Wundeegwaarak 10:4 - Ala Wone Peenok Peebi Mbanak

⁴ Ndi, teppiyoorak eebi mbake kenok, an nen ko'lu aret wurin iname nappi woraagin o.

Wundeegwaarak 10:4 Iomraidhean Croise

Wundeegwaarak 10:3

Nappege mbareegi, Muta Karun imbirak Pirawun owagam nogo nogogwaarik, at yogo logonet, “Aakumi Iberani inogoba Aliku Ala nen ari logonet, At Pirawun wogoppake logonet, eewa yaga'lek ti, ne mande logonuk, an nabu'me iniki tebeppatinuk logogin o? An napuri aakumi Iterali mendek ti, nalut eeri nawak nduk teppiyaawak o.

Wundeegwaarak 10:5

Nappi woraminggirak paga o nggween yi etenggen kuuri'lek eeppunuk wonogwe me, aakumi nen nggween ambi inigen kaagun mondok lek o. Mayu kumulinggen aa'nduk wambi wage logonet, eyo-kale inom, yi mendek ndi mendek yabume yarak inom, yigirogo pega'lek eegu mbuuluk teppereegerak nogo, wurin ti'nen mondok pup eerogo nenet nogo logogun o.

Wundeegwaarak 5:1

Ti'nuk, Muta Karun imbirak Pirawun owagam nogo nogogwaarik, at yogo logonet, “At Aliku Iterali inogoba Ala nen ari logonet, An napuri o karume time nalut eeri noorak nappiyaawak nduk, aap Pirawun yori nanip o, ari mbaki, yokkiri wogo o.”

Wundeegwaarak 8:10

Yoge mbareegi, Pirawun nen, “Ko'lu aret Aliku ALA yoru o.” Yoge mbareegi, Muta nen ari logonet, “At Aliku ninogoba Ala kokwak ambi wonage lek keenu arenok nduk, kat yagandak nogo ndak-ndak aret eerigin o.

Wundeegwaarak 9:18

ko'lu o yogop paga an nen mayu kumulinggen mondok iya lombok maan aa'nduk nen nok-nok yogondak kuli mayu kumulinggen o Metit yime togop ambi wangge logolik mendek aret wuppi woraagin o.

Wundeegwaarak 9:5

Ndi, o Metit yime eeriyak yagarak ti, ko'lu aret eerigin me, Aliku ALA nen togop aret yegerak o, yinuk, Pirawun yori nak o.”

Kini Wuppiige 30:27

Ambi ti, wurin aret. Inowe inendagembogut lek kwe, ineebe ndegen-ndegen aago nogwe,

Yowen 2:25

Aliku ALA nen ari logonet, An nawuri wim eeka ambik aago inenggela'me nappiya woraminggirak yibila inom, wurin inom, lelembu inom, yalitom inom, nogo nen Inamindik-inamendek uwiirogo nenet nogwe iigak, yi tahun ndi tahun eereegerak nogo, an nen obaane'me awi yagiyaagin o.

Pelaareegerak 28:38

Kineyabume yi awi ndi awi ambik yarit namonggotak kwe, wurin nen apit aret nenet namenggerak me, we mbuuluk mban mbanggologwe,

Wayu 9:3

Kage neegak, ka'luk enggela'me nen wurin ambik lagi wogo nagaarik, nggitamuru eyak inooketak andi kogo mengga kwak, wurin nogo nen aakumi ineyak mbaninabit nogwe paga andi yagan wako logowak nduk, inomaawi eeppiige kagarak.