Wundeegwaarak 12:3 - Ala Wone Peenok Peebi Mbanak

³ It Iterali wonogwe abok aret yoroorak nogo yi aret. Tut yi tanggal 10 paga it aap Iterali inalitik-inalitak inaaganapuri wonogwe nogo ineebe noorak ndak-ndak ndomba aagaluk ambitak mban wappunuk, inapurilogwe inom nunggwi,

Wundeegwaarak 12:3 Iomraidhean Croise

Wakkagagerak 22:8

Yoge mbareegi, at Abarakam nen, “At Ala ake kani kuniyak nduk, at alik nen mban ndomba aagaluk ambi punogo pigin o, napuluk,” yinuk, yorit imbirak aret nogogwaarak.

Wakkagagerak 4:4

ndi, at Kaben nogo ti, ndomba aa'nduk ndarak warogo punuk amok mban mbanogo Aliku ALA ake pi wage, eeko mbareegwa, at Aliku ALA nen at Kaben inom, ake wogori wagagerak nogo inom, iniki ale'nggen mbake logonet, waganeegerak kwe,

2 Mbinineegwaarak 35:7

Yorage nagagerik, it aakumi we ugun mendek kuwak ari wogogwaarak nogo, Obagambo Nagagerak laago laruwak nduk, aap endagembogut Yotiya nen kambin-ndomba ineebe tiga puluh ribu wogorage, ndi, lembu-tapi ineebe tiga ribu wogorage, eereegerak. Wogoragagerak nogo aap endagembogut alik aanggumi aret wogoragagerak.

Wundeegwaarak 12:2

“Yi tahun ndi tahun wage paga tut yi penengge kenok, Tahun ngget mendek aret unggwi waga o, yinuk, abeko logomunggup o.

Wundeegwaarak 12:21

Yorage mbareegi, at Muta nen it aakumi Iterali mendek inoweewi abok aret wiirage nagagerik, wogo mbareegwa, it yorage logonet, “Kit nen kinaaganapuri kinom noorak ndak-ndak kambin-ndomba leenogo piya nogo logomonggotik, Obagambo Noorak laago lariyak nduk ndomba aagaluk leenak nogo warogo punuk,

Wundeegwaarak 12:4

ndi, ineebe mbereeluk mban wonogwe me ndomba ambit warak nogo inalik tigitogon noorak meek kenok, it inawi koorok wonogwe nogo ineebe liippiinok, ndomba noorak ndak-ndak kenok, inom lambumbunuk, warogo nunggwi, eeko logowak o. Ndomba wariyak nogo ti, aakumi ineebe linggimbunuk, noorak ndak-ndak mban wako logowak o.

Wundeegwaarak 12:6

inanggenogona piinok, tanggal 14 paga oonegen kilu yi nage kenok, it aakumi Iterali wonogwe abok aret ne ambit ti paga wako logomenggaarik,

Wundeegwaarak 14:15

Yorage mbareegi, at Aliku ALA nen Muta yoge, “Kat koone nabenak mban nonggop nduk yo'nege agandik? It aakumi Iterali ti, nawak nduk, yoret o.

Wundeegwaarak 20:19

Muta nogo yogwi, “Kat mban wone yo'niroorak koneniyak op aret kwe, at Ala nen yo'niroorak kenok ti, nit kambuurak aret me, at nen yo'niroorak mage o,” yinuk, yoreegwaarak.

Wundeegwaarak 4:30

at Karun nen wone Aliku ALA nen Muta yoreegerak nogo mbininogo yorage, eerubok mendek nogo aakumi inenggaanom paga eeke, eeke mbareegi,

Wundeegwaarak 6:6

it an napuri lombok ogwe, ndi, an inogoba Ala aret age, eerigin me, it aakumi Metit mendek inake yabu eeko logowak nduk, inoone omaawi paga yorogwe nogo, ineenggime nen ndinogo wondet eerogo piyaminggirak paga Naliku inogoba Ala an aret ineenu arugun o.

