Pilipi 1:6 - Ala Wone Peenok Peebi Mbanak

⁶ “At Ala nen obeelom eekkinaburak nduk, aa'nduk eereegerak kuli nogo nen, kinikime eekkinake tit kagak, o age yobok Keritut Yetut woraagin,” an abet aret mbake logonet, yokkiragi o.

Pilipi 1:6 Iomraidhean Croise

Ndawi 138:8

Kaliku ALA wae. Aakumi inabuwa mbake ti, itok kunik menggerak me, Keenggi paga ogobakkigi'nabeegindak an nogo Mbo paniyak mage o. Ata, Kaliku ALA nen an eeppaniyak koonogo paneegindak nogo Li'luk eerogo panege logomunggun o.

Yaya 6:29

Yogo mbareegwa, at Yetut nen, “Ala nen eeriyak mbake nogo ti, at nappi wagagerak kiniki oba panggombunuk, abet ombakwi nogo aret o.”

Nappiigak 11:18

Yorage nogo inaruk konembunuk, it togon inoone lek puk aret wonogogwaarik, “Ti kenok, Ala nen it endekem mendek nogo kunduk, it maluk eeko menggaarak iniki koombunuk mbo pugwi iinok, ineenik logorak koonogo piyareegerak kogo o,” yinuk, Ala wogoppereegwaarak.

Nappiigak 16:14

Yorogogurak koneneegwaarak nogo, kwe o kota Tiyatira mendek ambi mbogoyum maa'ngga kunik kigirikwe lombok kungge menggerak endage Liriya nogo nen Ala alut eeke menggerak me, at Pawulut yoragagerak wone nogo waawak nduk nogoba nen iniki tu paarogo pereegerak.

1 Korindut 1:8

At ninowe Yetut Keritut woroorak eyom paga kit maluk kinoba lenggenak lek wonogwe me kiya woraawak nduk, yogondak nen nok, peebi at woroorak kuli paga kiniki mondok nu'lek logobagip nduk, eeppinagage logogin o.

2 Korindut 1:15

“It nen, Pawulut alom yi nduk, liiru mbannirage kogo o, yinuk, liippunuk, wo'nabugun,” mbake logonet, aa'nduk kiya wage mbareegi, kiniki ale'nggen mbareegutak nogo ndak-ndak, ne ambinom ale'nggen mbarubagip nduk, pekkiya woroorak ti abet aret kooneegirak.

2 Korindut 2:3

Liiru aa'nduk mbaneegirak nogo ti, an niniki ale'nggen wonage neenok, kit togon kiniki ale'nggen wonogwe abet aret mbake me, kiya wage logominggirik, kit obeelom eekwi paga niniki ale'nggen kinombarikit lak, maluk eekwi paga niniki wakkolookwak me nduk, puk age logonet, liiru mban aa'nduk mbanogo nappi wagagirak nogo o.

2 Korindut 7:16

Kit eerit nugwi abok aret obeelom mban eerit nugu logomunggup abet aret kinombake logonet, an niniki ale'nggen mbake agarik o.

2 Korindut 9:4

“Kit abet aret kuwak eerumunggup,” kinombake logonet, yoragarak nogo, an Makendoniya mendek ninom pekkiya wogo logomonggoorik, “Yi kuwak eeka'lek kagak yo'niragaarak kogo,” mbakwi iinok, kit ninom ninenggali arukwak, mbet-mbet kuwak eeko logonip o.

Nggalatiya 5:10

Nit ninowe ninom ambit kunik me, an mbake minggirak nogo, kit ndak-ndak mbako logonet, eerit nogo logorak abet aret kinomba'nuk yokkiragi o, noreewi. Ndi, at nomonggiren nage nogo perak, Ala nen maluk onggo eeppigin me, agabiti mbake logowak o.

Epetut 4:12

Ti eereegerak nogo ti, nit Ala eyabu liirogon eerit nogo logonet, nit nineebe paga Keritut eebe mondok wigak yuwak nduk, nit Ala apuri abok aret mondok li'luk eerogo pinaneegerak.

Pilipi 1:10

Kit ti eeko logobagip nduk, kinake tamban eeke minggirak nogo ndak-ndak eekwi kiinok, yi mendek ndi mendek abut mbambunuk, abe kenok mban eeko logomonggotak me, Keritut woroorak eyom ti paga Ala endage alut eerak tiyanak logowak nduk, eyo anggen abu abe yi'nage menggi kwak, Yetut Keritut eeppinagage kagak obeelom mban eeko logomonggotak nogo paga at enegen kiige logomenggerik, “Kit maluk eerulik obeelom mban eeko nogotak o,” yinuk, oone kinoba pinagagin lek o.

Pilipi 1:29

At Ala nen kinabuwa mbake logonet, eeriyak kooneegerak nogo ti, kit kiniki Keritut oba panggombunuk abet mbarubagip nduk mban koonulik o. Ata, at eeke nagagerak obeelom wone yoranet nugwi paga aaninggin-paaninggin inom kaabagip nduk kooneegerak me, kiniki ale'nggen mbako logonet waganggo logonip o.

