Takariya 5:9 - Ala Wone Peenok Peebi Mbanak

⁹ Ti'nuk, nena tiya ari nagarik, kumi mbere ina'naabit towe nggin ina'naabit aago kwak me, ina'naabit wiganogo punuk, o wiya wake kagak, it kumi nen muun yarak nogo wonok, mbogut agi kagak, nggween ogu kagak, o oolo ya'i pi laganggwi iigirak.

Takariya 5:9 Iomraidhean Croise

Oteya 8:1

“Yi punu eeke kagi, mbaruwak nduk, oone nggwok eeka trompet nogo oone pu eeruwak o. It an napuri eeriyak wone ninom abuk nggaruk togon koonogo pereegirak nogo taganogo mbo pugwi, Eeko logorak wone nogo eeriyak ineebi mbakwi, Eereegwaarak me, Towe nggindooni wiga agan Naliku ALA nawi wurik paga nari wagaarak wonage agaarik o.

Pelaareegerak 28:49

Towe pen ware wage nagaatik, towe mappiige menggi kwak, aakumi o nggween irip nda lombok menggaarak inoone kit kineenggo'lek mendek nogo nen, mappinagi woraawak nduk, Aliku ALA nen eeppiige kenok, wogo logomenggaarik,

Ala Unde 11:19

lu mendek inom, ti wagangga anebunu ti mendek inom, ngguundi nogo mendek inom, ti mendek abok, Ogole warak o, yinuk, nonggo logogwaarik o.

Matiyut 24:28

Wam pili agaatak wonage me nogome aret towe enggaanggum nengga ninggiko menggaarak o,” yinuk, yoragagerak.

Ala Unde 11:13

Yirowe-ndirowe ogole warak me it nen, Ogole o, yinuk, nonggo logorak mage nogo yi o. Towe wu inom, pen ware inom, muruwe inom,

Ndawi 104:17

Eyo ti nogo paga yi towe ndi towe inawi wuppunuk wonogwe, Eyo kilu-kilu abu'na towe lu inawi wuppunuk wonogwe,

Yeremiya 8:7

Towe wiga agan nege menggerak lu nogo, o mayu wage menggim eyom ari wage kenok, kibi wonage me ari nage, Ti'nuk, o kibi age kenok, iyokan ari wage, eeriyak eyom eenu wonage, Ndi, towe puume inom, wuni'nuk inom, uuni inom, nen o kibi menggim nogwe, ti'nuk, iniyokan wogwe, eeriyak eyom liippugwi, Eeko menggaarak kwe, It an napuri perak, eeko logorak Naliku ALA nen yoragagirak nogo liippugulik kobak aret menggaarak o.

Takariya 5:10

Iige nagarik, at nimbirak wone mbangge malayikat nogo yoge logonet, “Muun yarak wonok nogwe ti, nggeeme pi nogo agaarik o?”