Pilipi 1:10 - Ala Wone Peenok Peebi Mbanak

^10-11 Kit ti eeko logobagip nduk, kinake tamban eeke minggirak nogo ndak-ndak eekwi kiinok, yi mendek ndi mendek abut mbambunuk, abe kenok mban eeko logomonggotak me, Keritut woroorak eyom ti paga Ala endage alut eerak tiyanak logowak nduk, eyo anggen abu abe yi'nage menggi kwak, Yetut Keritut eeppinagage kagak obeelom mban eeko logomonggotak nogo paga at enegen kiige logomenggerik, “Kit maluk eerulik obeelom mban eeko nogotak o,” yinuk, oone kinoba pinagagin lek o.

Pilipi 1:10 Iomraidhean Croise

Wakkagagerak 20:5

At Abarakam alik nen mban, An nawuluk o, yo'negerak nogo lek a? Ndi, at kwe Tara nen togon, Yi noweeluk o, ari mbaki, Yi abet aret yaga, yinuk, neenggi paga nen maluk ambi eeppuulik niniki abe paga waganggirak kwe, yo'negen o, nogoba.”

Ayup 12:11

Ninamili paga mbi ombat wakkogo monggo kwak Wone yogwe nogo, ninaruk paga konembunuk, Yi abe aret kagi, yinuk, waganggo monggoorak nogo lek a?

Ayup 34:3

Ninamili paga mbi ombat wakkogo monggo kwak Wone yogwe nogo ninaruk paga konembunuk, Yi abe aret kagi, yinuk, waganggo monggoorak.

Mika 3:2

Obeelom eeriyak kineebi mbakwi, maluk eeriyak kinikilom mbakwi, eeko logonet, An mendek ineenik ngge-ngge inagabolo mbelanogo piigwi negen eekwi, Inowak kalenak-pugunik eerogo piigwi kwak eekwi, Eeko monggotak o.

Matiyut 16:23

Yoge mbareegi, at Yetut ena logurogon pekkage logonet, Peterut yoge, “Kat Ibilit negen ari yi, Ala iniki mbake nogo eeriyak mba'nuk ari lek o. Ata, aakumi iniki mbakwi nogo eeriyak mbake logonet, an non mbambanege me, mondok nak o,” yoreegerak.

Matiyut 26:33

Yorage mbareegi, at Peterut nogo nen, “Lek o. It abok aret, Yetut nineenggo'lek o, yinuk, teppaganuk mbaganggwi iigak kwe, an nalik perak, teppaganuk mbaganigin mondok lek o.”

Yaya 1:47

Yoge mbareegi, Yetut nen aap Natanayen at owagam wage enegen kage nagagerik, at abok ari logonet, “Aap Iterali mondok abe oone mbere ariilik yi kaanip o.”

Yaya 3:20

Yi aap ndi aap maluk eeko menggaarak nogo nen it maluk eekwi pagak ari kero, At eya nogo ti, nineebi o, yinuk, owagam wogolik kwe,

Nappiigak 24:16

Togop me, Ala inom, aakumi inom, inenggaanom an ambi eeppiyaminggirak paga niniki penggenneegak eeke logokwak liippunuk eeke minggirak o.

Oroma 12:2

It aakumi nggween paga mendek nen iniki mba'nuk eerit nogo mengga kwak, kit togop eerit nogo logogup o. Ata, kit alik ngget mendek eerit nogo logobagip nduk, “Niniki ngget alik ogobakkigi'ninake logot o,” yinuk, Ala yogo logonip o. Ti yorumonggotak eekkinake kenok, at Ala eeriyak mbake nogo ti, obeelom aret kogwe, eerit nogwe kiinok, Ala iniki ale'nggen ninombake kogwe, ndi, “Abu obeelom lombok koonggerak me, ambi kooniyak lek aret,” mbakwi, eeko logorak kineenu arumunggup o.

Oroma 12:9

Kiniki laakot logonet, kiniki kunik aganako logogup o. Ata, inabuwa nen kiniki kunik aganako logonip o. Yi maluk ndi maluk eekwi ti, kineebi mbako logonet, obeelom eeriyak kenok mban kinikilom mbako logonip o.

