Pilipi 1:8 - Ala Wone Peenok Peebi Mbanak

⁸ At Keritut Yetut nen kinabuwa mbake logonet, iniki kunik eekkinake menggerak nogo kokwak, an togon kit ninom niniki mondok kunik me, “It iyaakit lak, ao,” kinombake nogo ti, Ala eenu aret o.

Pilipi 1:8 Iomraidhean Croise

Ayup 16:19

O yogondak aret an ee'nake nogo, At enegen abe nen kenok yokkiroorak ti, mbogut paga wonage o. An naana'le mbaniyak ti, agi tiyarogon time wonage o.

Yetaya 16:11

Nggitat arigi nggoonggo eeko mengga kwak O Mowap eeppegaarak nogo paga niniki puru ari, O Kit-Karetet eeppegaarak nogo paga niniki ndugu agan unggwage, Eeke agarik o.

Yetaya 63:15

Abeko nogogwaarik, Aliku ALA yogo logonet, “Ai, ninogoba Ala. Kat mbogut paga wone lengganogo yorage menggenom abu tiyanak alik leenak keenok, Wi! kugwi nogome nen kenegen wu'niya mok o. Kat keebabunik logonet, komaawi paga eeppinaniyak mbake nagagindak nogo nonggop aga o? Ninabuwa nen yanggorogon eeppinaniyak nogo eeppinanega'lek aret agandik o!

Yeremiya 31:20

At Eparayim nogo ti, naput niniki kunik eeke, Napuluk ninikilom mbake, Eeke minggirak nogo lek a? Kulinik aret mberigitak kwe, oba aberak wonage me, Kaakit lak, ao, yinuk, niniki nggilu ari, Abuwa lombok mbake, Eeke minggirak o,” yinuk, Aliku ALA nen aret yegerak o.

Lukat 1:78

Ninogoba Ala nen mbo pinanegeelik liirogon aret ninabuwa nen obeelom eeppinanege me, o kilim nagake menggi kwak, eya agi nen niya wambi wage logonet,

Oroma 1:9

An tamban eeke logonet, kinoba mari ageelik kulinik-kalinik kinake tamban eeke minggirak ti, Ala eenu aret o. Niniki-neebe apit nggaruk togon Ala wogo'nuk mugurok nage logonet, obeelom wone at aput eereegerak wone nogo yoranet nage minggirak.

Oroma 9:1

An nanebunu Iterali mendek nowe-nawot abok aret Ala nen pulunogo piinok, Keritut inom ogoorogo piyareegerak me, kanggwi iyo, “Inobaane'me Ala nen an aret pulunogo panuwak lak, ao,” yinuk, niniki abu puru ari logonet, inabuwa nen le ari agarik o. An Keritut ninikime wonage me, pilit yokkirage lek o. Aberiniki nen yo'nege kagak ari me, abet aret yokkirage agarik o.

2 Korindut 13:9

Kit kiniki abu kole eekkinabuwak nduk, tamban eeko monggoorak me, nit ninoone omaawi yokkiraga'lek niigak, kit-kit mban koombunuk, eerit nugwi kiinok, ale'nggen mban aret mbarugun o.

2 Korindut 6:12

Kit ninom niniki kunik me, ee'ninake ugun paganogo yokkiroorak op mbakwi kwe, kit perak, eekkinake nogo paganogo nit yo'niroorak meek aret kiigo o.

2 Korindut 7:15

At Titut aa'nduk kinabuwa mbake nagagerak kwe, kiya nage mbareegi, kinagabiti nen kinaganak nuk-nuk yogo logonet, keyage warogo eebe waganggo nogogutik, kooniyak yokkirogogurak nogo, “E o,” yinuk, mbet-mbet koonggwi kiyareegerak nogo, aberak logonet, yogondak abunuk kinabuwa nggwok lombok mbake agaarik o.

Nggalatiya 1:20

An liiru mbanggirage yi nogo ti, pilit lek Ala enggaanom paga mondok abet aret mbanggiragi o.

