Wundeegwaarak 12:12 - Ala Wone Peenok Peebi Mbanak

¹² Ti eekwi wonogwe iigak, Naliku ALA an aret me, oonikiya ti paga o Metit irip-irip abok aret nage logonet, aakumi Metit mendek inapuri manggu ndarak inom, inaanggumi aa'nduk ndarak inom, abok aret inooke, inagugi abok aret inomaawi lek eerogo piige, eerigin o.

Wundeegwaarak 12:12 Iomraidhean Croise

1 Mbinineegwaarak 14:12

Ndi, it aap Pilitin mendek inagugiwak taati mbo punuk, mbaganit nogogwaarak me, at Ndawut nen kabulogo kani kunuwak nduk, awuri yoragagerak.

Ndawi 135:8

At lombok nen aap Metit mendek Inapuri manggu ndarak inom, Inaanggumi iyaalok ndarak inom, inoorogo piige,

Ndawi 82:1

O mbogut paga Ala awuri inom eeka nogo, Aakumi inanebunu lombok inagugi inom kuwak eeppunuk wonogwe me, Wone mbanikit nduk, Ala inenggela'me mi'nage, Inawone amburu mbanogo inowak loongge, Eerikit nduk, Yorage logonet,

Ndawi 82:6

An nen yokkirage logonet, Kit an Ala pogom wonogwe, kit abok ti, An Tiyanak Lombok Minggirak napuri aret wonogwe, Eeko ogotik o, Yinuk, yokkiragarak kwe,

Ndawi 91:7

Keeben abeenok aap ineebe seribu kanggwi, Keenggi abe'nggan aap ineebe sepuluh ribu kanggwi, Eerumenggaarak kwe, It inoba a'nuk kambemenggaarak nogo ti, Kat koba ari woraagin lek o.

Ndawi 95:3

Aliku ti, mondok nggwok Ala aret wonage, Aakumi inagugi abok aret inirimbaga at endagembogut abu tiyanak aret wonage,

Wundeegwaarak 12:23

Togop wonogwe kiigak, at Aliku ALA nen aakumi Metit mendek inooriyak nduk, o Metit ilin-unggut nage logonet, amiya tunggambe peenok-peenok paga inom, irimbaga inom, labunik kage kenok, o ti obaga mbo nage logonet, at malayikat ambi aakumi inooka nogo nen kiname unggwi nage logomenggerik, kinooke kero, non mbanogo pigin o.

Wundeegwaarak 18:11

It aakumi Metit mendek iniki wogoppako logonet, aakumi Iterali eeppiigo mbareegwa, at Aliku ALA nen eeppiyareegerak ti paga, yi kugi ndi kugi inomaawi lek tebenak iigak, Aliku ALA alik mban omaawi ambik menggerak neenu agi o.”

Wundeegwaarak 21:6

at ogoba nogo nen ayeloman nogo wonok Ala awi wurik me pi nage logomenggerik, tungga paga ilik, tu yinik ambe paga a, mippunuk, Mondok-mondok nayeloman logomunggun o, yinuk, aruk pelenogo puwak o.

Wundeegwaarak 22:28

Yoge nagagerik, Iterali yoraawak nduk, Muta ambinom yoge logonet, “At Ala miyuk-meya eerogo pugwi, aap inowe inarum menggerak nogo inoone maluk, Kambu o, yogwi, eeriyak mage o.

Wundeegwaarak 6:2

An nen Abarakam inom, Itak inom, Yakup inom, inenggaanom paga nigiyareegirak nogo ti, nendage Naliku ALA ineenu aruwak nduk, nigiyoolik. Ata, nendage, Nomaawi Lombok Minggirak an Ala nogo mban ineenu aruwak nduk, nigiyareegirak.

Wundeegwaarak 9:6

Yoge mbareegi, Karun imbirak Pirawun yori nogogwaarak kwe, eewa yaga'lek mbareegi, Aliku ALA nen ko'lu eeriyak yegerak nogo ndak-ndak eeke logonet, it aakumi Metit mendek inaanggumi abok aret kambit nogogwaarak kwe, it Iterali inaanggumi perak, ambiriluk ambi abu kambulik enaani aret wonagagerak.

Yetaya 19:1

O Metit mendek eeppiyoorak Ala nen abinggaanggo paga yoreegerak nogo yi aret. Ndugwi mbe agan nage ti paga Aliku ALA kwi'na'nuk o Metit nage yi, kaanip o. It Metit mendek inagugi ogut aago nogo inaganak wake, It aakumi Metit mendek iniki ma'nage, Eeko agaarik o.

Yeremiya 43:12

Aakumi Metit mendek inagugi awi wurik kani paarogo pit nage, inagugiwak kani kungge, eegu kugun wonok nage, eerigin o. Aap ndomba ndegeninaka nen ndomba inabi inayum paga lenggek yegetak ponggonogo nappogo mengga kwak, o Metit togop aret eerogo pege logomenggerik, o Metit oonegen alut eeko logorak eyak mippugu ayuk warak nogo yigirik-noonom eerogo pege, it Metit mendek inagugi awi wurik nogo kani pit nage, eeppunuk, aru non mbanogo pega'lek kuuri'me aret nagin, yoraamunggun o,” yinuk, yoreegerak.

Yeremiya 46:25

At Omaawi Lombok Menggerak Iterali inogoba Aliku Ala nen ari logonet, “It o Tebe mendek inagugi Amon nogo inom, at Pirawun inom, o Metit wonogwe inom, it inagugi inom, it inoweewi inendagembogut inom, it aap Pirawun paga panggombunuk wonogwe nogo inom, abok aret maluk onggo aaninggin inoba piyaakit nduk eeke agarik o.

Yetikiyen 12:16

Yi aakumi ndi aakumi mbaganit namenggaarak inenggela'me logonet, Nit maluk ogole warak mendek eekoorak paga eeppinanigi o, yinuk, inomaluk paganogo yorogo logowak nduk, wooluwak paga nen, mbi noogelo paga nen, kugilingga paga nen, inooka'lek ando mbuuluk teppiyaagin o. Ti eeke neenok, Naliku ALA an aret ineenu arugun o,” yinuk, yo'nereegerak.

Amot 5:17

An nen inenggela'me ambi eeppiigak nagin me, Anggur yarak me time abok aret leenggu maarit nogo logogun o,” yinuk, Aliku ALA nen aret yegerak o.

Tepaniya 2:11

At Aliku ALA nen it aakumi o nggween paga yime inagugi lek eerogo piige kenok, Inagabiti nen, “Aliku ALA ti, iya!” yinuk, yi aakumi ndi aakumi nggween paga wonogwe abok aret inalitik-inalitak menggam logonet, Aliku ALA abu'me tebe yinuk, at alut eeko logogun o.

1 Tamuwen 5:3

Kwippogo nogogwaarik, nogo yinuk, ko'lu kuubondendok, aakumi Atorot mendek nogo nen inagugi awi wurik nogome pekka unggwogo nogogwaarik, inagugi Ndagon nogo at Aliku ALA aloobut mbanak enaame enete wanduk nggween paga ngginnagagerak wonage kogogwaarak. Kogo nogogwaarik, obaane'me mippereegwaarak kwe,