Tepaniya 3:3 - Ala Wone Peenok Peebi Mbanak

³ At inom eeka aap inendage warak wonogwe nogo ti, Singa at nengge menggerak naakit nduk oone nggwok ari menggi kwak, wonogwe, At aagalogwe inowak loongga ti, nggeewo owo nen nggwiya wappunuk ko'lu noorak mbakulik, o ne ambit weege paga uwiirogo wurako mengga kwak, wonogwe,

Tepaniya 3:3 Iomraidhean Croise

Kini Wuppiige 28:15

Aap maluk mendek ambi nen aakumi it eekkoloorak meek nogo mendek inarum wonage nogo ti, Singa anini nen oone kole ari, beruang kok wundi wage, eeko mengga kwak aret wonage menggerak.

Yetaya 1:23

Aap karum wonogwe nogo noone ineebi yogwe, It aap kiraaka inom nugwi, It apit aret wone mage yugu kagak wu wogorogwe iinok waganggwi, Wu inambe nggi-nggi agan nugwi, Elege moono inaana'le mbangga'lek mbo piigwi, Kumi togwe inawone liirogon koongga'lek teppiigwi, Eeko agaarik o.

Yetaya 5:29

Singa oone kole ari menggi kwak inoone ya-mba agan wogwe, Singa awooluk inoone nggwok yu-ku yogo mengga kwak agan wogwe, It noorak ineyak nggeronggogo logonet, inogomut oone yogo mengga kwak yogwe, Waketak nogo eyak me nggereninuk nage me, ndiniyak meek menggi kwak eerak nogwe, Eerugun o.

Yeremiya 22:17

Togop aret eeko menggaarak kwe, at aput ti perak, enegen kage, inikime koongge, eeke nogo ti, Aakumi wi-wi aganake logonet, eenggi warak eekkoloorak mban koonit nege, It aap maluk eeka'lek iigak inooke, Ineebe tebenogo piige, oone omaawi paga inamendek wagangge, Eerit noorak Iniki ti paga mban panggonak menggerak o,” Yinuk, yegerak me, yagi o.

Yeremiya 23:11

“It aap an noone yoraga inom, neebe unde inom, An noone liippega'lek ugun eerit nugu logonet, nawi wurik me kunduk maluk eerit nugwi iigirak o,” yinuk, Aliku ALA nen aret yegerak o.

Yeremiya 34:19

It aakumi o Yekura inoweewi inom, it kota Yerutalem inoweewi inom, aap endagembogut awi wurik me ake eeka inom, it aap an neebe unde inom, it aakumi o time menggaarak apit aret inom, nen tapi poorak peenok-peenok kagak tu oolo nogogwaarak ineebe ti,

Yeremiya 5:6

Togop me, it Ala wone taganogo punuk, alik lombok eerit nugwi, Tu abe kagak alik paga nomo agan nogo logonet, maluk alik negen eekwi, Eekwi iinok, Singa negen eyonggaame nen wundi wage logomenggerik, ineebe inoorogo piige, Nggeewo owo negen karume nen wundi wa'nuk ineebe nibinogo nengge, Aakumi wundi wogwe iyo, inoorogo ineebe nibinogo pegak nawok nduk, Nggeewo kwak ineeruwak yabenggek-ndabenggek aago nen inawi kota-kota inigen wo yagak nugwi, Eerugun o.

Yetikiyen 22:6

It Iterali inoweewi nagawan o kota time enggela'me wonogwe nogo, inalitik-inalitak nen inendage tiyanak paga aakumi inoorogo piinet nogwe ti, liippiyet o.

Yetikiyen 33:26

It inawooluwak paga iniki panggombunuk wonogwe, ogole warak mendek eerit nugwi, inalitik-inalitak inoreewi inakuwi iigak maluk eerogo piinet nogwe, eeko logonet, Nit nggween yi, unde eeppatinuk logowok o, yinuk, yogwe ti, op aret yogo agaarik?

Abakuk 1:8

Nggeewo inogowa ti, iya negen kwe, it inaguda inogowa perak, abu iya lombok wonogwe, Oonikiya paga mba'ngge noorak abu nen inanini ambik menggaarak kwe, It inaguda perak, inanini abu iya lombok wonogwe, Eeko menggaarak o. It inaguda paga kwi'na'nuk ineebe apit aago me o nda nen iniyok oone mbogu-mbogu wogwe, Towe nggindooni at nengge menggerak wariyak nduk, nabuk togon wangge menggi kwak, it togop aret wogwe, Eeko menggaarak.