Wundeegwaarak 12:7 - Ala Wone Peenok Peebi Mbanak

⁷ amiya ando waganogo ndomba warogo nawam o nogome abok tunggambe abeenok-abeenok paga inom, tunggambe irimbaga inom, labunogo punuk,

Wundeegwaarak 12:7 Iomraidhean Croise

1 Endagembogut 6:31

Ndi, o ko akem Ala inom lambunggak mage lombok logowam unggwogo logorak tungga ti, eyo tayitun paga ogobakkigirogo pege nagagerik, tu ambe mbanak inom, ambe peenok-peenok eyo mippugu inom, nogo ti, metet mbere negen paga wakkagak mbaneegerak.

Wundeegwaarak 12:13

Inoorit nage logonet kwe, it an napuri Iterali perak, an neenu agak amiya iname paga labunik nenegen kage logominggirik, inooka'lek iname obaga mbo nanuk aakumi Metit mendek mban inoorit nagin o.

Yetikiyen 9:4

at yoge logonet, “O kota Yerutalem time nege logonet, it yi aakumi ndi aakumi nen, O kota yime maluk ogole warak mendek eerit nogwe yi, ao, yinuk, iniki wakkologwe, le yogwe, eekwi iinok, ineenu agak inenggaawak paga liiru mbanogo piyet o,” yinuk, yoge koneneegirak.

Epetut 1:7

At Ala ninabuwa mba'nuk, iniki warak lombok logonet, mondok liippinanege nagagerik, oba ngginik kagak eeppinanit wundi wage menggerak nogo ndak-ndak, at amiya paga ninonggo mbambunuk, keele piinogo pinanege nagagerik, ninomaluk mondok lek eerogo pinaneegerak.

Pelaareegerak 11:20

At Aliku ALA nen nggween, Wokkiraagin o, yinuk, wone abuk nggaruk togon kumbuk mbanogo kinombomini yoragagim time logonet, mbogut yi, lek aga'lek awo wonage kagak, kit kinapuri kinom kineenik mondok nggorek logomunggup nduk, wone yokkiragarak yi, kinawi tungga paga inom, tu unggwogo menggam paga inom, abok aret liiru mbanogo pogo logomunggup o.

Iberani 10:14

Ala nen at apuri at ake leenogo patiyak mbareegerak nogo, inomaluk abu lek eerogo punuk, mondok obeelom aago logowak nduk, ninake kangge logonet, at eebe ne ambit nggaruk togon Ala wogoreegerak.

Iberani 10:29

Togop aret eeko menggaarak me, nit Ala wone koonogo yo'niragagerak nogo, abet mbako logonet, at apuri inomaluk lek eerogo punuk, ake leenak logowak nduk, amiya wundeegerak nogo, aap ambi nen, “Wone ti, abe lek o,” yinuk, Ala aput iyok kenden aambele eerogo negen pege, ndi, at iniki kunik en obeelom eeppinanege menggerak Aberiniki nogo inom miyuk-meya eerogo pege, eeke kenok, at teppigin mbakop? Mondok lek o. Ala nen maluk onggo mondok alik negen at oba kwippege kaamunggup o.

Iberani 11:28

At malayikat aakumi inooke menggerak nogo nen, it aakumi o Metit mendek inapuri manggu ndarak inoorit nage logonet, Iterali mendek inom inooke kero, Ala yoreegerak nogo, at Muta abet mba'nuk, laago Obaga Mbo Noorak lako logonet, tu nggambe paga amiya labunogo pit nagagerak nogo o.

Iberani 9:22

Wone Muta yoreegerak nogo ndak-ndak eeko logonet, yi mendek ndi mendek abok aret amiya paga mban obeelom aruwak nduk, amiya werenogo puurak wone yugu me, amiya kilika'lek kenok ti, ninomaluk lek eerogo puurak lek aret kogo ogoorik o.

1 Peterut 1:2

At Yetut Keritut yereegerak wone nogo woppunuk ndak-ndak eekwi kiinok, at amiya paga kookkinake logowak nduk, at ninogoba Ala nen peebi eeko logorak abok aret koonogo pege menggerak me, maan kooneegerak nogo ndak-ndak, Aberiniki nen eeppinagage kagak kit at apuri kikak naka'lek ake leenak logobagip nduk, miikkinabeegerak me, at Ala iniki kunik nen wokkirage, kiniki ugun tayenak ale'nggen logobagip nduk eeppinagage, eeke nogo, ambinom eeppinagagak mban eeke logowak o.