Wundeegwaarak 13:13 - Ala Wone Peenok Peebi Mbanak

¹³ Ndi, kinaanggumi keledai aagaluk ndaka'lek me aa'nduk nda'nage kenok obaane'me ndomba aagaluk aret leenogo pugwi, ndi, ndomba wogoriyak lek kenok, keledai aagaluk nogo enggaanok kogonogo pugwi, eeko logomunggup o. Togop eeriyak kwe, it aap manggu nda'nogwe iinok perak, inobaane'me Aliku ALA ake wu aret pogo logomunggup o.

Wundeegwaarak 13:13 Iomraidhean Croise

Wundeegwaarak 12:21

Yorage mbareegi, at Muta nen it aakumi Iterali mendek inoweewi abok aret wiirage nagagerik, wogo mbareegwa, it yorage logonet, “Kit nen kinaaganapuri kinom noorak ndak-ndak kambin-ndomba leenogo piya nogo logomonggotik, Obagambo Noorak laago lariyak nduk ndomba aagaluk leenak nogo warogo punuk,

Wundeegwaarak 12:3

It Iterali wonogwe abok aret yoroorak nogo yi aret. Tut yi tanggal 10 paga it aap Iterali inalitik-inalitak inaaganapuri wonogwe nogo ineebe noorak ndak-ndak ndomba aagaluk ambitak mban wappunuk, inapurilogwe inom nunggwi,

Wundeegwaarak 34:20

Kinaanggumi keledai aagaluk ndaka'lek me aa'nduk nda'nage kenok obaane'me ndomba aagaluk aret leenogo pugwi, ndi, obaane'me puurak lek kenok ti, keledai aagaluk ti aret enggaanok kogonogo pugwi, eeko logomunggup o. Ndi, kinapurilogwe manggu nda'nogwe iinok, inobaane'me an nake wu aret pogo logomunggup o. An nalut eeriyak nduk, wogo logonet, an nake puurak kineenggime lek we aret nowagam woroorak mage o.

Wayu 14:4

It aap ti, kumi wogonakulik me, kumi inom mondok lambunulik aret menggaarak. Yi mendek ndi mendek aa'nduk mendek Ala ake pogo mengga kwak, aakumi ando iigak, it nogo mban Ala inom, at Ndomba Aagaluk inom, inake leenak logowak nduk, inonggo mbanogo inagap ndareegerak me, Ndomba Aagaluk nogo mban inom nugu menggaarak.