Pilipi 2:12

Togop me, noreewi o. Kit an niniki kunik me, wone ambi yokkira o. Aa'nduk kit ninom time logonet, an noone yugu ndak-ndak eeko nogogutak nogo kokwak, yogondak neebe yime neegak, kinagap ndakkolaabagip nduk, kinagabiti nen kinaganak wake logonet, ambinom nggwiirit-nggwaarit eeko logonip o.

Pilipi 2:13

At Ala nen eeriyak inikilom mbake menggerak nogo, kit nen, “Eerikit,” mbakwi, ti'nuk, eebe aret eekwi, eekwi nogo ti, Ala nen mban aret koonggirage menggerak.

Pilipi 2:16

At Keritut woroorak eyom paga, “An mbe agan nage, anggon-panggon ee'nake kagak eerit nage, eeke nagagirak nogo ti, we aanom warogo eerulik ambi kolaakit nduk eereegirak kagi,” mba'nuk, niniki tiyappake logonet, nale'nggen kaakit nduk, wone nineenik ee'ninake menggerak wone nogo, kit nggirik-nggerok agago porogo logonip o.

Kolote 2:12

Keritut kinom kunik logonet, kambunuk ndoome mambiigo menggam nen kinom kineenik agago mippinagareegerak nogo kwak, yiime wanggo nogogutik, lagi wogogutak nogo o. Kit kambunuk ndoome mambiigo menggam negen wonogwe me, Ala nen Keritut kambunuk nogo menggam nen at omaawi paga eenik agago mippereegerak me, “At omaawi ti paga at ninom nineenik agago mippinanigin kogo o,” yinuk, abet mbareegutak paga kineenik agago mippinagareegerak wonogo ogotik o.

1 Tetalonika 1:3

Kit abet mba'nuk eerit nugwi, aakumi kiniki kunik nen nggwiirit-nggwaarit obeelom eeppiinet nugwi, ndi, ninowe Yetut Keritut paga kiniki lunik wonogwe me, aaninggin kinoba age kagak kinogogumbuk logonet waganggwi, eekwi nogo ti, aberak logonet, ninogoba Ala yogo monggoorak o.

2 Tetalonika 1:11

At ninogoba Ala nen obeelom eerit nogo logobagip nduk, kinayonggo pereegerak nogo ndak-ndak eerit nugwi kiinok, “Op eekotak o,” yinuk, yokkirage, kit obeelom eeriyak mbakwi nogo eerubagip nduk, omaawi eeppinagage, ndi, at abet mba'nuk eeriyak mbakotak nogo ndak-ndak eerubagip nduk, omaawi eerogo pinagage, eeke logowak nduk, kinake tamban mban eeko monggoorak.

2 Tetalonika 3:4

Kit eeko logorak wone lengganogo yokkirogo monggoorak nogo ti, muk eekwi nineenu aret kwe, ambinom eeko logobagip nduk, ninowe nen eeppinagagin abet aret mbako ogoorik o.

Pilemon 1:21

An liiru mbanggege yi nogo mban kat eeke logonok nduk, yokkege ti lek o. Ata, ando kat kiniki nen koombunuk ambinom nggwok togon eeke logomunggun abet aret kombake logonet mbanggigi o.

Iberani 10:35

yogondak kit kinookwi iigak, kinogogumbuk logonet wone abet mba'nuk waganeegutak nogo, mugurok nogwe kiinok, onggo nggwok wokkiraagin me, mbo puurak mage o.

Iberani 12:2

Ndi, aa'nduk nit abet mba'nuk Ala wone waawok nduk niniki pipuk eerogo pinanege, ti'nuk, abet mbakwi niinok, niniki mondok kole eerogo pinanege, eeke menggerak ti, Yetut aret me, at mban ninigen loorit mugurok nogo logowok o. It aap eyo karo-karo paga nabenogo piigwi iinok, “Aap mondok maluk mendek aret o,” yogo menggaarak nogo, at Yetut nen, “An togop nombariyak me, neebi o,” ti mbarulik. Ata, “Peebi nale'nggen nggwok kaagin me, yogondak we luulu togop ee'naburak op aret o,” yinuk, ogogumbuk a'nuk, eyo karo-karo paga kangge nagagerik, eenik a'nuk, Ala wone lengganogo yorage menggim Ala eenggi abe'nggan paga kwi'nari laganeegerak wonage o.

1 Peterut 5:10

At iniki kunik nen wo'nirage menggerak alom unde ninogoba Ala nogo nen Keritut ninom kunik wonogwe paga at tiyanak menggim nogome ninom ndak-ndak mondok-mondok tiyanak logowok nduk ninayonggo pereegerak me, ne ambiriluk ambi andi-pandi eerogo pinagagwi iinok, ninogoba Ala nen kinobaabut koonogo pinagage, kiniki nu'lek eerogo pinagage, kinomaawi agago pinagage, kinogogumbuk nu'lek logobagip nduk eerogo pinagage, eeke logogin me, kiniki kwi'ndak logonet, waganggo logonip o.

2 Peterut 3:10

At ninowe woroorak nogo ti, “Ne ti eyom woraagin,” mbaka'lek kiigak, aap yogoot wagangga nogo pogom abera'lek me woraagin o. Ndi, wage kenok, mbogut yi, telangge logonet lek age, tut-laaluguragan mbogut paga menggerak inom, nggween yi inom, nggween paga wonogwe inom, abok aret kani nenet nage, eeke kaamunggup o.