Nappiigak 7:8 - Ala Wone Peenok Peebi Mbanak

⁸ Yoge nagagerik, Abarakam Ala imbirak wone abuk nggaruk togon mbaneegwaarak nogo aberak logowak nduk, inagabolo mbanggo logorak wone nogo yoreegerak. Yoreegerak paga Itak aret nda'nage mbareegi, nogo 7 yippunuk, ko'lu agabolo mbaneegerak. Ti'nuk, peebi Itak nen Yakup ndake, ndi, at Yakup nen nit ninombomini 12 nogo ndaganake, eereegwaarak.

Nappiigak 7:8 Iomraidhean Croise

Wakkagagerak 29:31

Yakup nen kwe Leya iniki kunik lek wonage nogo at Aliku ALA nen kage nagagerik, aagaluk ndaruwak nduk, eeppereegerak kwe, Araken nogo perak, wubili aret wonagagerak.

Wakkagagerak 30:5

at Mbilaka nogo abila age nagagerik, Yakup obaane'me aagaluk wulaga ambi ndareegerak.

Wakkagagerak 35:16

At Yakup apurilogwe inom Ala alut eeko nogogwaarik, Mbeten nogome teppunuk wogo logonet, o Eparata awo unggwi waga'lek nda negen kagak, at kwe Araken aagaluk nda'nariyak enegen pagak yereegerak kwe, nda'nariyak meek agagerak.

Wakkagagerak 35:18

at Araken mondok kambuurak iniki worok yikit nduk eeke logonet, aagaluk endage, Mben-Oni tooneegerak kwe, at ogoba nen wulaga nogo endage, “Mbeniyamin o,” yinuk, tooneegerak.

1 Mbinineegwaarak 1:34

At Abarakam nen aput Itak ndareegerak. At Itak nen apuri aap Etawu Iterali imbirak ndaganabeegerak.

Matiyut 1:2

At Abarakam nen Itak ndake, Itak nen Yakup ndake, Yakup nen Yekura owewologwe-awurilogwe inom ndaganake,

Yaya 7:22

Muta nen yokkiroolik kinombomini nen aret yokkirogogwaarak kagak, Muta nen, Yogop yo'niragagerak o, yinuk, kit ugun tamban eekwi paga wologwe inagabolo mbaninako monggotak.

Nappiigak 2:29

Nowe-nawot o. Nit ninombo Ndawut eereegerak wone an paganogo yokkira o. At Ndawut nogo kangge mbareegi, ndoome mambereegwam nogome owak nenenak wonage kogo ogoorik o.

Oroma 4:10

Abarakam nonggop kagak Ala nen obeelom eeppereegerak mbakop? At agabolo mbangga'lek kagak obeelom eeppereegerak ilik, mbanak kagak obeelom eeppereegerak a? Mbanak kagak lek o. Ata, mbangga'lek kagak aa'nduk aret obeelom eeppereegerak o.

Nggalatiya 3:15

Noreewi o. Nit yogo monggoorak ambi wakkagak yuwok o. Nit aap nggween paga mendek aret kwe, aap ambi ninom wone mbambunuk, “Mondok ndogop eeruwok o,” yinuk, nineenggi amburu pugwi niinok, aap alik ambi nen wone ti, taganogo mbo pege, ndi, at alik ambi nen wone alik ambi inom nabenogo pege, eeriyak mondok meek aret kogo monggoorak nogo ndak-ndak,

Nggalatiya 3:17

At Ala nen Abarakam imbirak wone mondok abuk nggaruk togon mbaneegwaarak kagak, tahun empat ratus tiga puluh eeppunuk, wone Muta yoreegerak me, peebi yoreegerak nogo paga nen, aa'nduk yugu nogo awo eeka'lek kagak, lek eerogo puurak op mbakop? Meek me nduk, yokkiragi o, noreewi.

Iberani 7:4

At Abarakam ti, nit apit ninombo aap nggwok aret wonagagerak kwe, at awim tebenogo piinok, wage nagagerik, kugun wogo ndininuk wagagerak nogo obeelom kenok, yendenogo Ala ake aap Meliketerek wogoreegerak ti paga, at Meliketerek nogo ti, aap mondok nggwok aret kogo o.