Wundeegwaarak 13:12 - Ala Wone Peenok Peebi Mbanak

¹² kit apit aret kinapuri aap manggu nda'nogwe iinok, kinaanggumi anebunu lombok abok aret inaagalogwe iyaalok ngguunok nda'nogwe iinok, ti at Aliku ALA amendek me, at ake aret leenogo piigo logomunggup o.

Wundeegwaarak 13:12 Iomraidhean Croise

Nekemiya 10:36

Eeko logorak wone yugu liiru mbanak ndak-ndak ninapuri manggu nda'nogwe, ninaanggumi lembu-tapi inom, kambin-ndomba inom, inaagalogwe aa'nduk nda'nogwe, eekwi iinok, wonok aap Ala unde ninogoba Ala awi wurik me eeko menggaarak nogo wogora wogwe,

Nekemiya 10:37

Gandum anggen iyaalok yigirik inom, yi mendek ndi mendek alik, Yi Ala ake o, yinuk, iyaalok pugu inom, yi eyo ndi eyo yarak anggen iyaalok mbanak inom, anggur amburu iyaalok toolak inom, tayitun amburu iyaalok toolak inom, wonok ninogoba Ala awi wurik me pogo menggam pogo logowok nduk, it aap Ala unde nogo wogora wogwe, ninawi kota-kota nineyabu eeko monggom abok aret anggen yugu 10 wonage kenok, ambi yendenogo pugwi nogo ti, it aap Lewi nen kuwak eeko menggaarak me, nineyabu yarak anggen yugu 10 wonage kenok, ambi yendenogo it aap Lewi wogora wogwe, eeko logogun aret o.

Wundeegwaarak 13:1

Wogoren wundi wage logonet, at Aliku ALA nen Muta yoge, “Aakumi Iterali inapurilogwe aap manggu nda'nogwe, inaanggumi ndugum ndaka'lek me, iyaalok ngguunok nda'nogwe, eekwi iinok ti, an namendek me, an nake mondok-mondok leenogo panugo logomunggup o,” yinuk, yoreegerak.

Wundeegwaarak 22:28

Yoge nagagerik, Iterali yoraawak nduk, Muta ambinom yoge logonet, “At Ala miyuk-meya eerogo pugwi, aap inowe inarum menggerak nogo inoone maluk, Kambu o, yogwi, eeriyak mage o.

Wundeegwaarak 22:29

It nen mbi iyaalok ndarak inom, amburu anggur iyaalok toolak inom, Yi Ala ake aret o, yinuk, pogo logomenggaarik, iname elaambirik porogo logorak mage o. Inapuri manggu ndarak nogo nake leenogo panugo logowak o.

Wundeegwaarak 34:19

Kit kinapuri aap manggu ndarak inom, kinaanggumi ndaka'lek me iyaalok nda'nogwe tapi-ndomba ngguunok inom, ti an namendek aret o.

Wundeegwaarak 34:20

Kinaanggumi keledai aagaluk ndaka'lek me aa'nduk nda'nage kenok obaane'me ndomba aagaluk aret leenogo pugwi, ndi, obaane'me puurak lek kenok ti, keledai aagaluk ti aret enggaanok kogonogo pugwi, eeko logomunggup o. Ndi, kinapurilogwe manggu nda'nogwe iinok, inobaane'me an nake wu aret pogo logomunggup o. An nalut eeriyak nduk, wogo logonet, an nake puurak kineenggime lek we aret nowagam woroorak mage o.

Yetikiyen 16:20

Ti eeke logonet, at nen at aagalogwe wologwe inom, komologwe inom, ndaganake nagagerik, It yi kunduk, at Ala apuri aret o, yinuk, yereegerak kwe, agugi inambi negen nawak nduk inoorogo inake wogorage nagagerak. Kwe yawukak negen eerit nage ti, maluk aret me, Yi kuli aret, yuurak kagak, eerit nage ti, iya lek, yinuk, eeke agaarik ya?

Yetikiyen 44:30

Anggen iyaalok mbanak abu abe kero, nake pugwi, aakumi iniki ale'nggen nen yi mendek ndi mendek abok aret nake leenogo punuk, pi wogwe, eekwi nogo ti, it aap an neebe unde inamendek aret o. Nale'nggen it aakumi ugun inawi paga logowak nduk, anggen iyaalok abu abe yigirik nogo, mogonogo aa'nduk it an neebe unde wogora wogo logowak o.

Ala Unde 27:26

Inaanggumi tapi-ndomba ndaka'lek me iyaalok nda'nage nogo ti, Naliku ALA namendek aret o. Ti mendek ti, Naliku ALA namendek aret me, an, Wa, yo'nogo logonet, ti mendek nggomoorogo puurak mage o.

Linggineegwaarak 18:15

Aakumi a, kinaanggumi a, kinarowe-pagi a, agalo inikime nen aa'nduk nda'nage kenok, Naliku ALA nake leenogo pi wogwe nogo ti, abok kit kinake aret o. Togop kwe, inapuri manggu ndarak aap inom, inaanggumi noorak mage yugu nogo mendek aa'nduk ndarak ngguunok inom, ti kenok perak, obaane'me wu aret pogo logowak o.

Linggineegwaarak 3:12

“Manggu nda'nogwe iinok ti, an unde aret me, kumi Iterali mendek inaagalogwe manggu aap ndarak eerukwak inobaane'me it Lewi mendek nen an nake eeko logowak nduk, it Iterali inenggela'me nen leenogo piigirak me, inanebunu Lewi mendek ti, an unde aret o. An nen it Metit mendek inapuri manggu ndarak inooke logonet, it Iterali inapuri manggu ndarak inom, inaanggumi aa'nduk ndarak inom, inoorulik, inili eerogo nake leenogo pateegirak me, inapuri manggu ndarak inom, inaanggumi iyaalok ndarak inom, ti an unde aret logowak o, yinuk, Naliku an ALA nen aret yagi o,” yinuk, yoreegerak.

Linggineegwaarak 8:17

O Metit mendek inapuri manggu ndarak inooke ne ti eyom paga Iterali inapuri manggu ndarak nake logowak nduk, leenogo piyareegirak me, it Iterali inapuri manggu ndarak inom, inaanggumi iyaalok ndarak inom, abok aret ti, an unde aret o.

Lukat 2:23

Ala wogoruwok nduk wonok wogogwaarak nogo ti, ninogoba Ala nen, “Aap manggu nda'nage kenok ti, an kinogoba nake leenogo paniyak o,” yorage,

Pelaareegerak 15:19

Yorage nagagerik, ambi yorage logonet, “Kinaanggo tapi aagaluk iyaalok nda'nage kenok, yabu eekak yuurak nduk, punogo pugwi, ndomba aagaluk iyaalok nda'nage kenok, eeruwak mbanogo pugwi, eeriyak mage o. Ata, kinaanggumi lembu-tapi inom, kambin-ndomba inom, inenggela'me ndugum nen aagaluk iyaalok ngguunok ndake kenok, Aliku kinogoba Ala ake leenogo pogo logomunggup o.