Pilipi 4:8 - Ala Wone Peenok Peebi Mbanak

⁸ Noreewi o. Wone irip paga ambiriluk yi, yokkira o. Wone abet mban agan nugwi, iya eeriyak kenok mban eerit nugwi, a'me nggelok mban eeppiinet nugwi, kumi inabok yaga'lek wonogwe, kinoone abe kigirikwe mban agan nugwi, “Wone abe yigi,” yuwak nduk agan nugwi, eekwi ti mendek abok aret eekwi kiinok, aakumi nen, “Yi abu obeelom aret eekwi iigo o,” yinuk, tiyappogo logorak aret me, ti mendek mban eeko logobagip nduk, kiniki koonggo logonip o.

Pilipi 4:8 Iomraidhean Croise

Yakobut 3:17

At agi iniki warak menggerak nogo nen koonogo pinanege nogo ti, nit kikak naka'lek obeelom mban wonogwe, ugun logowak nduk, “Mage,” yorogwe, niniki yanggonak paga yorogwe, yo'nirogwe iinok, “E o,” yinuk, eekwi, aakumi inabuwa nen obeelom eeppiigwi, eyoonggen abe yi'nage menggi kwak, nit togop aret obeelom eerit nugwi, aap ambi obeelom eeppugwi, ambi maluk eeppugwi, eeka'lek ndak-ndak eeppiigwi, niniki laakot logonet yoraga'lek abe paga mban yorogwe, eeko logowak nduk, ee'ninake menggerak aret o.

Titut 2:7

Aakumi kat paga in wakkagak eeko logowak nduk, kat yi eekak ndi eekak eeke logonet, obeelom mban eerit nage logot o. Eerit nage logonet, wone mamunirage menggendak nogo, kat koone inom nabenogo ugun-ugun mamunirage, kayuk lek we i'ndok-i'ndok yorage, eeke logogun o.

2 Korindut 8:21

Nit ninogoba Ala enegen wonage me nduk mban eekwi lek o. Ata, aakumi inom inigen wonogwe iigak eekwi me, ira naga'lek kagak, nonggop togon eerogo wogora noorak nogo, aa'nduk koonogo pogo ogoorik o.

Nggalatiya 5:22

Togop kwe, eyoonggen abe yi'nage menggi kwak, Aberiniki ninikime logonet, eerit nogo monggoorak nogo yi o. Aakumi inabuwa mbakwi, niniki ale'nggen mban mbakwi, niniki ugun tayenak wonogwe, niniki aanaganggenggwi lek kwi'ndak wonogwe, ninobaabut abu obeelom wonogwe, aakumi obeelom eeppiinet nugwi, liippunuk mban eerit nogwe,

1 Peterut 2:12

It aap endekem iniki abet mbaka'lek mendek nogo nen, “It maluk eerit nugwi o,” yinuk, kinabok mbaniyak nduk eeremenggaarak kwe, obeelom mban eerit nogwe liippinagago logomenggaarik, Yetut wage eyom paga Ala wogoppuwak nduk, inenggela'me logonet, kiniki mondok liippunuk eeko logonip o.

Iberani 13:18

Ninake tamban mban eeko logonip o. Nit obeelom eerit nogo logorak mban, “Ao,” mbako monggoorak me, yi eekak ndi eekak eeko logonet, maluk eekoorak ambi ninikime abe'naga'lek kenok, “Obeelom aret eerit nogo monggoorak kogo,” yinuk, mbako ogoorik o.

1 Timotiyut 4:12

Kat keebe awo tawe aret me nduk, aakumi nen tebenogo pagarak ti mage o. Ari menggendak inom, eeke menggendak inom, aakumi kiniki kunik aganake menggendak inom, Ala wone abet mbake menggendak inom, maluk eerukwak, kenegen tebenak nege menggendak nogo inom, eeke ti paga it aap abet mbako menggaarak kat in wakkagak logonet, eeke logot o.

Epetut 5:9

It eya paga logonet eerit nogo menggaarak anggen yugu nogo ti, aakumi obeelom eeppiinet nugwi, maluk eeka'lek Ala ari menggerak nogo ndak-ndak eerit nugwi, iniki mbere lek ambit logonet, inoone abet mban agan nugwi, eeko menggaarak me,

Titut 1:8

Ata, aap inanoniya laka kenok, obeelom eeriyak inikilom mbaka kenok, iniki warak kenok, a'me nggelok eeka kenok, Ala wone liippunuk eeka kenok, eeriyak eeke kagak kwe, iniki yungguppunuk, puk aga kenok, aap ti mendek mban mippiyoorak op o.

