Wundeegwaarak 11:6 - Ala Wone Peenok Peebi Mbanak

⁶ Kambit namenggaarak paga it aakumi Metit mendek inoone nggwok paga leenggu maako logogun o. Leenggu maarugun nogo ti, inooka'lek kagak, inoorigin kagak, leenggu togop ambi maakulik mendek aret maarugun kwe,

Wundeegwaarak 11:6 Iomraidhean Croise

Wundeegwaarak 11:7

it aakumi Iterali wonogwe me perak, aakumi a, inaanggumi a, inabolok eekwi iinok, nggeewo nen ya'nggwak yogo logogun abu lek o, yinuk, yegerak o. Ti eeke kenok, Aliku ALA nen it aakumi Iterali mendek inom, aakumi Metit mendek inom, leenogo piinok, eeppiige menggerak, keenu arumunggun o.

Wundeegwaarak 12:30

It aakumi Metit mendek nogo iname lombok manggu ndarak ambi ineenik wonogwe lek abok aret kambit nogogwaarak iinok, at Pirawun inom, at awuri inom wone koongga nogo inom, it aakumi o Metit ugun wonogwe inom, abok aret, nogo iniki mbere eeke paga ambugwi aret ineenik arit nogo nogogwaarik, o Metit nogome inoone ya-kwa agan nogo logonet, leenggu maarit nogogwaarak.

Wundeegwaarak 3:7

Nobakkolage mbareegi, at Aliku ALA nen at yoge logonet, “An napuri o Metit wonogwe nogo it aap Metit mendek nen inayeloman eeppiinok, aaninggin-paaninggin inoba piigwi iinok, yagan wako logonet, inoone nggwok paga nggino yo'nugwi nogo, muk naruk konenggirak me, Yeenggwaaraakit, mbake agarik o.

Wundeegwaarak 9:18

ko'lu o yogop paga an nen mayu kumulinggen mondok iya lombok maan aa'nduk nen nok-nok yogondak kuli mayu kumulinggen o Metit yime togop ambi wangge logolik mendek aret wuppi woraagin o.

Kini Wuppiige 21:13

It aap ineenggi lek nen inoone nggwok paga, “Yeenggwa niret o,” aap ambi yogwi nogo aruk nappatinuk wonage kenok, At kunduk oone yemenggerak kwe, onggo yorugun lek aret o.

Yetaya 15:8

Pi wunda nogo logonet, inoone ya-kwa yogwe nogo, o Mowap enaagan-ambokan nogome abok aret konenggwi, Leenggu maakwi nogo it Ekelayim mendek kuli konenggwi, Ndogop eeppinanega o, yinuk, yogwe nogo, o Mbet-Elim kuli inaruk konenit nogwe, Eeko agaarik o.

Yetaya 19:16

Ne ti eyom paga it aakumi Metit mendek nen at Omaawi Lombok Menggerak Aliku ALA aaninggin inoba piyaakit nduk, “Ndime eeri nanip o,” yinuk, eenggi titik irage inigen kogo logomenggaarik, kumi inogut nggigik yinuk, iniki ma'nage menggi kwak, it togop aret eeginabigin o.

Yeremiya 31:15

Aliku ALA nen yegerak nogo yi aret. “O Arama time nen iniki abu puru aago logonet, leenggu maake, Oone nggwok paga ai-ao ari, Eeke konenggaarak nogo ti, Kwe Araken aagalogwe ineebe lek agaarak me, Le mbannaburak mondok neebi o, mbake logonet, Inale ari ti aret,” yegerak o.

Leendawi 3:8

Noone nggwok paga, “Yeenggwa niru o,” yinuk, yoge kwe, an tamban eeke nogo at aruk konengga'lek mbo pege,

Amot 5:17

An nen inenggela'me ambi eeppiigak nagin me, Anggur yarak me time abok aret leenggu maarit nogo logogun o,” yinuk, Aliku ALA nen aret yegerak o.

Tepaniya 1:10

Aliku ALA nen ari logonet, “Ne ti eyom paga tu unggwogo menggam endage Yikwe Mbanak Me nen le yogwe, It aakumi o yaga'lelo endage Ngget Wurik Me wonogwe nogo nen leenggu maakwi, It puut-puut teberogon wonage nogo abu iya lombok yigirogo wurabit wage oone ari nogo, inaruk konenggwi, Eerugun o.

Lukat 13:28

endekem wumbinagamenggerak logonet, aap Abarakam kunduk, Itak kunduk, Yakup kunduk, ndi, it aap Ala nen yorage kagak yoraga abok aret Ala abu'me wonogwe iigo logomonggotik, leenggu maakwi, kineyak nggilik maakwi, eeko logomunggup o.