Nggalatiya 3:26

Kit abok Keritut Yetut abet mba'nuk, kiniki at oba panggombereegutak me, kit Ala apuri aret ogotik o.

Nggalatiya 4:19

Ai, napuri, kit an niniki kunik me, kumi elege enegen paganak yagan wako mengga kwak, kit Ala apuri arubagip nduk, an kinake yagan wake aret wonagagirak kwe, yogondak kit Keritut obaabut ndak-ndak arubagip nduk, ambinom yagan wake agarik o.

Pilipi 2:1

Keritut kinom kunik me, kiniki eyak wappinagage, at kinabuwa mbake logonet kiniki yanggongginake, eeke kagak, Aberiniki kinom kunik wonogwe, kit mban-mban niniki-kiniki kunik eeko logonet, obeelom eeppiinet nugwi, eeko logorak eekkinake kogotak kenok,

Pilipi 2:26

At nogo nen, “An andi ee'nakerak noreewi muk konenggaarak me, nonggoti mbakwi iigak logokwak, pegiya na ilik?” yinuk, iniki piirik eeke kage nagarik, at aa'nduk kinowagam nappi wagi ti o.

Pilipi 4:1

Togop me. noreewi o. Kit an niniki abu kunik me, kinoba mondok aberak mban wonage o. An nanggare-nggare mendaarak inom, niniki ale'nggen mbake inom, ti, kit kineebe aret me, ninowe kinom kunik logonet, wone ti mondok nu'lek porogo logonip o. Ai, noreewi niniki kunik wa!

Kolote 2:1

It Laworikiya mendek inom, it ando an neebe ineenggo'lek inom, kinom abok aret obeelom mban eeko logobagip nduk, aaninggin tit kagak kwe, kinake nggwiirit-nggwaarit eeke minggirak nogo, kineenu arubagip nduk, yokkiragi o.

Kolote 3:12

Togop me, at Ala nen kinabuwa mbake logonet, at apuri maluk eeka'lek alik leenak logobagip nduk, miikkinabeegerak me, yum yikkologo mengga kwak kinobaabut ngget mendek eekkologo logonet, aakumi inabuwa mbakwi, kiniki yanggonak paga obeelom eeppiigwi, kiniki tebenak logonet nugwi, kinoone omaawi lek yanggorogon yorogwe, inoone kinoba pinagagwi iinok liippunuk yorogwe,

1 Tetalonika 2:5

Niniki laakot logonet, ninoone yokkirogo logolik ti, kineenu aret o. Kit kinageerok ambi kolaawok nduk, ninoone, “Ai-ao,” yogwe ti, at Ala eenu me, yuulik mban.

1 Tetalonika 2:8

Kinabuwa lombok mbako logonet, kit niniki kunik eekkinabeegurak me, obeelom wone ti mban yokkiroorak mbarulik o. Ata, kinake lombok kambuurak kenok perak, op aret mbareegurak.

2 Timotiyut 1:4

Kat le yereegindak nogo abe'nage kenok, an niniki ale'nggen nggwok lombok kaakit nduk, “Keya woraakit lak ao,” mbake minggirak.

Pilemon 1:12

Yogondak keya woraawak nduk, kowagam nappi wagi ti o. Ndi, at eebe wage logonet, an niniki inom nikkenok wage agaarik o.

Pilemon 1:20

Ai, noreeluk. Yokkigirak ti, abet aret eeke keenok, “Yi Ala nen iniki koonggerak paga eeke,” komba'nuk, niniki ale'nggen ee'nabuwak nduk, at eebe wamen o. Nimbirak Keritut apuri mban aret me, niniki ale'nggen eerogo panenok nduk, yokkigi o.

1 Yaya 3:17

Aap ambi eenggi warak nen ore aaninggin oba agaarak enegen kage kwe, abuwa mbaka'lek, “Obaalombok o,” yinuk, mbo pege kenok, Ala nen aakumi inabuwa mbake menggerak nogo mendek inikime wonage abu lek aret mbako logowok o.