Wundeegwaarak 11:5 - Ala Wone Peenok Peebi Mbanak

⁵ aap endagembogut kwi'nage menggim kwi'ndak menggerak at Pirawun apuluk manggu ndarak nen nok, aakumi inayeloman kumi gandum yigiko menggaarak inaagalogwe manggu ndarak kuli, it o Metit mendek inapuri manggu ndarak inendage warak inendage lek abok aret inom, inaanggumi iyaalok ndarak abok aret inom, inooke neenok kambit nagun o.

Wundeegwaarak 11:5 Iomraidhean Croise

Ndawi 105:36

Eeko mbareegwa, It Metit menggaarak inapuri aap manggu ndarak kero, Abok aret inoorogo piige, Iyaalok inomaawi paga ndarak nogo inoorogo piinet nage, Eereegerak o.

Ndawi 135:8

At lombok nen aap Metit mendek Inapuri manggu ndarak inom, Inaanggumi iyaalok ndarak inom, inoorogo piige,

Ndawi 136:10

At lombok nen aap Metit mendek inapuri manggu ndarak inoorit nagagerak me, “Wa,” yogo logonip o. & Ninabuwa mbake ti, itok kunik wonage o.

Ndawi 78:51

Aakumi o Metit mendek inapuri manggu ndarak inooke, Aap Kam mendek inawooliyana aap inamburu abe paga Manggu ndarak nogo inooke, Eereegerak kwe,

Wundeegwaarak 12:12

Ti eekwi wonogwe iigak, Naliku ALA an aret me, oonikiya ti paga o Metit irip-irip abok aret nage logonet, aakumi Metit mendek inapuri manggu ndarak inom, inaanggumi aa'nduk ndarak inom, abok aret inooke, inagugi abok aret inomaawi lek eerogo piige, eerigin o.

Wundeegwaarak 12:29

Ne ti paga o nogo iniki mbere eeke paga at Aliku ALA nen aap endagembogut kwi'ndak menggim kwi'ndak wonage Pirawun apuluk nogo nen nok, it aap keele maarogo mambiyareegwaarak inapurilogwe kuli inom, inaanggumi inom, o Metit paga manggu ndarak wonogwe, abok aret inoorogo piinet nagagerak.

Yetaya 47:2

Kayum kanobak paga lenggenak nogo nggoorogo punuk, yugum gandum yigika nogo woppunuk, yigike, Kayum nggorek awiirogo kambulok paga pi laganuk, kin kagak niyo mbaninuk wunda nage, Eeke logot o.

Leendawi 5:13

Ninapuri wologwe tawe nen gandum yigiruwak nduk, inoone omaawi paga yorogwe, Wologwe kani wurik wonok nogo logonet, aaninggin nen ngginnarit nogwe,

Matiyut 24:41

Ndi, kumi mbere imbirak mbi worakwi me, ambi wagangge, ambi teppege, eeke kaamunggup.

Iberani 11:28

At malayikat aakumi inooke menggerak nogo nen, it aakumi o Metit mendek inapuri manggu ndarak inoorit nage logonet, Iterali mendek inom inooke kero, Ala yoreegerak nogo, at Muta abet mba'nuk, laago Obaga Mbo Noorak lako logonet, tu nggambe paga amiya labunogo pit nagagerak nogo o.

Owak Loongga 16:21

Mbake kagak, it aap Pilitin mendek nogo nen at eebe pippogo nogogwaarik, enegen imbirak kilirogo punuk, piganok o Nggata nogogwaarak. Nogo nogogwaarik, mbuti keele tembaga paga eenggi imbirak maarogo punuk, o keele maarogo mambiigo menggam nogome logonet, gandum anggen mbanak nogo yigike logowak nduk, yoreegwaarak