Wundeegwaarak 10:9 - Ala Wone Peenok Peebi Mbanak

⁹ Yorage mbareegi, at Muta nen, “Nit aap tawe kumi tawe inom, kumi-aap inanggok inom, ninapurilogwe wologwe-komologwe inom, ndi, Aliku ALA alut eeko logonet, laago nggwok lariyak me, ninaanggumi kambin-ndomba inom, tapi inom, apit aret wogoren wundi nagun o.”

Wundeegwaarak 10:9 Iomraidhean Croise

Wakkagagerak 50:8

at Yutup akwe-apuri inom, at owe-awot inom, it inogoba inom menggaarak inom, abok mbelek togon wogo logonet, we elege mbuulogwe inom, inaanggumi kambin-ndomba inom, tapi-lembu inom, o Nggoten teppiinok, Yutup inom wogo logonet,

Wundeegwaarak 10:10

Yoge mbareegi, at Pirawun nen, “Togop kenok, Aliku ALA kinom namunggup o.” Ari nagagerik, ti'nuk, iniki yungguppunuk yorage logonet, “Kinakuwi-kinapurilogwe apit aret kinom noorak, yokkirage neenok ti, kiniki alik eeriyak koonit nookwak me,

Wundeegwaarak 12:37

It aakumi Iterali mendek nogo o Araametet nen o Tukot aret wogogwaarak. It wogogwaarak nogo ti, kumi elege-aabologwe inom linggininabulik, ata, aap mban ineebe lambunik ti, enam ratus ribu aret.

Wundeegwaarak 12:38

Ndi, inaanggumi kambin-ndomba inom, tapi-lembu inom, wogoren wogo logonet, aakumi Iterali mendek mban lek aakumi alik mendek apit aret inom wogogwaarak.

Wundeegwaarak 13:6

oroti piiruwak nduk, ragi pega'lek kagak larogo nenet nogwe kiigak, ne aa'nduk nen nok

Wundeegwaarak 3:18

Kat yoramenggendak nogo it aap Iterali yo'nggok nogo nen konenugun aret me, konenggwi iinok, kinom aap endagembogut Metit mendek nogo owagam nogo logomonggotik, at yogo logonet, At Aliku aakumi Iberani inogoba Ala nogo muk niniya wagaarak me, nogo kenagan yegak karume time at Aliku ninogoba Ala ake warogo wogogo logonet, alut eeri noorak me, kat nen, E, yo'niraanok nduk, yokkiri wogo o, yinuk, yo'nu o.

Wundeegwaarak 5:1

Ti'nuk, Muta Karun imbirak Pirawun owagam nogo nogogwaarik, at yogo logonet, “At Aliku Iterali inogoba Ala nen ari logonet, An napuri o karume time nalut eeri noorak nappiyaawak nduk, aap Pirawun yori nanip o, ari mbaki, yokkiri wogo o.”

Wundeegwaarak 5:3

Yorage mbareegi, at yogo logonet, “Aakumi Iberani inogoba Ala nogo ti, muk ninom lambunggoorak me, nogo kenagan yippegak o karume time nogo logomonggoorik, at Aliku ninogoba Ala ake warogo wogori nawok nduk, yokkiri wogo o. Togop eeri nogwe lek niinok, andi nggwok ninoba pinanege, wim paga nen ninookwi, eerukwak me nduk yokkogo o.”

Kini Wuppiige 3:9

Kat kamendek kiniki kundugu paga, Kamendek iyaalok yugu anggen mbanak paga, Aliku ALA endage tiyappege logot o.

Wone Alom Kibingga 12:1

Kat awo tawe logonet, at ogobakkigirogo pagareegerak nogo abeke logot o. Maluk koba ariyak ne nogo awo ari waga'lek kagak, “An nda'nagagirak yi tahun ndi tahun ari nage kagak, niniki ale'nggen ee'nabigin lek kagi o,” yuurak eyom awo panggoni waga'lek kagak,

Linggineegwaarak 29:12

Ambi yoge logonet, “Tut 7 penenak tanggal 15 tut ti paga yabu nggwok eeka'lek kuwak eeppunuk, Naliku ALA nalut eeko logowak o. Eeko logonet, inale'nggen nen nelaago lakwi iigak, ne 7 ari nawak o.

Epetut 6:4

Kit aap kinapuri wonogwe kenok, inanini aruwak nduk, eeppiyaagup o. Ata, Ala wone mugurok nogo logowak nduk, inaruk wakwi, Ala wone mamunirogwe, eeko logonet, tawe eeginako logonip o.

Yotuwa 24:15

Ndi, kit nen at Aliku ALA mban mugurok noorak ti, kineebi mbakwi kenok, kinombomini nen niyo Eparat enebagan logonet, Aliku ALA mugurok nogwe obaane'me it kugi eeko nogogwaarak nogo, mugurok nogo logorak a, it aap Amori mendek inanggween paga kit wonogo logonet, Aliku ALA mugurok nogwe obaane'me inagugi mugurok nogo logorak a, nogo ti, o yogondak yi paga aret kit mban miikkolaanip o. An, nakwe, napurilogwe ninom perak, at Aliku ALA mban aret mugurok nogo logogun o,” yinuk, yoragagerak.