1 Yaya 3:3

Nit eeppinaniyak nogo niniki lunik wonogwe niinok, at Keritut iniki kikak naka'lek wonage nogo pogom, nit ndak-ndak niniki kikak naka'lek aret eekkologo logowok o.

1 Peterut 1:22

“Iri'ngga-kale'ngga ero kwit agan lagangge nagaatik, ti'nuk, mbuk age, Ndi, iri'ngga anggen laambu yege kenok, aakumi nen, Wi! egaatak kwe, ne ambit liingge mono-mono wangge, Eeke menggerak nogo ti, Nit aakumi nineebe ti kwak aret kwe, Ala wone ti perak, mondok itok aret menggerak o,” yinuk, yereegerak liiru mbanak ndak-ndak, Ala wone lek ageelik mondok itok menggerak nogo aakumi waganggwi iinok, ineenik eeginake menggerak obeelom wone nogo aret yokkirogogwaarak waganggo mbareegup, mondok kineenik logobagip nduk, kiniki ngget ndakkinabeegerak nogo ti, aakumi inapuri ndaganakaatak kambit nogwe nogo pogom lek o. Ata, at mondok eenik menggerak Ala nen aret ndakkinabeegerak me, kit Ala ari menggerak wone konembunuk, “Ndak-ndak eeko logowok o,” yinuk, eerit nogo logonet, maluk kinikime wonage nogo mbo pereegutak me, yogondak kiniki laakot paga kinoreewi Ala apuri kinom kunik aganako logogup o. Ata, kiniki abe paga aret kinoreewi kinom niniki-kiniki kunik eeko logonip o.

Titut 3:14

It ninapuri ti, eyo anggen yegeelik pogom logokwak, it aakumi aaninggin inoba age kenok yeenggwaarogo logowak nduk, yabu liirogon eeriyak mamunggologo logowak o.

Oroma 13:13

Amburu nonggo nagaatik, kumili-kumili negen agan nugwi, ndem wappunuk, kwaanggen wako logonet, kumi ugun wuginakwi, iniki nen nengge kenok ugun eerit nugwi, ndugwi pit nugwi, “An ambi eerikit lak, at mban eeke yi, neebi a,” yinuk, agan nugwi, eerit nugu logorak mage o. Ata, o liingge paga logonet, eeko mengga kwak, nit togop aret eeko logowok o.

Kini Wuppiige 20:7

Aap iniki abe koonak nogo nen maluk eeka'lek abe mban eerit nage logomenggerak paga Obaane'me apuri wiganak nogo inale'nggen aret mbako logogun o.

Yakobut 1:27

It aap Ala oone liippunuk mondok abe eekwi iinok, ninogoba Ala nen ale'nggen mbake menggerak nogo ti, it wologwe-komologwe wenebela inom, kumi togwe inom, iniki aaninggin wonogwe iinok, inabuwa nen yeenggwaaranet nugwi, it aakumi iniki maluk nen maluk eeruwak nduk iniki nggagani wogwe iyo, tum wakkologwe, eeko menggaarak nogo it aret o.

1 Yaya 3:18

Napuri niniki kunik yi wae. Nit ninoone paga nen mban, “Aakumi ninom niniki kunik wonogwe o,” yinuk, yuurak mage o. Ata, niniki paga nen aret inabuwa lombok mbako logonet, obeelom eeppiinet nogo logowok o.

Titut 2:2

It aap inanggok ti, iniki tum waka kenok, inayuk warak kenok, iniki warak kenok, it iniki abet mbakwi nu'lek menggaarak kenok, aap togop mendek logowak nduk, yorage logot o. Aakumi abok abet aret iniki kunik aganakwi, ndi, aaninggin inoba age kenok inogogumbuk logonet, waganggwi, eeko logowak nduk, yorage logot o.

2 Korindut 13:7

Kit maluk eeko logokwak nduk, kinake Ala yogo monggoorak. Kit maluk eeka'lek kiinok, “Pawulut awuri wone waganeegwaarak abet aret mugurok nogwe me iya,” yinuk, ninabut mbambunuk, ninabok obeelom mban yuwak nduk, kinake tamban eekwi lek o. Ata, nit ninabok maluk yogwe tit iigak kwe, kagak kit obeelom mban eerit nogo logobagip nduk, kinake tamban eeko monggoorak.

Kolote 4:5

It aakumi abet mbaka'lek mendek kinom eerit nogo logonet, “Ala abet mbaruwak nduk, wone yoroorak nanonggwan aga o,” yinuk, kiniki mondok kwippunuk, eerit nogo logonip o.

