Wundeegwaarak 1:12 - Ala Wone Peenok Peebi Mbanak

¹² Ndi, it aakumi Iterali ineebe wigak yukwak nduk aaninggin-paaninggin togop aret inoba piigaatak kwe, kagak aret, wiganit nogo logonet, ineebe ambik lombok ogo mbareegwa, it Metit mendek nogo inagabiti ambik ogogwaarak.

Wundeegwaarak 1:12 Iomraidhean Croise

Wakkagagerak 46:3

Yoge mbareegi, Ala nen, “Kat kogoba ogoba Ala nogo an aret o. Kat o Metit namenggendak time keegak, kapuri wokkiriminggirak paga kanebunu nggwok aret wiganugun me, kat nen o Metit noorak kagabiti mbarugun o.

Nekemiya 9:23

It inapuri ti, laaluguragan mbogut paga menggi kwak eerogo piige, inombomini yorage logonet, Unggwi nogo logomonggotik, unde eeppatinuk, logomunggup o, yoragaginom nogome piya wage, eereegindak o.

Ayup 5:2

Aap wi negen iniki wakko'net unggwage paga eebe aret wakkolage, Ndi, aap iniki yunduurak nen, An eerikit lak at eeke, Ao, mbarit unggwage paga eebe aret wakkolage, Eeke menggerak o.

Ndawi 105:24

Wonage kagak, at Aliku ALA nen at apuri nggwok lombok wiganogo piige, It inawim nogo inomaawi lek negen iigak, It inomaawi ambik eerogo piige,

Ndawi 107:38

Eekwi iigak, at ale'nggen inoba piige, Ineebe ambik wiganogo piige, Inaanggumi kunduk lek aga'lek ambik eerogo piige, Eereegerak.

Wundeegwaarak 1:20

It kumi elege ndaganaka nogo togop aret eekwi iinok, Ala ale'nggen inoba piyareegerak me, it aakumi Iterali mendek abunuk wiganggo logonet, ineebe ambik aret ogogwaarak.

Wundeegwaarak 1:9

at apuri it aakumi o Metit mendek yorage logonet, “Aakumi Iterali yi, nit nineebe ndak-ndak lek nggwok aret wigak yogwe me, abunuk wigak yogo logomenggaarik, aakumi ninom wim nggaganggwi niinok, it nen ninawim inom lambumbunuk, nit tebenogo pinaninuk, o Metit yime mbo punuk, mbaganggwi iyo, ambik nda'nogwe ti, lek aruwak nduk, nit nano wone koonogo yoraawok o.”

Kini Wuppiige 21:30

“Aliku ALA tebenogo puwok o,” yinuk, aap iniki warak nogo nen at yogwi, Aap yelok kaga nen, Wone ndogop yogwi niinok, “E o,” yuurak yelok kagarak me yogwi, Aap wone koongga nen iniki liirogon koombunuk yogwi, Eeremenggaarak kwe, meek aret kaagun o.

Kini Wuppiige 27:4

Aap anini ambik nogo nen op neebi, maluk neebi, eerit nage, Anini wungge nogo ti, niyo wurik nage logonet, yi mendek ndi mendek yigirit nage menggi kwak, eerogo pit nage, eeke nogo ti, iya negen kwe, Aap ambi nen ore ambi eeke paga, “An togon eerikit lak at mban eeke yi, ao,” yinuk, anini lombok ombake ti perak, mondok iya lombok menggerak.

Linggineegwaarak 22:3

ndi, it aakumi Mowap mendek nen it aakumi Iterali ineebe ambik aago wonogwe iinok, ineebe paga inaganak mondok nggwok wakwi, eereegwaarak.

Yaya 12:19

Ka wunggo mbareegwa, it Pariti mendek nen it-it wone mbanggo logonet, “Wologo wae! Yi aakumi ndi aakumi abok aret at mugurok nogwe me, nit ambi at eeppurak kenok, abe ariyak lek yi kogo ogotik?” yinuk, yogogwaarak.

Oroma 8:28

Nit Ala iniki mbake ndak-ndak eeko logowok nduk, ninayonggo pinaneegerak nogo, at ninom niniki kunik niinok, yi mendek ndi mendek eekwi inom, eeppinanugwi inom, ti abok at Ala nen nit obeelom eeriyak ambi kaawok nduk, eeppinanege menggerak.

Pelaareegerak 26:5

Pi nage kenok, kit nen at Aliku kinogoba Ala enggaanom paga wone yogop aret yumunggup o. O maan togon it aakumi Aram mendek ninogoba ambi yaluk-ndaluk agan nege nagagerik, apuri we mbuuluk mban inom o Metit ari nanuk, aap nggiru negen wonogo logonet, inanebunu nggwok lombok wigak yogo nogogwaarik, inomaawi ambik ineebe ambik lombok ogogwaarak.