Oroma 16:17

Noreewi o. Kit wone waganeegutak nogo it aakumi nen woorak ineebi nen mbo punuk, aakumi iniki ogoorogo piinet nugwi, it aakumi abet mbareegwaarak nogo iniki abut laganogo piinet nugwi, eeginabit nugwi iyo, kinigen liippiigo logobagip nduk, an, “Ao,” mbake logonet, yokkirage agarik o. It aap ti, kinom lambungga'lek mondok ogoorak aret logonip o.

Oroma 2:18

“Ala iniki mbake menggerak nogo nineenu o,” yinuk, yogwe, wone Muta yoreegerak wone nogo paga, “Yi obeelom o. Yi maluk o,” yinuk, yelok kogwe,

Oroma 7:16

An eeke minggirak ti, neebi mbake logonet kwe, eeke minggirak kenok, eeke minggirak ti paga, wone Muta yoreegerak nogo ti, “Op aret kagi,” mba'nuk, wone ti aret omaawi eerogo pege minggirak.

Oroma 7:22

Ala nen, “Yogop ee'nu, ndogop ee'nu,” yereegerak wone ti, an ninikime nen eeriyak ti ninikilom aret kwe,

1 Korindut 1:8

At ninowe Yetut Keritut woroorak eyom paga kit maluk kinoba lenggenak lek wonogwe me kiya woraawak nduk, yogondak nen nok, peebi at woroorak kuli paga kiniki mondok nu'lek logobagip nduk, eeppinagage logogin o.

1 Korindut 10:32

An aakumi inale'nggen mbaruwak nduk, inake yi eekak ndi eekak eeke logonet, an obeelom logokit mba'nuk, eekkolage lek o. Ata, Ala nen it inagap ndaruwak nduk, obeelom eeppiinet nage minggirak nogo ndak-ndak, kit togon, it Yakuri mendek inom, Yunani mendek inom, Ala apuri yi awi ndi awi kuwak eerit nogo menggaarak abok aret eeppiinet nogo logonet, non mbanogo piyookwak, liippunuk, eeppiinet nogo logonip o.

1 Korindut 8:13

Togop me, an nengge paga noreewi yigeebu wanggwi iinok, an nen aret nggelenogo piyookwak me, an wam mondok nengga'lek aret logogin o.

2 Korindut 1:12

Nit eerit nogo logonet, liippunuk eerit nogo monggoorak kwe, kit kinenggela'me logonet perak, mondok iya lombok eeko nogogurak nogo, abeko logonet, it aakumi nggween paga mendek iniki koombunuk agan nugwi kwak agan nugwi, kinamendek kolaawok nduk, wone eegu nobat yokkirogwe, ti eeko logolik o. Ata, Ala niniki kunik nen omaawi eeppinanege kagak, mondok abet kenok mban kenom paganogo yokkirogo nogogurak nogo mban abe'nage kenok, “Op eekoorak me, ia!” yinuk, niniki ale'nggen mbako ogoorik o.

2 Korindut 2:17

It ando nen Ala wone yorogwe paga, “Ambi kolaawok o,” yinuk, yokkirogo menggaarak kwe, nit perak, togop lek o. Yokkiraawok nduk, Ala nen nappinani wagagerak me, at enegen kagak Keritut ayeloman logonet, we ale'nggen paga aret yokkirogo monggoorak.

2 Korindut 6:3

Nit ambi eerumonggoorak paga yiluk ari kenok wone yokkirogo logorak unde eeppinaneegerak nogo, meek eerogo pukwak nduk, nit mondok liippunuk mban eeko ogoorik o.

2 Korindut 8:8

An wone yokkiragi yi nogo ti, noone omaawi paga yokkirage lek o. Ata, it ando an noone konembunuk, iniki aganggen kerek togon eekaarak nogo ndak-ndak, kit an noone konembunuk, “Ndak-ndak eerumonggotak paga kiniki kunik ee'nakwi kiyaamun ilik?” yinuk, yokkiragi o.

Nggalatiya 5:11

Ndi, noreewi o. An perak, alom ngge paga piyak-payak ee'nakwi mbakop? An, “Kinagabolo mbaniyak o,” agan nege logonetak en, piyak-payak agago paninetak lek kwe, Yetut eyo karo-karo paga kambeegerak wone yoranet nage logonet, “Kinagabolo mbaniyak lek o,” yinuk, non mbanogo piinet nage paga, inanini nombako logonet piyak-payak ee'nako agaarik o.