1 Peterut 4:8

Aap ambi ore imbirak iniki kunik logomenggerak nogo nen ore maluk ambik eerogo pit nage logomenggerak kwe, imbirak iniki kunik me, “Op aret o,” ari menggi kwak, kit togop aret, “Niniki-kiniki kunik eeko logonip o,” yinuk, wone ambit ti aret yokkiragi o.

Oroma 13:3

Togop me, it pemerintah mippiyareegerak nogo, it aakumi obeelom eekwi nen inagabiti mbaruwak nduk, mippiyoolik o. Ata, it maluk eekwi nogo, inagabiti mbako logowak nduk, mippiige menggerak me, kinagabiti lek kiniki ugun nugu logorak mbakwi kiinok, obeelom mban eerit nogo logonip o. It pemerintah ti, Ala ayeloman logonet, kit obeelom mban logobagip nduk, eeko menggaarak me, obeelom eerit nugwi kiinok ti, iniki ale'nggen kinoba pinagago logogun o. Ndi, kit maluk eekwi kenok perak, ineegin ti, we wonok nugulik me, kinagabiti mbako logonip o. Aakumi maluk eekwi iinok, Ala anini nen maluk onggo eeppiyoorak mbake nogo, it at Ala ayeloman logonet, eeppiigo logowak nduk, unde eeppiyareegerak me,

Titut 2:14

Nit yi maluk ndi maluk eeko monggoorak nogo eeko logokwak ninonggo mbanogo piinogo pinanege, ndi, “An napuri nake leenak logonet, obeelom eeriyak iniki aganggen paga eerit nugu logowak,” mba'nuk, ninomaluk koorogo pinanege, eerikit nduk, nit ninake niya wagagerak.

Pilipi 3:1

Noreewi o. “Kinowe kinom kunik logonet, kiniki ale'nggen aret logonip o,” yinuk, wone irip paga yokkiragi ti aret o. An aa'nduk liiru mbanggiragagirak nogo ndak-ndak, peebi mbanggiroorak neebi mbakeelik o. Kit kiniki nu'lek logobagip nduk, mbanggiroorak op aret mbake agarik o.

Oroma 2:29

“It Yakuri mendek aret o,” yogwe nogo ti, Muta yoreegerak wone waganggwi paga lek o. Ata, inagabolo mbanggo mengga kwak, at Ala nen Aberiniki paga iniki yanggonogo pege ti perak, abe Yakuri mendek ti aret o. It aakumi iniki togop Ala nen yanggonogo pege ti, it aakumi nen wogoppiyoorak lek o. Ala nen mban aret wogoppiyaagin o.

Yetaya 26:7

It aap iniki abe koonak nogo tu mot-mot mban nogo menggaarak me, Kat kiniki abe koonak yi wae. It aakumi iniki abe koonak nogo logorak inaru tiyak-tebek kenok ndenenogo pit nage menggendak o.

Kini Wuppiige 31:31

At eenggi omaawi paga ee'nuk wage kenok, onggo wogogwi, Ndi, o kota tu unggwogo menggam nen at eerit nage paga endage tiyak yuwak nduk, teppugwi, Eeko logonip o.

1 Timotiyut 2:2

It aap inendagembogut inom, aap yo'nggok abok aret inom, nen ninarum abe wonogwe iigak, niniki warak a'nuk, Ala liirogon mugurok nogo logonet, niniki ugun tayenak ale'nggen logowok nduk, it inake tamban eeke logot o.

1 Timotiyut 5:10

“Yi obeelom ndi obeelom eeke menggerak,” yogwe iinok, aagalogwe liirogon tawe eeginaka kenok, aap nggiru inanoniya laka kenok, it Ala apuri ake leenak iniyok koorinaka kenok, it aakumi aaninggin inoba agaatak iniki eyak wappiiga kenok, ndi, yi obeelom ndi obeelom eekwi abok aret, “An unde o,” yinuk, eeke menggerak kenok, endage mbaniyak op kwe,

Pelaareegerak 16:20

Ata, kit awo kineenik logonet, at Aliku kinogoba Ala nen kinanggween wokkirage nogo unde eeppatinuk logomunggup nduk, wone li'lak abu obeelom mban inowak looninako logomunggup o,” yinuk, yoragagerak.

Epetut 4:25

Togop me noreewi o. Keritut ninom kunik eenggi-iyok kokwak nit aret me, kit-kit aret pilit pugunggo monggotak nogo mbo punuk, kit abok aret wone abet kenok mban yogo logonip o.

