Nappiigak 9:2 - Ala Wone Peenok Peebi Mbanak

² yoge logonet, “Nogoba wae. O kota Ndamitik it Yakuri tamban eeko menggam unde lombok nen inigen kaawak nduk, kat nen it kumi aap ineenik logorak at aru mugurok nogwe iyo, pigogo keele maageren Yerutalem woraakit nduk, liiru mbanniru o.”

Nappiigak 9:2 Iomraidhean Croise

Wakkagagerak 14:15

Panggo yi nogo nogogwaarik, aap aago nogogwaarak nogo Abaram nen inawuri lombok agago piinok, oonikiya paga wim inoba kwi'nari unggwogo nogogwaarik, nappiigak-wappiigak eeginabit o Ndamitik ambo'me o omarip paga pa'nggwe o Koba kuli aret piya nogo logonet,

Yetaya 17:1

O Ndamitik mendek eeppiyoorak abinggaanggo paga Ala nen yoreegerak nogo yi aret. “O kota Ndamitik abe wonage menggi kwak logogin lek o. Ata, o mi-mi aago logonak aret wonage kaagun o.

Yeremiya 49:23

O Ndamitik eeppuurak wone nogo yi aret. “It Kamat mendek inom, Arapat mendek inom, wone maluk mendek konenggo nagaarik, inenggali age, Iniki a'nggan wo'nage, Yi laut abolok lek wonageelik, ngguk-loguk mban eeke menggi kwak, iniki togop aret wonage, Eeke agaarik o.

Matiyut 10:17

Aakumi nen it wone amburu mbanggo menggam pikkiren nogwe, Yakuri tamban eeko menggam nen ya'mbiran nggora eerogo kinookwi, eekkinabugun me, liippunuk, kiniki tum wako logomunggup o.

Yaya 14:6

Yoge mbareegi, at Yetut nen, “Ala kineenu ariyak tu inom, Ala ndogop menggerak, paganogo yokkirage inom, ndi, kineenik eekkinake minggirak inom, ti an mban aret o. Ala kineenu ariyak nduk tu an paga wogwe lek kenok, an nogoba owagam namunggup lek aret o.

Nappiigak 18:25

Nage nagagerik, ninogoba Yetut eereegerak wone at yogwi iinok, liirogon waganeegerak me, Yetut eeke nagagerak wone abet aret mamunirage, iniki aganggen kerek togon yorage, eeke nagagerak kwe, Aberiniki wambi wagagerak eenggo'lek, we Yaya yiime wuppiige nagagerak wone nogo mban eenu me yorage nagagerak.

Nappiigak 19:23

Nogo ti eyom aret ineenik logorak tu nogo paga wone waruwok nduk abo pilaneegwaarak.

Nappiigak 19:9

Yorage nagagerak kwe, it ando inogogumbuk a'nuk, “Abet mbariyak nineebi o,” mba'nuk, nggwok paga ineenik logorak tu nogo, miyuk-meya eerogo pogo mbareegwa, at Pawulut nen it lambembiinok, at oone waganeegwaarak nogo mban wogoren, aap Tiranut tekola awi wureegim time unggwi nage nagagerik, ko'lu-kii'me inom wone yorage, it nen kin wokkogwe, eeko nogogwaarak.

Nappiigak 24:14

Ala wone yugu liiru mbanak inom, aap Ala nen yorage kagak yorogo nogogwaarak liiru mbaneegwaarak wone nogo inom, abok aret abet mbake minggirak me, it nen, Aakumi ineenik logorak tu mugurok nogwe ti, wone alik aret o, yinuk, yogwe kwe, an wone ti ndak-ndak aret mugurok nage logonet, ninombomini inogoba Ala alut eeke minggirak, ti abet aret paganogo yokkege agarik o, nogoba.

Nappiigak 24:22

Yoge mbareegi, at Pelikit nogo nen ineenik logorak tu mugurok noorak wone yogwe nogo, liirogon eenu wonage me, “Peebi it yigin unde apit aago inowe at Litiyat nogo wage kenok, awone an amburu mbanigin me, mbaganinip o.”

Nappiigak 26:10

o Yerutalem logonet, togop aret eeke nagagirak. Eeke logonet, it Ala unde ninoweewi nogo nen yo'nereegwaarak paga it Ala apuri alik leenak ineebe ambik aret keele maarogo mambiigo menggam piya nage, Ndi, Inooruwok ilik, lek a? yogwe iinok, an nen, Inooruwok aret o, yorage, eeke nagagirak.

Nappiigak 26:12

Yorage nagagerik, “Togop eerit nege me, ne ambi paga Ala unde inoweewi nen, Togop ee'nu o, yinuk, nappanugo mbareegwa, o Ndamitik tu paga nage logonet,

Nappiigak 6:9

it Yakuri mendek o Kirene nen, Alekandiriya nen, Kilikiya nen, Atiya nen, it Yakuri kuwak eeko menggam endage Wondet Eerogo Pinaneegim tooneegwam nogome kuwak eeri wogo nogogwaarak nogo nen, Tepanut inom wone wareegwaarak.

Nappiigak 7:19

Mi'nage nagagerik, ninombomini inambokan lagangge logonet, ale-pale eeginake, Elege nda'nogwe iinok, kambuwak nduk, endekem mbo piigak eeko logonu o, yinuk, yorage, eeke nagagerak.

Nappiigak 9:14

Ndi, yogondak it kendage paga tamban eeko menggaarak mendek abok aret, Wogonabi na o, yinuk, Ala unde inoweewi yorage mbaki, E o, yogaarak me, wagaarak o.”

Nappiigak 9:21

Yoragagerak inaruk koneneegwaarak abok aret nen, “Wi,” yinuk, pi wako logonet, “Wologwe! O Yerutalem it Yetut endage paga tamban eeko menggaarak kero, inoorit nage nagaarak ti, yogondak o yime it togoti mendek kero, keele maageren Ala unde inoweewi inowagam piya naakit nduk wagaarak nogo nen agan nage yi lek a?” yinuk, yogo nogogwaarak.

Nggalatiya 1:17

ndi, an nappiigak awo mippangga'lek kagak, it inaa'nduk nappiigak mendek o Yerutalem wonogogwaarak nogo, inowagam yora nage, ti eerulik. Ata, an o Arap nagagirak time wonage nagagirik, peebi niyok paga o Ndamitik aret wagagirak.