Nappiigak 8:1 - Ala Wone Peenok Peebi Mbanak

¹ At Tawulut kunduk Tepanut wakwi ti op aret mbareegerak. At wareegwaarak ti eyom paga, it Ala apuri o Yerutalem kuwak eerit nogo nogogwaarak nogo, inooruwok nduk, iya lombok ale-pale eeginabit nogo mbareegwa, o Yureya Tamariya enaagan-ambokan time kole ma'narit nogogwaarak kwe, it nappiigak nogo perak, mbaganulik aret puk ogogwaarak.

Nappiigak 8:1 Iomraidhean Croise

Nekemiya 6:3

an nen wone eerogo nappiige logonet, “An yabu mondok nggwok aret eeke me, alom ngge kenok, an yabu eeke yi, mbo punuk iya noorak, yo'negaarak? At woroorak meek aret, yegerak, yora nanip o,” yinuk, yorage nagagirik, nappiyareegirak.

Ndaniyen 6:10

Wone liiru mbanogo punuk, wumbereegerak nogo, at Ndaniyen aruk konembunuk, ame nage nagagerik, ame irimbaga ko ambi ogoorak me, pugagi ena Yerutalem pa'nggwe mbanak nogo, pugagi paarak me time nen o ne ambit wege paga ne kenagan kuli tamban eeke menggerak nogo ndak-ndak, time ari unggunuk, endobanggun yindumbunuk, tamban eeke, Ala wa yoge, eeke nagagerak.

Ndaniyen 6:23

Yoge mbareegi, at aap endagembogut nogo iniki ale'nggen ambik age nagagerik, at Ndaniyen nogo mbuun ambena nen nippi woraawak nduk, yoragagerak nippi wogo mbareegwa, at Ndaniyen iniki at ogoba Ala oba panggonak wonage menggerak me, at agabolo ambiriluk ambi nibinik lek aret wundi wagagerak kogogwaarak.

Matiyut 22:6

Ndi, it ando nen perak, at ayeloman mini yonggo nappiyareegerak nogo, ineebe pigogo inenggali wappiinok, inooreegwaarak.

Matiyut 23:34

Ti kenok, an nen it aap Ala nen yorage kagak yoraga inom, aap iniki warak mendek inom, aap Ala wone liiru mbanak unde inom, kinowagam nappiya woraminggirak ando eyo karo-karo paga nabenogo inookwi, ando kit tamban eeko monggo'nom time ya'mbiran nggora eerogo inookwi, ando muguret-magaret eerogo mappiigwi, eeginabumunggup o.

Matiyut 5:13

Wone ambinom yorage logonet, “O nggween paga yime mayu andi warak wurik pogom ti, kit aret kwe, mayu andi lek wurik kenok, nonggop agago andi warak eerogo puurak mbakop? Andi wonage nen, ambi eeriyak op aret kwe, andi lek kenok, mbo pegaatak me, aakumi inigen kogo nagaatik, Yi abe lek me, yinuk, iniyok paga pelenogo nappit nogo menggaarak aret o.

Yaya 15:20

Ogoba tebenak kagak, ayeloman tiyanak wonageelik o, yokkiragagirak nogo abe'nip o. It nen an piya'nako nogogwaarak me, kit togon, togop aret piyakkinako logogun o. Ndi, it nen an noone waganggo nogogwaarak kenok, kit togon, kinoone waganggo logogun o.

Yaya 16:2

It Yakuri tamban eeko menggam nen endekem wumbinagagun o. Ndi, it kinoorugun nogo nen, Nit Ala obaalombok aret eekwi o, yinuk, mbariyak eyom panggoni woraagin.

Nappiigak 1:8

Kit nogo Aberiniki kinoba wambi wage logonet, at omaawi eeppinagage kenok, o Yerutalem inom, o Yureya abok inom, o Tamariya inom, yi awi ndi awi irip-irip time abok aret inom, an eerit nege kinigen neego nogogutak wone nogo yoranet nugu logomunggup o,” yinuk, yoragagerak.

Nappiigak 13:1

O Andiyokiya time it Ala apuri kuwak eekugak inenggela'me it ando nen Ala wone yorogwe, ando nen wone mamunirogwe, eeko nogogwaarak inendage ti, Mbaranabat inom, Timeyon endage ambi toonak Niget inom, aap awi Kirene mendek Lukiyut inom, inowe endagembogut Keroret ogoba nen at imbirak tawe eeginabeegerak endage Menakem inom, Tawulut inom, it nogo nen aret eeko nogogwaarak.

Nappiigak 13:36

Ala nen at Ndawut eeke logowak nduk punereegerak nogo, at wone lengganogo yorage nagagerak eyom paga ndak-ndak aret eeppege nagagerik, kambeegerak. Kangge mbareegi, ombomini kambeegwaarak inom tabonogo pi nogogwaarak pili agagerak kwe,

Nappiigak 2:47

Ala alut eekwi iigak, aakumi abok nen it Ala apuri ti, iniki kunik aganako nogogwaarak. Ndi, ninogoba nogo nen ko'lu-kii'me it aakumi inagap ndarogo ambit nabek kuwak eeppiige nagagerak.

