Nappiigak 8:2 - Ala Wone Peenok Peebi Mbanak

² It aap Ala inagabiti mbaka nen Tepanut warak wonok, kanggwi iinok, piya nogo menggam pi nogo nogogwaarik, aleenggu maareegwaarak.

Nappiigak 8:2 Iomraidhean Croise

Wakkagagerak 23:2

o Kanan yaga'lelo Kiriyat-Araba, endage ambi Keboron, nogome nen aret kambeegerak. Kangge mbareegi, at Abarakam nogo, “Nakwe kanggerak o,” yinuk, iniki puru agan ale yereegerak.

Wakkagagerak 50:9

ando kuda amborowak paga kwi'na'nuk wogwe, ando nggweendo paga wogwe, ee'nuk, aap aago nggik ari kagak aret wogogwaarak.

2 Tamuwen 3:31

Nogo wako mbareegwa, at Ndawut nen Yowap awuri inom wonage nogo abok aret yorage logonet, “Kinambogoyum nibinogo patinuk, kinayum maluk mendek kero yirippunuk, at Abenet eebe warak wonok nogwe iigak, aleenggu maarit kinaa'nduk nanip o.” Yorage mbareegi, wonok nogwe iigak, at Ndawut nogo inambokan aret nagagerak.

2 Mbinineegwaarak 32:33

At Kitikiya nogo ombomini kambunuk nogogwam inom yonggonggola nage mbareegi, at Ndawut apuri-ombowologwe piya unggwogo nogogwam irimbaga nogome pi unggwogogwaarak. Pi unggwogo nogogwaarik, it Yekura wonogogwaarak inom, Yerutalem wonogogwaarak inom, abok aret abuwa wareegwaarak. Abuwa wako mbareegwa, obaane'me aput Manate endagembogut agagerak.

2 Mbinineegwaarak 35:25

Ale yogo nogogwaarik, ti'nuk, aap Yeremiya nen lendawi paga Yotiya anep pereegerak me, it kumi-aap ndawi waka nogo nen Yotiya anep pugu nogo abeppegak o yogondak kuli ndawi ti wakwi wonogwe aret. Ndi, at Yotiya lendawi anep pugu nogo Iterali wonogwe me inandogon aret agagerak me, Lendawi Pugu liiru mbanak nogo paga inom mbanak wonage o.

Yeremiya 22:10

Kit aap Yekura mendek yi wae. At Aliku ALA nen ari logonet, “Aap ogoba obaane'me o Yekura inowe endagembogut logowak nduk, mippereegwaarak kwe, o yi mbo punuk, wonok pi nogogwaarak Yotiya aput Talum eeriyak nogo ti, at iyokan wage, o yi enegen ambinom kage, eerigin lek keele maarogo pi nawam time aret kambigin,” yegerak me, Aap endagembogut kanggerak ti, ale yogwe, Ninowe endagembogut nogo kanggi o, yinuk, tabun ndoombunuk, aleenggu maakwi, Eerugwaarik o. Ata, at aput keele maa'nuk namenggaarak nogo time nen iyokan wage, Ndi, at awi alom paga enegen kage, Eerigin lek me, Kiniki wakkologo logonet, ale yogo logomunggup o, yinuk, yokkiragi o.

Yeremiya 22:18

Togop me, Aliku ALA nen it Yekura inowe endagembogut aap Yotiya aput Yoyakin eeriyak yegerak nogo yi aret. “At kangge kenok, it aakumi nen, Ai, noweeluk o. Ai, nawuluk o, yinuk, ale yogwe, Ndi, Ai, nogoba o. Ai, nowe kendagembogut o, yinuk, aleenggu maakwi, Eeko logogun lek o.

Linggineegwaarak 20:29

Ndi, it aakumi Iterali mendek nen Karun nogo puut Kot paga kambeegerak ineenu ogo nogogwaarik, erabun ndoombunuk leenggu maakwi aret iigak, nogo 30 yereegwaarak.

Marakut 6:29

At Yaya oone waganggwi nogo nen Yaya enggaanok mbaneegwaarak inaruk konembunuk, nogo nogogwaarik, eebe wonok ndoome pi nogogwaarak kwe, agan nugwi nogo, Keroret konembunuk, “Eenik a'nuk, mi'nagaarak kagi,” yinuk, yereegerak.

Lukat 2:25

Aap Yerutalem mendek ambi endage Timeyon aret wonagagerak. At aap ti, iniki mondok abe koonak Ala wone liirogon aret eeke nagagerak. Eeke logonet, it aakumi Iterali mendek iniki eyak wappiya woroorak nogo tokkage nagagerak me, Aberiniki at oba wonagagerak.

Nappiigak 10:2

At aap nogo aaganapuri inom abok aret Ala inagabiti warak logonet, Ala wone liippunuk eeko nogogwaarak. At aap koowarak aret me, it Yakuri inamendek lek kenok, yeenggwaarage, tamban mban eeke, eeke nagagerak me,

Nappiigak 2:5

Ti eyom paga, it Yakuri mendek Ala inagabiti mbako menggaarak kero, o nggween paga yi awi ndi awi nen o Yerutalem wogogwaarak wonogwe me,

Nappiigak 8:1

At Tawulut kunduk Tepanut wakwi ti op aret mbareegerak. At wareegwaarak ti eyom paga, it Ala apuri o Yerutalem kuwak eerit nogo nogogwaarak nogo, inooruwok nduk, iya lombok ale-pale eeginabit nogo mbareegwa, o Yureya Tamariya enaagan-ambokan time kole ma'narit nogogwaarak kwe, it nappiigak nogo perak, mbaganulik aret puk ogogwaarak.

Nappiigak 8:3

Aleenggu maakwi iigak kwe, at Tawulut nen perak, it Ala apuri kuwak eerit nogwe nogo kumi nen, aap nen, lek eerogo piinet nage logonet, o ambi me unggwage, niigogo wumbiige, ambi me unggwage, niigogo wumbiige, eerit wogoren keele maarogo mambiigo menggam nogome piya nage nagagerak.

Pelaareegerak 34:8

Kangge mbareegi, it aakumi Iterali nogo nen Muta abuwa wakwi o Mowap kobappaga time tabun ndoombunuk le yogwe ne 30 paga aret wonogogwaarak.

1 Tamuwen 28:3

At Tamuwen nogo kangge mbareegi, it aakumi Iterali mendek abok aret at ame lombok o kota Arama time aret nggween taambugwi, ndi, at Tawun nen it aakumi tili pagangga inom, aakumi inogoma wiiraga inom, Iterali inenggela'me nen mugogo wumbiige, eereegwaarak kagak,