Owak Loongga 2:12

Mugurok nogo logonet, Iterali inogobamini inogoba at Aliku Ala o Metit nen wogoren wagagerak kagak, mbo punuk, at alut eekwi obaane'me it aakumi enaagan-ambokan time wonogwe nogo inagugi inayuk wuko logonet, mugurok nogwe paga, Aliku ALA anini eeppiyaawak nduk, eeppereegwaarak.

Owak Loongga 6:8

at Aliku ALA nen yorage kagak yoraga mendek ambi inowagam nappi wage mbareegi, at nen it aakumi Iterali nogo yorage logonet, “At Aliku Iterali kinogoba Ala nogo nen yegerak nogo yokkira o. Kit o Metit aakumi inayeloman eeppinagago wonogwe me, wokkiren wundi wage logonet,