Nappiigak 9:5 - Ala Wone Peenok Peebi Mbanak

⁵ “Ai, nogoba, kat ta o?” Yoge mbareegi, “Lek o. Kat keebi-keeba agago noorit nage menggendak Yetut nogo, an aret o.

Nappiigak 9:5 Iomraidhean Croise

Ayup 9:4

At Ala ti, yi wone ndi wone eenu wonage, At mondok omaawi aret wonage, Eeke menggerak me, At eerit nage kagak it ambi nen inogogumbuk a'nuk Non mbanogo pege kenok, teppiyaagin mbaken?

Ndawi 2:12

At Aput anini mbet-mbet mi'nage menggerak me, Kit eerit nogwe kiigak, Anini nen lek eerogo pinagukwak, At iyok paga pirik-perek yi wogo logonip o. Yi aap ndi aap at abu'me wonogwe nogo, Inale'nggen aret mbako menggaarak o.

Yetaya 45:9

“Yi yiiwak ndi yiiwak nggween nggabok paga ogobakkigirik ambik lombok inenggela'me ambi nen, At eebe ogobakkigirogo pereegerak imbirak wone wake kenok, abuwa o. Kat nano ogobakkigirogo pege agandik o? yinuk, At nggween nggabok nen aap yiiwak ogobakkigika nogo yoge, At yiiwak abu ogobakkigirogo pegerak nogo nen, Kat keenggi amburu lek o, yinuk, at ogobakkigika nogo yoge, Eeriyak op mbakop?

Nappiigak 10:14

Aruk konembege nagagerik, “A, nogoba. Nunggulik mendek inom, noorak mage yugu mendek inom, an abu nenggeelik me noorak neebi o.”

Nappiigak 26:9

An aa'nduk togon at Nataret mendek Yetut ti, endage miyuk-meya eerogo pikit aret mbake nagagirik,

Nappiigak 5:39

Ndi, Ala mbake menggerak eeko menggaarak kenok perak, it inoone taganiyak meek me, Ala nen, An ninom ogoorak logonet eekwi, kinombake kero, teppiyaanip o, yinuk, yokkiragi o,” yoragagerak.

Nappiigak 9:4

Wuppi wage mbareegi, at Tawulut nogo nggween paga enete wanduk ngginnagagerak kagak, oone ambi at yoge logonet, “Tawulut wae. Tawulut wae. Kat nonggop nduk keebi-keeba agago noorit nage menggendak o?” Yoge aruk konembege nagagerik,

Nappiigak 9:6

An aret me, kat mi'nage logomenggendik, o kota time unggwi namenggendak wonage keegak kat eeriyak wone yokkugwi iyaamunggun o,” yinuk, yoreegerak.

1 Korindut 10:22

Nit ninowe anini eeppuurak op mbakop? Nit ninomaawi ambik, ndi, at omaawi lek mbakop? Lek aret o.

Pelaareegerak 32:15

Kendage Yetiyurun ti, li'lak eeka aret kwe, Keebe kole a'nuk, kiyok konden kambokan nen yigirogo pege, Ndonggok togon nenok, keebe piike logonet, Keeruwak loba eerogo pege, Eeke nagagindik, Kanebunu ambit mendek agago pagareegerak Ala nogo mbo punuk, mbagangge, Yugum nu'lek menggi kwak kagap ndaka nogo teppege, Eeppunuk,

Pilipi 3:12

An niniki muk kole ee'nake, ndi, wone agan wagarak nogo abu eeppanege, eereegerak me nduk yokkirage ti lek o. Ata, Keritut Yetut nen ee'nabikit nduk kwaa'nabeegerak nogo, “Aret kolaakit o,” yinuk, nengga loolo aret mugurok nage agarik o.

1 Timotiyut 1:13

An aa'nduk noone maluk at yoge, nanini wulo logonet, at oone waganggwi mendek inoorit nage, at miyuk-meya eerogo pege, eeke nagagirak kwe, abet mbaka'lek ugun neenggo'lek logonet, eeke nagagirak me, Ala nabuwa mba'nuk, teppaneegerak o.