Nappiigak 8:7 - Ala Wone Peenok Peebi Mbanak

⁷ It kugi ogole warak mendek inikime lik yegetak nogo, kwa kunik yogwe iigak nggiginogo wumbiige, ineenggi-iniyok nggilik-nggelok aago inom, inendop maluk inom, obeelom eeginake, eeke kenok,

Nappiigak 8:7 Iomraidhean Croise

Yetaya 35:6

Ne ti eyom paga it aap inendop maluk nogo, rusa ku'mbonggak nege menggi kwak, ku'mbonggak nugwi, Inoone yogolik iniki apit nogo inoone warak a'nuk, inale'nggen nen keekok yogwe, Eeko logogun o. Ne ti eyom paga o karume niyo eneeri nggwok aret kilanogo wumbit wage, Karume kwe, niyo nggwok nage,

Matiyut 10:1

At Yetut nen at oone waganggwi ineebe 12 nogo, at owagam woraawak nduk, wiiragagerak wogo mbareegwa, kugi ogole warak aakumi inikime nen nggiginogo wumbiigwi, ndi, kugi alitik-alitak aakumi andi aganabeegerak wonogwe inom, ineebe we andi-pandi aago inom, obeelom eeginakwi, eeginabit nawak nduk, at awone kiliriragagerak.

Matiyut 11:5

Inigen mbuk mendek inigen obeelom ogwe, inendop maluk mendek tu op nogwe, inawin aaga'ne kunik mendek lek ogwe, inaruk logu mendek inaruk konenggwi, kanggaatak ineenik agago mippiige, ndi, inamendek lek nogo obeelom wone yorage, eeke kogotak yi, yori nanip o.

Matiyut 4:24

Eerit nege wone nogo, o Tiriya time abok aret wiganinuk nage nagagerak me, aap kugi warak apit aret andi alitak lombok kunik mendek inom, inoba andi-pandi aago inom, kugi inikime lik yegetak mendek inom, kugi ineenggi-iniyok puk-puk eeko logonet, kanggwi-ineenik ogwe, eeko menggaarak mendek inom, ineenggi-iniyok nggilik-nggelok aago inom, abok aret wogoret at owagam wogo mbareegwa, at Yetut nen obeelom eeginake nagagerak.

Marakut 9:26

Yoge mbareegi, kugi nogo kwa ari nagagerik, wulaga nogo eenggi-iyok puk-puk ige logonet, wundi nagagerak. Wundi nage kagak, wulaga nogo kambak negen aago wonage kenok, it aakumi ambik nogome nen, “Kanggerak o,” yinuk,

Lukat 10:17

Ti'nuk, it aap 70 nappiyareegerak nogo inale'nggen mbakak iniyok paga wogo logonet, “Ninogoba o! Kugi kunduk kat kendage kunogo yorogwe niinok, konenggwi iigoorak o.”

Yaya 14:12

Aap ambit ambi iniki noba panggombunuk, abet nombake kenok, an eeke minggirak nogo at aret eeke logogin o. An eeke minggirak yi mbuuluk negen o. Ndi, an nogoba ka naminggirak ti paga, at abunuk nggwok aret eeke logogin o, yinuk, mondok abet aret yokkirage agarik o.

Nappiigak 5:16

It kota Yerutalem enaagan-ambokan o yaga'lelo lombok time aakumi ambik nogo nen it kugi andi agaatak inom, kugi piyaninaketak nugwi inom, wogoren piya wagaatak me, abok obeelom ogo nogogwaarak.

Nappiigak 8:6

Yorage me, aakumi ambik kuwak ogo nogogwaarik, Piliput nen yorage nogo inaruk konenggwi, ineenu ariyak inagabiti warak mendek eeke nogo inigen kogwe, eeko nogogwaarik, wone yoragagerak nogo iniki liippereegwaarak.

Iberani 2:4

“Wone yi abet aret o,” yinuk, waawok nduk, Ala nen ninagabiti warak mendek eeke, tam warak negen eeke, eerubok mendek eeke, eerit nage logonet, ninalitak lombok eeko logowok nduk, at Ala iniki mbareegerak nogo ndak-ndak Aberiniki nen tumbu'niragagerak kwe, mbo pugwi niinok, teppinanigin mbakop? Mondok lek aret o.