Epetut 4:15

Ata, nit aakumi niniki kunik en Ala ari menggerak wone nogo mban yorogo logonet, ninanobak kwak Keritut iniki abu koleewak menggi kwak, nit togop aret niniki kole ee'ninabuwak nduk, eerit nogo logowok o.

Epetut 5:10

kit nen, “An eeke yi, Ala inikilom mbake menggerak ndak-ndak aret eeke ilik?” yinuk, liippako logonet, Ala apuri eya paga logonet, eeko mengga kwak, kit togop aret eerit nogo logonip o.

Epetut 6:24

Ninowe Yetut Keritut kit kiniki kunik eekwi nogo, lek aga'lek mondok kundugu wonogwe kiinok, kinabuwa mbake logonet, kinarum logogin o. An Pawulut nen abu aret yokkiragi o. Noreewi wa!

Pilipi 1:16

Wone obeelom wone Keritut nen yo'niragagerak nogo, amburu mbanogo yorage logokit nduk, Ala nen aret mippaneegerak yime wonage ineenu me, ninom niniki kunik logonet aret yorogo ogoorik o.

Pilipi 1:6

“At Ala nen obeelom eekkinaburak nduk, aa'nduk eereegerak kuli nogo nen, kinikime eekkinake tit kagak, o age yobok Keritut Yetut woraagin,” an abet aret mbake logonet, yokkiragi o.

Pilipi 2:16

At Keritut woroorak eyom paga, “An mbe agan nage, anggon-panggon ee'nake kagak eerit nage, eeke nagagirak nogo ti, we aanom warogo eerulik ambi kolaakit nduk eereegirak kagi,” mba'nuk, niniki tiyappake logonet, nale'nggen kaakit nduk, wone nineenik ee'ninake menggerak wone nogo, kit nggirik-nggerok agago porogo logonip o.

1 Tetalonika 3:13

ndi, ninowe Yetut at apuri ake leenak inom wogo logomenggaarik, “Kit kiniki nu'lek logonet maluk eeka'lek abu obeelom eeko nogootak me, nogoba Ala oone kinoba pinagagin lek aret kiigi,” yinuk, yokkirage, eeke logowak o.

1 Tetalonika 5:21

Yi wone ndi wone yogwe nogo abok aret abut mbambunuk, abe kenok mban nggirik-nggerok agago porogo logonip o.

1 Tetalonika 5:23

Ndi, yogondak niniki ugun tayenak ale'nggen logowok nduk, eeppinanege menggerak Ala nogo nen, kit kineebe at ake leenogo pake logonet, kinomaluk abu lek eerogo pinagage, ndi, ninowe Yetut Keritut woroorak eyom paga maluk kinoba pinagage kero, kiniki-kineebe abok aret enaani nggelorogon pinagago wonage, eeke logowak o.

Yotuwa 24:14

Togop aret yereegerak me, at Aliku ALA kinagabiti mbako logonet, kiniki abe paga at oone liirogon mugurok nogo logomunggup o. Kinombomini niyo Eparat enebaga inom, o Metit inom, time wonogo logonet, Ala mugurok nogwe obaane'me kugi eeko nogogwaarak kit mugurok nogwe nogo mbo punuk, Ala mban mugurok nogo logonip o.

1 Yaya 4:1

Noreewi niniki kunik yi wae. “Aberiniki nen yo'nirage kenok, yokkira wogo o,” yogwe iinok, inoone abet mba'nuk ugun woorak mage o. It pilit wone yoraga nogo nen yi awi ndi awi abok aret yoranet nugwi me, “At Ala nen abet aret nappiya wagaarak agan wogwe ilik, it iniki koombunuk nen agan wogwe a?” yinuk, inabut mbambunuk inoone konenggo logomunggup o.

Wayu 2:2

Ala apuri o Epetut eerit nogo menggaarak nogo an neenu aret o. It ndeyak aganake kagak mbo pega'lek mondok nabenak mban eerit nogwe, It aap maluk mendek nit ninenggela'me yime logorak mondok lek o, yinuk, ineebi mbakwi, it aap ando nappiigak mendek lek kwe, wogo nagaatik, Ala nen nappinani wagaarak o, yinuk, yorogwe iinok, inabut mbambunuk, Yi pilit agan wagaarak o, yinuk, mbo piigwi,