2 Korindut 6:8

tiyappinanugwi, tebembinanugwi, ninabok mbanggwi, ninayuk wukwi, abet kenok mban yorogo monggoorak kwe, pilit ninoba pinanugwi,

Nappiigak 10:22

Yorage mbareegi, it nogo nen, “Lek o. Aap yigin unde inowe Koreneliyut nogo nen nappinani waga o. At nogo iniki abe koonak Ala agabiti mbaka kenok, it Yakuri mendek abok aret wogoppugwi me, Ala ake leenak malayikat ambi wage nagaarik, at Koreneliyut yoge logonet, Peterut nen wone yokkiri woraawak nduk, yonggo nappiyet o, yoge mbaki, yonggo nappinani wagaarak mukkeren wogo o,” yinuk,

Yaya 7:18

Aap ambit ambi at mbake paga wone yorage nogo ti, at endage nggwok aruwak nduk ari menggerak kwe, at nappi wagagerak endage nggwok aruwak nduk, wone yorage nogo ti, at pilit pugunit negeelik abet liirogon mban ari menggerak me, maluk inikime wonage abu lek aret o.

Lukat 2:25

Aap Yerutalem mendek ambi endage Timeyon aret wonagagerak. At aap ti, iniki mondok abe koonak Ala wone liirogon aret eeke nagagerak. Eeke logonet, it aakumi Iterali mendek iniki eyak wappiya woroorak nogo tokkage nagagerak me, Aberiniki at oba wonagagerak.

Kini Wuppiige 11:1

Aaninggin wakkaga maluk kenok, Aliku ALA eebi lombok mbake menggerak kwe, Aaninggin wakkaga abe kenok perak, inikilom mbake menggerak.

Urut 3:11

Togop aret me, nayinggelo o. Kagabiti mbarugun o. Ninoreewi ninawi kota yime abok aret nen, Kwe yi abu obeelom aret, ineenu wonogwe me, yo'negendak nogo abok aret an ndak-ndak eerigin o.

Lukat 16:15

Meek agago pogo mbareegwa, at Yetut nen it yorage logonet, “Kit nen aakumi obeelom kinombaruwak nduk, kinaana'le mbanggo'net nugwi kwe, Ala nen perak, kiniki mbakwi nogo eenu menggerak. It aakumi nen, Wi! yinuk, iya mbakwi nogo at Ala eebi lombok mbake menggerak.

1 Korindut 4:5

Ti kenok, it aakumi inowak looniyak koonogo pereegerak eyom awo panggoni waga'lek kagak, kit nen aakumi maluk ugun-ugun inoba lenggenogo piigo logorak mage o. Ata, ninowe wage logomenggerik, nit aakumi ninikime kote koonggwi kumaarak wonage nogo kin paga pege, ndi, ninikime, “Alom ngge eeriyak,” mba'nuk, koonggwi nogo nggwok paga paganogo yo'nirage, eeke kenok, Ala nen ninalitik-ninalitak eeko logomonggoorak nogo ndak-ndak ale'nggen ninoba pinanigin me, waga'lek kagak aakumi ugun-ugun maluk inoba lenggenogo piigo logogup o.

Nappiigak 22:12

Pani nogogwaarak o Ndamitik time wonage me aap ambi endage Ananiyat neya wagagerak. Aap ti, Ala agabiti mbake logonet, Ala wone yugu liiru mbanak liirogon eeke nagagerak me, it aap Yakuri time menggaarak abok aret at ayuk wuko nogogwaarak.

Ndawi Iya 5:16

Oone ari ti, abu abe yanggik-yanggok ari, At eebe paga inom, eerit nage paga inom, abok aret abu aberogon wonage, Eerak menggerak o. O Yerutalem aagalogwe komologwe yi wae. At noreeluk niniki kunik eeke nogo ti aret me yagi o.

1 Yaya 4:1

Noreewi niniki kunik yi wae. “Aberiniki nen yo'nirage kenok, yokkira wogo o,” yogwe iinok, inoone abet mba'nuk ugun woorak mage o. It pilit wone yoraga nogo nen yi awi ndi awi abok aret yoranet nugwi me, “At Ala nen abet aret nappiya wagaarak agan wogwe ilik, it iniki koombunuk nen agan wogwe a?” yinuk, inabut mbambunuk inoone konenggo logomunggup o.

1 Timotiyut 5:2

it kumi inanggok ti, kagalomini kokwak, ndi, kumi tawe ti, kat kiriwi kokwak me, it paga kiniki me maluk mondok abeka'lek logonet, yorage logot o.

Lukat 23:50

O Yureya kota ambi endage Arimateya time aap ambi endage Yutup wonagagerak. At aap abe iniki abu koonak it Yakuri inawone amburu mbangga nogo mendek aret wonagagerak me, oreewi wone amburu mbangga nogo nen, “Yetut eeppuurak,” koombunuk eereegwaarak nogo at oone inom abu nabenulik o. “Ala abu'me panuwak o,” yinuk, tokkage nagagerak.