Nappiigak 22:20

Ndi, kat koone yorage nagagerak Tepanut nogo, wakwi iigak, an taati logonet, Waruwak aret o, mba'nuk, inambogoyum endekem mendek nggoorak porogo taati aret wonagagirak o, yinuk, yoreegirak.

Nappiigak 26:10

o Yerutalem logonet, togop aret eeke nagagirak. Eeke logonet, it Ala unde ninoweewi nogo nen yo'nereegwaarak paga it Ala apuri alik leenak ineebe ambik aret keele maarogo mambiigo menggam piya nage, Ndi, Inooruwok ilik, lek a? yogwe iinok, an nen, Inooruwok aret o, yorage, eeke nagagirak.

Nappiigak 5:18

inanini nen it nappiigak nogo piginako nogogwaarik, keele maarogo mambiigo menggam mambiyareegwaarak.

Nappiigak 5:20

“Kit Ala awi wurik me time nogo logomonggotik, ineenik eeginake menggerak wone nogo aakumi abok yoraanu o,” yinuk, yoragagerak.

Nappiigak 5:33

Wone ti konembogo nogogwaarik, inanini wu agan nage mbareegi, “Mondok inooruwok,” mbakwi me,

Nappiigak 5:40

Yorage mbareegi, it wone amburu mbangga nen, “Abet aret yigi,” yinuk, it nappiigak nogo, wiirogogwaarak wogo mbareegwa, yorogo logonet, “Yetut endage aakumi yoranet noorak mondok mage o,” yinuk, yawi inoorogo wumbiyareegwaarak.

Nappiigak 7:38

O karume it Iterali kuwak aago inenggela'me wonagagerak inom, it ninombomini o karume time inom nege nagagerak inom, puut Tinayi paga malayikat nen wone yoreegerak nogo inom, ndi, yoge mbareegi, nit yo'nirage logowak nduk Ala wone mondok logorak wone waganeegerak inom, ti, at Muta mban aret o.

Nappiigak 7:54

Yoragagerak it wone amburu mbangga nogo inaruk konenggo nogogwaarik, inanini wu agan nage logonet, inambe mam kambumbunuk wonogwe iigak,

Nappiigak 7:58

o kota endekem niigogo wumbunuk, yugum paga toguurit wareegwaarak. It inoone at oba lenggeneegwaarak nogo nen inambogoyum endekem mendek nggoorogo aap tawe ambi endage Tawulut nogo wogogo nogogwaarik,

Nappiigak 8:14

Ndi, “It Tamariya mendek nen Ala wone abet mba'nuk, waganggaarak o,” yinuk, yogwe nogo it nappiigak o Yerutalem wonogwe nogo inaruk konembogo nogogwaarik, Peterut Yaya imbirak inowagam nappiyareegwaarak.

Nappiigak 8:2

It aap Ala inagabiti mbaka nen Tepanut warak wonok, kanggwi iinok, piya nogo menggam pi nogo nogogwaarik, aleenggu maareegwaarak.

Nappiigak 8:4

It Ala apuri kole ma'narit nogogwaarak nogo nen, yi awi ndi awi wone obeelom wone yoranet nugu nogogwaarak.

Nappiigak 8:5

Ndi, at Piliput o Tamariya kota ambi me nage nagagerik, Ala nen leenogo pereegerak Keritut abok it aakumi time mendek paganogo yoragagerak.

Nappiigak 9:31

Nappogo nogogwaarik, nogome logonet, it Ala apuri o Yureya kuwak eerit nogwe inom, o Nggalileya kuwak eerit nogwe inom, o Tamariya kuwak eerit nogwe inom, ale-pale eeginabit naga'lek iinok, inikiigun logonet, iniki kole ogwe, Aberiniki nen yeenggwaarage kagak inogoba Ala inagabiti mbako logonet, ineebe ambik wigannogwe, eereegwaarak.

Oroma 1:32

ti eerit nugu menggaarak nogo ti, Ala nen, “Yogop eerugup, ndogop eerugup,” yereegerak nogo mendek eekwi iinok, “Mondok inoorigin o,” yereegerak nogo ineenu logonet kwe, kagak eerit nugu menggaarak. Eerit nugu logonet, “Nit mban eeriyak lek o. Ata, it ando ninom aret eeruwok o,” yinuk, eerit nugwi me, Ala nen mondok inoorigin o.

Pilipi 1:12

Ai noreewi o. An ee'nabeegwaarak nogo paga obeelom wone mondok nggwok wigak yereegerak me, kineenu arubagip nduk, yokkiragi o.

Iberani 11:27

Ala nen yoreegerak nogo, abet aret mbake nagagerik, “Aap endagembogut anini nen nooke kenok ti, nooruwak aret o,” yinuk, o Metit mbo punuk, agabiti lek aret wundi nagagerak. Ninigen kaga'lek mendek nogo, at enegen kage negen aret eereegerak me, mondok ogogumbuk a'nuk, mugurok nage nagagerak.