Wundeegwaarak 1:11 - Ala Wone Peenok Peebi Mbanak

¹¹ Yorage nagagerik, it aap Metit mendek nen aakumi Iterali mendek inarum logonet, inoone omaawi paga yabu aaninggin inoba piigo logowak nduk mippiige mbareegi, it aap Iterali mendek nogo aap Pirawun ake yi mendek ndi mendek pogo logorak o Pitom Araametet imbirak taganak nogome, o yaga'lelo nambit-mbit wurogo pit nogogwaarak.

Wundeegwaarak 1:11 Iomraidhean Croise

Wakkagagerak 15:13

at Aliku ALA nen at yoge logonet, “Kat kombowologwe nda'naremenggaarak nogo nen aakumi iname we nggiru negen ari nanuk wonogwe iigak, it aakumi nen inayeloman eeppiinok logonet, meek lagik-loguk aganakwi iigak, tahun empat ratus eerugun me, wone yi abet aret yokkege me, liippu o.

Wakkagagerak 47:11

Ndi, at Yutup nogo Pirawun yoreegerak nogo ndak-ndak ogoba inom, owe-awot inom, o Metit paga ye mbanggolaawak nduk, nggween abu obeelom lombok o Araametet nogome aret piyareegerak.

1 Endagembogut 9:19

yi mendek ndi mendek pegak kota-kota inom, nggweendo wim eeka logorak kota-kota inom, nikkenok nega kuda logorak inawi kota-kota inom, o Yerutalem ilik, puut Libanon paga a, at endagembogut logonet, unde menggim nogome abok aret at wuriyak mbaketak nogo aret wurogo pit nage nagagerak.

2 Mbinineegwaarak 16:4

At Ata nen eerogo nappereegerak nogo, aap Mben-Karat konengge nagagerik, “Op aret,” mba'nuk, awuri wim eeka ineegin warak inoweewi o kota-kota Iterali wonogwe nogome tebenogo piyaawak nduk, nappiya wagagerak wogo logonet, o Iyon inom, Ndan inom, Aben-Mayim inom, yi mendek ndi mendek pogo menggam o Natali kota-kota inom, tebenogo piinet wogogwaarak.

2 Mbinineegwaarak 8:4

ti'nuk, karume o Taramot inom, o Kamat kota-kota inom, obaane'me wurogo pit nage,

Ndawi 105:13

It aakumi ambi wonogwe me nen ambi wonogwe me ya ye mbanggak nugwi, Aap ambi abu'me piinok menggim nen at ambi abu'me piinok menggim ya agak nugwi, Eeko nogogwaarak.

Ndawi 129:1

“O aa'nduk kat Iterali tawe paga Piyak-payak eekkabit nogo nogogwaarak nogo yu o,” Yoge kenok at nen ari logonet,

Ndawi 129:2

“Lek o. An aa'nduk tawe paga Piyak-payak ee'nabit nogo nogogwaarak nogo kwe, It nen an tebenogo panulik aret o.

Ndawi 68:13

It ando inandomba inawi wurik me kumaarak inagabiti mbakak wonogwe iigak, It an napuri Iterali ando nogo Towe puume ogut eerak a'naabit paga mbuti perak nabenak kwak, Eeruwak paga mbuti emas pindan-pindan aago kwak, Eerak wonogo logonet eereegwaarak.

Ndawi 81:6

At nen ari logonet, “Aaninggin kinuumbaga wonage nogo an muk wagangge, Muun yarak kineenggime nen woppunuk, Kinuumbaga piyanggo monggotak nogo an mbo pege,

Wundeegwaarak 2:11

Ti'nuk, peebi nen at Muta nogo tawe age nagagerik, ne ambi paga it aap Metit mendek nen at oreewi yabu liirit-laarit eeruwak nduk yorogwe me nogome enegen pegiya nage nagagerik, aap Metit mendek ambi nen at oreewi Iberani mendek ambi wake kagagerak.

Wundeegwaarak 3:7

Nobakkolage mbareegi, at Aliku ALA nen at yoge logonet, “An napuri o Metit wonogwe nogo it aap Metit mendek nen inayeloman eeppiinok, aaninggin-paaninggin inoba piigwi iinok, yagan wako logonet, inoone nggwok paga nggino yo'nugwi nogo, muk naruk konenggirak me, Yeenggwaaraakit, mbake agarik o.

Wundeegwaarak 5:10

Yorage mbareegi, Pirawun awuri yabu eekwi inarum wonogwe nogo inom, it aap Iterali mendek inawuri yabu lengganinaka nogo inom, wundi nogo nogogwaarik, aakumi Iterali yorogwe, “At Pirawun nen ari logonet, An wiiringga ambinom wogoraagin lek me,

Wundeegwaarak 5:15

Inooko mbareegwa, it aap Iterali awuri yabu lengganinaka nogo nen Pirawun owagam nogo nogogwaarik, yogo logonet, “Ninogoba Pirawun wae. Nit kayeloman mini yi, nonggop nduk togop eeppinanege agandik? Kawuri nen wiiringga wo'niraga'lek logonet kwe, Yugum aa'nduk worako nogotak nogo ndak-ndak aret worako logonip o, yinuk, yawi ninookwi ti, alom nit lek o. Alom kat kawuri aret kagak, ninooko agaarik o.”

Kini Wuppiige 27:4

Aap anini ambik nogo nen op neebi, maluk neebi, eerit nage, Anini wungge nogo ti, niyo wurik nage logonet, yi mendek ndi mendek yigirit nage menggi kwak, eerogo pit nage, eeke nogo ti, iya negen kwe, Aap ambi nen ore ambi eeke paga, “An togon eerikit lak at mban eeke yi, ao,” yinuk, anini lombok ombake ti perak, mondok iya lombok menggerak.

Linggineegwaarak 20:15

Ndi, nit ninombomini o Metit time nogo nogogwaarik, yi tahun ndi tahun wonogwe iigak, it aap inaworak Metit mendek nen ninombomini inom, nit inom, yabu mondok meek lagik-loguk eerogo pinanugwi iinok,

Pelaareegerak 26:6

Ambik ogo mbareegwa, aakumi o Metit mendek nen nit inayeloman eeppinaninuk, yabu meek lagik-loguk eerogo aaninggin ninoba pinanugo mbareegwa,