Kini Wuppiige 31:29

“Kumi apit ti, obeelom negen eerit nugwi kwe, kat nakwe yi perak, it ndak-ndak lek kat abu abe alik lombok eerit nage menggendak keegi o,” yinuk, yoge, Eeko menggaarak.

Kini Wuppiige 16:11

Aaninggin abe wakkaga inom, kuli a'me ari naga inom, nogo ti, Aliku ALA unde wonage, Ndi, ndak-ndak age lek kenok, yugum mbuulogwe ambi pegak eekwi yonggolak menggerak abok aret nogo ti, at nen mban ogobakkigirogo pege, Eereegerak.

Kini Wuppiige 12:4

Kwe ambi obaabut abu obeelom nogo ti, ogonggelo enggare-nggare kwak aret menggerak kwe, Kwe ambi ogonggelo enggali eerogo pit nage kenok perak, ogonggelo owa'na nenet unggwage menggi kwak aret menggerak.

1 Timotiyut 3:4

Aap ambi Ala apuri unde logorak ti, ayuk warak logonet, at apuri liirogon ndegeninake menggerak kenok mban mippuurak.

Nappiigak 6:3

it aap Aberiniki inikime mondok liinik iniki warak logonet yogo menggaarak kineenu kero, kinenggela'me nen aap ineebe 7 leenogo mippiyaanip o.

Matiyut 22:16

Wone mbanggo nogogwaarik, it inoone waganggwi ando inom, it Keroriyan mendek inom, Yetut owagam nappiya wogogwaarak wogo nogogwaarik, Yetut yogo logonet, “Ngguru wae. Kat nen, Aap ambi iya, ndi, ambi meek, mbake logonet, ninete liippinaninuk yo'nirageelik, nit eekwi paga Ala ari menggerak wone mondok pagak togon yo'nirage menggendak nineenu me,

Kini Wuppiige 31:10

Kwe ambi obaabut abu abe nggeeme wonage mbakop? Kwe ambi obaabut abu abe nogo ti, Yugum kere'li-kere'lo aago onggo nggwok aret kwe, kwe ti nogo abu iya lombok wonage,

Iberani 11:2

It ninombomini aa'nduk ndarak nogo ti, Ala yoragagerak wone nogo, “Abet aret kogo o,” yinuk, abet mbakwi iinok, Ala nen, “Aap yi, obeelom aret o,” yinuk, inombake nagagerak.

1 Timotiyut 3:11

It inakuwi ti togop aret inayuk warak logonet, wone inambe irip paga wonok nugulik kenok, iniki warak kenok, ndi, yi eekwi ndi eekwi ineenggi omaawi eerit nugwi kenok, kumi togoti mendek iinok, it inogonggelomini aap yeenggwaaragak mippiyoorak op aret o.

2 Korindut 8:18

Kiya wage me, ninoreeluk ambi wone obeelom wone Ala apuri kuwak eekwi me abok aret yoranet nege paga endage tiya yereegerak nogo, imbirak nappiya wogo ti o.

2 Tamuwen 1:23

Tawun Yonatan imbirak ineenik logonet, Aakumi inom iniki kunik wonogwe, Inom inale'nggen paga nugwi, Eereegwaarak me, Kanggo logonet kunduk, imbirak lambunik aret kanggaarak o. Tu nogo logonet, Towe nggindooni nege kwak lek it inogowa ambik nogwe, Ndi, inomaawi perak, Singa omaawi kwak lek it inomaawi ambik wonogwe, Eeko nagaarak o.

2 Peterut 3:1

Nowe-nawot o. Kit an niniki kunik me, liiru ambi aa'nduk mbanggiragagirak nogo ndak-ndak, yogondak ambi yi inom aret mbanggiragi o. Liiru mbanggirage yi nogo ti, kiniki abe mban koonggo logorak abeko logobagip nduk, mbanggiragagirak me, ambi yi inom aret mbanggiragi o.

Ndawi 82:2

“Aakumi yiluk-yiluk inowak loonggwi iigak, Inaana'le mbanggwi, It maluk eeka inom ari nanuk, inom wone koonggwi, Eekwi kiigak, Ne mande ari nagin o.

Oroma 14:18

Keritut ake eerit nage logonet, wone ti, liirogon eekwi kiinok, Ala nen ale'nggen kinombake, ndi, it aakumi nen togon, “Op aret eekwi,” kinombakwi, eeko logogun o.