“Aakumi inom, yi mendek ndi mendek inigen mbolok lek inigen mbolok kwi anebunu lombok inom, yi mendek ndi mendek inaanogum paga nugu menggaarak mendek inom, yirowe-ndirowe wiga agan nugu menggaarak inom, nggween paga yime logowak nduk, ogobakkigirogo piigirak kwe, it eekwi paga niniki puru eerogo panugwi me, it apit aret lek eerogo piyaagin o,” yinuk, yereegerak.
Tepaniya 1:3 - Ala Wone Peenok Peebi Mbanak3 “Aakumi inom, yi mendek ndi mendek ineenik nggween paga nugu menggaarak anebunu lombok inom, inenggaawak lek eerogo piige, Yi towe ndi towe oolo ya'i wiganinuk nugu menggaarak inom, yi yikwe ndi yikwe niyo nggwok yenggenak laut inikime menggaarak inom, lek eerogo piige, It aap an noone ineebi mbaka inom, aakumi o nggween paga wonogwe abok aret inom, mondok lek eerogo piige, Eerigin o,” yinuk, Aliku ALA nen aret yegerak o. Faic an caibideil |
Tepaniya 1:3
22 Iomraidhean Croise
It Yakup paga wiganak maluk eeko nogogwaarak paga Ala anini mbake nogo nini tayo ari, Ndi, inomaluk abet aret mbo pugwi iinok, anggen abe yi'nage menggi kwak yelok kogwe, Eeriyak nogo ti, Inagugi alut eeko menggam yugum paga ogobakkigirik nogo kwi yigirogo pogo mengga kwak yigirogo pugwi, Inagugigwe Atiyera ageyo arelen yinik nogo mbanogo pugwi, Obari abe kaga kani kunggo menggam ogobakkigirik nogo yigirogo pugwi, Eeriyak nogo ti aret.
Yo'nege naruk konengge nagarik, onggo yoge logonet, “Nogoba Ala wae. Wone ti yorage neegak, ne mande ari nagin o?” Yoge mbaki, at nen onggo an yo'nege logonet, “Kat nen yorage keegak O kota-kota abok aret yigirik-noonom eerogo pugwi iinok, Aakumi ambi lek aret wonogwe, Aakumi inawi wurik wuum lu agan nage kagak, ineyabu yarak alom yenak-kinak eerak wonage,
It aakumi o yime wonogo menggaarak nogo nen inobaabut maluk aret wonogwe, Ndiimbu-nggwiya inom, yi towe ndi towe inom, abok lek aret ogwe, Ndi, it aakumi nen kunduk, “Nit eerit nugwi nogo at enegen niiga'lek,” mba'nuk eerit nugwi, Eekwi paga O nggween yi mbuk age logonet, ka'let-ndi'nduk eeke, Yi yabu ndi yabu yarak me iri'ngga-kale'ngga teebat neyo-neyo nage, Eeke kagak ne mande ari nagin o.
Puut-puut inom, o karume inom, time aakumi lek me, tu ti paga nugwi iige, Lembu-tapi iri'ngga mbanogo nenet nugu logonet, inoone yogwe konengge, Yi towe ndi towe wiga agan nugwi nogo mendek abu mbaganeegwaarak me nenegen ambi iige, Ndiimbu-nggwiya wonogwe me, nenegen iige, Eeka'lek me, Puut-puut eeppiinet noorak nogo inale ari, inaleenggu maake, Eeke logonet, O karume iri'ngga mbanogo nenet nugu menggam ariyak nogo kunduk, niniki puru ari logonet, inaleendawi piyanigin o.
It inawu mbuti perak nogo, tu paga mbo pit nogwe, Ninambuti emas ti abe lek maluk aret o, yinuk, yogwe, eeko logogun o. Naliku ALA nanini inoba piyoorak eyom paga inambuti perak inom, emas inom, nen it inagap ndaganake, ti paga it ndonggoppiige, ti paga nen inaanoma'le age, eerigin lek kagak we, Niniyogobit lik togon maluk eekkolaawok nduk mban porogo wonogoorak kogo o, yinuk, yogo logogun.
Aakumi eyo alome ngguna'me inale'nggen paga mengga kwak, it Iterali inenggela'me aa'nduk wonogo mengga kwak togop aret wonogo logonet, Gandum abe kwit agan lagangge kwak wonogwe, Eyo anggur ambit-mbit wake menggi kwak it togop aret wonogwe, Eeko logonet, Anggur amburu Libanon mendek abu abe kenok, endage wigak yereegi kwak, It inendage togop aret wigak ari logogin o.
o time nggween mbuk age, It aakumi o time wonogwe abok aret ineebe wururanet unggwage, Ndiimbu-nggwiya karume mendek inom, yi towe ndi towe wiga agan nugu menggaarak inom, yikwe niyo kole yenggenak laut inikime menggaarak inom, abok aret kambit nogwe, Eeko agaarik o, yinuk, yegerak me, yokkiragi o,” yoragagirak.
Ne ti paga an nen o time inagugi inendage kunggo logomenggaarak nogo, inendage ambi kungga'lek logowak nduk, lek eerogo pigin me, abeko logogun lek aret,” yegerak o. “It aap piliret, Ala nen yo'negerak, yaga inom, kugi ayuk wuko logorak mbaka inom, o ti paga wonogwe nogo, ineebe abok lek eerogo piyaagin me,
Togop aret yogwe iigirak kwe, mbuuluk ambi ninggin eekwi iigirak nogo perak, yoraawak nduk, yoriyak, yokkiri o. It aakumi Iterali mendek nen Ala wone mbo punuk kugi aanggo warak nunggwi, ndi, kumi we ugun-ugun wurinabit nogwe, eeko logowak nduk, at Mbileyam nen aap Mbalak mamunege mbareegi, aap Mbalak nen Iterali mendek mamuniragagerak wone nogo, it Ala apuri o Peragamut wonogwe ando nen wone ti, mugurok nogwe,
Sanasan