Wundeegwaarak 12:2 - Ala Wone Peenok Peebi Mbanak

² “Yi tahun ndi tahun wage paga tut yi penengge kenok, Tahun ngget mendek aret unggwi waga o, yinuk, abeko logomunggup o.

Wundeegwaarak 12:2 Iomraidhean Croise

Etet 3:7

Mbake mbareegi, aap Akatiwerot nogo endagembogut wonage kagak, tahun 11 eeppunuk, ambi eerak tut aa'nduk Nitan penenak paga at Kaman nen maluk eeginaburak kooneegerak nogo tut inom, tanggal inom, kin age yelok kaawak nduk, liiru mbanogo punuk, waganggo mengga kwak, it pur eeko menggaarak nogo eeko logonet, at Kaman enggaanom paga tut 12 endage Arat penenak ti paga eeriyak mbanak nogo aret waganeegwaarak.

Wundeegwaarak 12:1

At Aliku ALA nen Muta Karun imbirak o Metit wonogwe me yorage logonet,

Wundeegwaarak 12:18

Lako logonet, tut aa'nduk penenak tanggal 14 kiyoma paga nen nok, tanggal 21 o kiyoma ti paga kuli, oroti piiruwak nduk, ragi pega'lek kagak worarogo nonggo logowak o.

Wundeegwaarak 12:3

It Iterali wonogwe abok aret yoroorak nogo yi aret. Tut yi tanggal 10 paga it aap Iterali inalitik-inalitak inaaganapuri wonogwe nogo ineebe noorak ndak-ndak ndomba aagaluk ambitak mban wappunuk, inapurilogwe inom nunggwi,

Wundeegwaarak 13:3

Yoge mbareegi, at Muta nen it aakumi Iterali yorage, “Kit aakumi Metit mendek inayeloman eerak wonogwe me nen ne yi paga aret Aliku ALA eenggi omaawi paga wokkiren wundi woramenggerak me, ne yi paga ari wage kenok, abeko logonet, laago nggwok aret lako logomunggup o. Lako logonet, oroti piiruwak nduk, pogo menggaarak ragi nogo yi mendek ndi mendek enggela'me punuk, amok mbanogo nonggo logorak mage o.

Wundeegwaarak 13:4

Tut yogondak iyaalok Abip penenak yi paga aret o Metit mbo punuk, wundi namunggup o.

Wundeegwaarak 23:15

Tut aa'nduk Abip penenak paga an o Metit nen wogoren wundi wage logonet, Laago endage Oroti Piika'lek Mendek lako logomunggup o, yinuk, koonogo pereegirak nogo inale'nggen paga lako logonet, an yoragagirak nogo ndak-ndak ne iyaalok nen nok, ne 7 paga oroti piiruwak nduk, ragi pega'lek kagak oroti worarogo nonggo logowak o. It an nalut eeriyak nduk, wogo logonet, an nake puurak ineenggime lek we aret nowagam woroorak mage o.

Wundeegwaarak 34:18

Tut aa'nduk Abip penenak paga o Metit nen wundi wogogutak me, Tut ti penenak, tanggal ndi paga laago oroti Piika'lek Mendek lako logomunggup o, yinuk, koonogo pereegirak nogo, kinale'nggen paga lako logonet, an yokkiragagirak nogo ndak-ndak ne iyaalok nen nok ne 7 paga oroti piiruwak nduk, ragi pega'lek kagak oroti worarogo nunggo logomunggup o.

Wundeegwaarak 40:17

it Iterali o Metit nen wundi wogogwaarak kuli nen tahun ambiret abu eeppunuk, ambi eeke paga tut ambi Penenak tanggal 1 ti paga aret

Yetikiyen 45:18

At Aliku Itok Menggerak ALA nen yegerak nogo yi aret. “Tut iyaalok penenak tanggal 1 tut ti paga aret an nawi wuremenggaarak etenggen maluk aremenggerak kero, obeelom aruwak nduk, tapi ngguunok awooluk awinde-obaande eerak lek mendek wonok pi woraawak o.

Yetikiyen 45:21

Tut iyaalok penenak tanggal 14 tut ti paga aret Laago Obaga Mbo Nagagirak lako logowak o. Lako logonet, ne aa'nduk nen nok, ne 7 ari nage kagak, oroti piiruwak nduk, inom pega'lek kagak worarak nonggo logowak o.

Ala Unde 23:5

Tut aa'nduk penenak tanggal 14 paga o ndonggo agan nage kagak, Naliku ALA noba abeppunuk nalut eeko logonet, Obagambo Nagagirak nogo aberogo laago lako logowak o.

Linggineegwaarak 28:16

Yoge nagagerik, ambi yoge logonet, “Tut aa'nduk penenak tanggal 14 tut ti paga aret Naliku ALA nen Obagambo Nagagirak nogo abeko logonet, laago nggwok lako logowak o.

Pelaareegerak 16:1

Yorage nagagerik, ambi yorage logonet, “Tut Abip penenak oonikiya paga Aliku kinogoba Ala o Metit nen wokkiren wundi wagagerak me, tut Abip ti penengge kenok, Aliku kinogoba Ala elaago endage, Obagambo Nagagerak nogo, kinale'nggen nen lako logorak aberak aret logomunggup o.