Yetikiyen 40:1

O kota Yerutalem tebeni unggwogogwaarak iigak, tahun 13 eeppunuk, ambi eerak paga nit wo'niren mbo pinani wogogwaarak wonogwe niigak, tahun 24 eeppunuk, ambi eereegerak me, tahun ti paga tut iyaalok penenak tanggal 10 tut ti paga Aliku ALA omaawi noba panege kagak nabinggaanggo paga Aliku ALA nen wo'neren o Iterali wonogo menggam pani nage nagagerik, puut ambi abu tiyanak lombok paga panege kagagirak. Kage nagagirik, an wonage me nenaame o ame pa'nggwe time o wurik kota negen wonage kagagirak.

Ala Unde 1:2

“It aakumi Iterali yoroorak nogo yi o. It Iterali mendek ambi nen Naliku ALA nake warogo wo'niriyak mbakwi kenok ti, inaanggumi lembu-tapi ilik, kambin-ndomba a, an nake aret wo'niri wogo logowak o.

Ala Unde 5:6

omaluk lek eerogo pikit nduk, ndomba kooli a, kambin kooli a, warogo at maluk eeremenggerak nogo onggo Naliku ALA nake pi woraawak o. Pi wage kenok, omaluk lek eerogo punuk, nimbirak lambunik logokit nduk, aap an neebe unde nen nggami aanggo wakwi negen aret eeruwak o.

Linggineegwaarak 15:11

Tapi ngguunok ilik, ndomba ngguunok a, kambin ilik, ndomba a, an nake warogo wo'niriyak mbakwi kenok yagarak ti ndak-ndak aret eeko logowak o.

Yaya 1:29

Nogo yinuk, ko'lu Yetut nogo, at Yaya owagam wage enegen kage nagagerik, it aakumi yorage logonet, “Aakumi nggween paga yime menggaarak inomaluk lek agago piige menggerak Ala andomba nogo wage yi kaanip o.

Yaya 1:36

Yetut nage enegen kage nagagerik, “Wologo wae! Ala andomba nage ti, kaanip o.”

Yaya 12:1

Nogo 5 yippunuk, laago Obaga Mbo Nagagerak lariyak eyom panggoni wage kagak, at Yetut o Mbetaniya aap Latarut kambeegerak eenik agago mippereegerak wonage me nagagerak.

Yaya 12:12

Ko'lu it aakumi apit laago lakome kuwak ogogwaarak nogo nen Yetut o Yerutalem wage konenggo nogogwaarik,

1 Korindut 5:7

Kit time apit eeka'lek neenu aret kwe, roti piiruwak nduk enggela'me pega'lek kwak logobagip nduk, roti piike menggerak mendek kinengge-la'me wonage ti, mbo pinip o. Laago Obaga Nagagerak ndomba ninake wariyak Keritut nogo ti, muk wareegwaarak me, nit laago noorak abu pipuk eerak wonage o.

Wayu 13:8

Ndomba Aagaluk wareegwaarak nogo nen o maan mbogut-nggween yi awo wakkaga'lek kagak, aakumi o nggween paga menggaarak abok aret it inendage mondok-mondok ineenik aganaburak mbuku paga liiru mbanak wonage lek kenok, at nggeewo nogo alut eekwi iigirak.

1 Tamuwen 7:9

Yogo mbareegwa, at Tamuwen nogo ndomba aagaluk awo yilak nengge ambi warogo enaani aret Aliku ALA ake kani kungge logonet, oone nggwok paga Iterali inake Aliku ALA yoge kagak, it Pilitin mendek nen Iterali inom perenggolaawok nduk, panggo yi wogwe iigak, Tamuwen nen Aliku ALA yoge nogo konembunuk, it Pilitin mendek inagabiti mbaruwak nduk, mbogut paga ngguurubu eeke logonet, mbogut telangge mbareegi, iniki ma'nogo nogogwaarik, Iterali inigen iigak, mbaganit nogo mbareegwa,