Wundeegwaarak 12:10 - Ala Wone Peenok Peebi Mbanak

¹⁰ Ndi, ko'lu nawak nduk, ando teppugwaarik o. Ata, ando mbanak awo nengga'lek iigak, o aret weege kenok, irip-ando mbanak apit enaani aret kani kunuwak o.

Wundeegwaarak 12:10 Iomraidhean Croise

Wundeegwaarak 16:19

Ti'nuk, at Muta nen ambinom yorage, “Ti yonggokkologotak nogo ko'lu noorak eegu ambi puurak mage o.”

Wundeegwaarak 23:18

Nowagam wogo logonet, nake warogo wo'nugwi amiya nogo inom, yi mendek ndi mendek ragi punuk worarak inom, wo'niri woroorak mage o. Ndi, nalut eeruwok nduk, laago lako logonet, nake warogo wo'nugwi amok nogo awo laka'lek kagak, o weeriyak mage o.

Wundeegwaarak 29:34

Nonggo logomenggaarik, ndomba warak mbanemenggaarak nogo inom, oroti nogo inom, ndiinnaremenggerak kagak o aret weege kenok, ake pugun ti, abu mage nake leenak lombok me, noorak mage o. Ata, kani nawak nen apit aret kani kumbogo logowak o.

Wundeegwaarak 34:25

An nowagam wogo logonet, nake warogo wo'nugwi amiya inom, yi mendek ndi mendek ragi punuk worarak inom, wo'niri woroorak mage o. Ndi, nake warogo laago endage Obagambo Nagagirak nogo lako logonet, eegu wonage kagak ko'lu o weeriyak mage o.

Ala Unde 19:6

mbanak ne ti eyom aret noorak ilik, ko'lu nen noorak a, eeriyak ti op aret kwe, ando ndiinik wonage kagak nogo mbere yippunuk, ko'lukwak ari nage kenok, kani kunggo logowak o.

Ala Unde 22:30

Warogo nonggo logonet kenok, ando ko'lu noorak nduk puurak mage o. Ata, ne ti eyom paga aret tigitogon nonggo logomunggup o. An Naliku ALA nen aret yagi o.

Linggineegwaarak 9:12

Nonggo logonet, larak eegu ndiinogo pemenggaarak kagak o weege, ndi, owak iluk ambi kalukkogwe, eeriyak mondok mage o. Ata, laago Obagambo Nagagirak inale'nggen paga lako logonet, eeko logorak wone, Yogop ee'nu ndogop ee'nu, lengganogo yoragagirak nogo ndak-ndak aret eeko logowak o.