Wundeegwaarak 11:3 - Ala Wone Peenok Peebi Mbanak

³ “Yoret o,” yoreegerak nogo ti, at Aliku ALA nen Pirawun awuri inom wone koongga nogo inom, it aakumi Metit ugun mendek nogo inom, inamendek aakumi Iterali wogoraawak nduk, iniki yanggonogo piige, ndi, at Muta nogo, “Iya,” yinuk, ayuk wukwi, eeruwak nduk, eeppiyareegerak me nduk, “Yoret o,” yinuk, yoreegerak.

Wundeegwaarak 11:3 Iomraidhean Croise

Wakkagagerak 12:2

Time namenggendak me, Nale'nggen koba pagage logonet, Kat paga nen kanebunu nggwok wigak yuwak nduk eeppagage, Kendage nggwok aruwak nduk tiyappagage, Eeriminggirak paga Aakumi ambik obeelom eeppiige logomunggun o.

Wakkagagerak 39:21

Mambereegerak wonage kwe, at Aliku ALA nogo Yutup imbirak aret wonagagerak. Imbirak logonet, abuwa mbake, ndi, aakumi keele maarogo mambiigaatak inarum menggaarak inowe nogo nen iniki ale'nggen Yutup oba puwak nduk, eeppege, eereegerak me,

2 Tamuwen 7:9

Pege nagagirik, at nggeeme noorak iniki koombunuk nage kenok, an nimbirak aret nage, an naa'nduk a'nuk awim mendek inoorogo piige, eeke nagagirik, yogondak it aakumi nggween paga inendage warak mengga kwak, at endage warak togop aret eerogo pigin o.

Ndawi 106:46

It aakumi keele maarogo piinok wonogwe nogo nen It inabuwa mbaruwak nduk, eeppiige nagagerak.

Wundeegwaarak 12:35

ndi, Aliku ALA nen it Metit mendek nogo iniki yanggonogo piyareegerak paga it aakumi Iterali mendek wone Muta yoragagerak nogo ndak-ndak aakumi Metit nen inamendek mbuti emas inom, perak inom, mbogoyum inom, ngginoorogo mbareegwa, wogorogogwaarak nogo inom waganggwi, ee'nuk, wundi wogogwaarak. It aakumi Metit mendek inamendek nogo aakumi Iterali wogorogogwaarak paga ineenggi lek aret ogogwaarak.

Wundeegwaarak 3:21

Wundi wogo logonet, kineenggime lek we wundi worookwak, an nen aakumi Metit mendek inamendek wokkiraawak nduk iniki yanggonogo piyaminggirak paga

Yetaya 60:14

It aap tebenogo pugwi inapuri nogo abu'me tebe yi unggwogwe, Ndi, it aap meek eerogo pugwi nogo nen inendobanggun yindumbunuk, iyok paga pirik-perek yogwe, Eeko logonet, Aliku ALA agota o, yinuk, yogwi, At Kikak Nakeelik Alik Leenak Iterali inogoba o Tiyon unde o, yinuk, yogwi, Eeko logogun o.

Nappiigak 7:22

Wulaga nogo tawe age logonet, it Metit mendek iniki warak logonet eeko menggaarak abok aret mamunggolagagerak me, oone ari kenok iya mbakwi, eerit nage kenok, Wi, ugwi, eeko nogogwaarak.

Pelaareegerak 34:10

Ndi, at Muta nogo Aliku ALA imbirak engga kunna'nuk wone mbangge, at Aliku ALA nen o Metit paga nappege mbareegi, Pirawun inom, inom yabu eeko menggaarak inom, yi awi ndi awi at unde menggim inom, ineenu agak inagabiti warak eerubok mendek eeppiige, ndi, it aakumi Iterali mendek abok inenggaanom at omaawi paga eerit nage, eerubok mendek eeke kenok, Wi, ugwi nogo mendek eeke, eeke nagagerik, kambeegerak nogo kokwak, aap Ala wone yaga Muta kwak, aakumi Iterali inenggela'me ambi mi'naga'lek aret menggerak o.

Wayu 3:9

It aap Tile eeke menggerak ndak-ndak eeko logowok nduk, kuwak eeko menggaarak nogo, it Yakuri mendek lek kagak we piliret, Nit Yakuri mendek aret o, yinuk, yogo menggaarak nogo nen, Yi Ala apuri inom iniki abe kunik wonogwe iigo o, yinuk, it Ala apuri o Pilarelipiya mendek inabu'me tebe yi wa'nuk inoone konenggo logowak nduk, eeppiige neyaagun o.