Nappiigak 8:11 - Ala Wone Peenok Peebi Mbanak

¹¹ O maan nen tili paganit nege kenok, pi wako nagaatik, at oone mban konenggo nogogwaarak kwe,

Nappiigak 8:11 Iomraidhean Croise

Yetaya 44:25

Peebi ndogop arigin o, yinuk, Ala nen yo'nirage kagak yokkirogo o, yinuk, Yorogo logonet, ineenu agak mendek eeppiigwi nogo abut laganogo piige, Inobagari negen yorogo menggaarak nogo inagi'ndok kambuwak nduk eerogo piige, It aap iniki warak nen yorogwe nogo abut laganogo, Aap wi nen yogwe, mbaruwak nduk eeppiige,

Yetaya 8:19

Aakumi nen kit yokkirogo logonet, “It aakumi ambi mendek nen ambi age kenok, inagugi yoroorak lek mbakop? Eeriyak nonggop o? yinuk, it aakumi ineenik wonogwe nogo inake it kambeegwaarak yoroorak op nogo lek a? Yoroorak op aret me, it aap yagap wone yogwe, inoone mumun paga yogwe, eekwi nogo tili pagangga inom, aap inogoma nggiiraga inom, yoret o,” yinuk, yokkirogwe iinok,

Nappiigak 13:6

Yi yenggenak oolo nggween kup mbanak me nogome ambime unggwagak eerit o Papot unggwi nogogwaarak. Unggwi nogo nogogwaarik, aap Yakuri mendek ambi endage Mbareyetut tili pagangga me, tili pagangge logonet, pilit pugunit nege menggerak nogo inom aabuk ogogwaarak.

Nappiigak 8:9

Ndi, o kota time aap ambi endage Timon, tili pagangga wonagagerak me, tile paganggetak a'me age kenok, it Tamariya mendek nogo nen, “Aap eeke yi, wi!” yinuk, pi wako nogogwaarak. “An mban iya,” yinuk, eekkolage kenok,

Nggalatiya 3:1

Kit Nggalatiya mendek yi wae. Yetut Keritut eyo karo-karo paga kambeegerak wone nogo, kumaarak lek mondok kin paga aret paganogo yokkirage nagagirak konenggo nogogutak kwe, yogondak ta nen kugi pulunogo pinagagerak kenok, kiniki lek kumili negen agan nugu ogotik?