Pilipi 2:4 - Ala Wone Peenok Peebi Mbanak

⁴ Kit kinalitak kinobaalombok mban koonggologo logogup o. Ata, kinoreewi inobaalombok inom koonggo logonip o.

Pilipi 2:4 Iomraidhean Croise

Etet 2:22

It iniki ambit a'nuk, wone mbanggwi nogo, at Morekayi eenu age nagagerik, wone nogo at kwe nggwok Etet yoge mbareegi, Etet nen aap endagembogut yoge logonet, “Kat kooriyak yogwe nogo at Morekayi nen konenggerak kenok, yokkiri wagi o,” yoreegerak.

Linggineegwaarak 32:6

Yogo mbareegwa, at Muta nen it Nggat mendek inom, Uruben mendek inom, yorage logonet, “Kit kinoreewi o time wim eeriyak nduk wunda nogwe iigak, kit yime logorak mba'nuk, yogop ya!

Matiyut 18:6

Wone ambinom yorage logonet, “It aakumi nen elege-aabologwe iniki an noba panggombunuk abet nombako menggaarak yi, maluk eeruwak nduk, inikime manabi wagaatak paga maluk eekwi iinok ti, yugum nggwok gandum yigika waganogo aap ti enggaanok me keele yilinogo punuk, yi yenggenak laut alobok ambik me mbo mambuurak op o.

Oroma 12:15

Ale'nggen yogwe iinok, kinom ale'nggen yogwe, it le yogwe iinok, kinom aret le yogwe, eeko logonip o.

Oroma 15:1

Kit aa'nduk kiniki kole agagerak nogo nen, “Nit mban obeelom eekko'net nugu logowi o,” yinuk, mbako logogup o. Ata, iniki awo kole aga'lek nogo aaninggin inoba age kenok, iniki kole aruwak nduk eyak wappiigo logonip o.

1 Korindut 10:24

Kit kinobaalombok mban eekko'net nogo logorak lek o. Ata, kinoreewi inikilom mbaruwak nduk inom aret eeppiinet nogo logonip o.

2 Korindut 11:29

It aakumi iniki aaninggin ogwe iinok, an kunduk niniki aaninggin age, it maluk eekwi iinok, “Ao,” mbake logonet, niniki wakkolage, eeke minggirak.

2 Korindut 6:3

Nit ambi eerumonggoorak paga yiluk ari kenok wone yokkirogo logorak unde eeppinaneegerak nogo, meek eerogo pukwak nduk, nit mondok liippunuk mban eeko ogoorik o.

Yakobut 2:8

Ala wone mbanak ndak-ndak eeko logonet, “It ineebe iniki kunik eekkologo mengga ti kwak, aakumi inom menggaarak ti, togop aret iniki kunik aganako logowak o,” yinuk, nit ninogoba endagembogut wone lengganogo yo'niragagerak nogo eekwi kiinok ti, op aret eekwi kwe,