Nappiigak 7:51 - Ala Wone Peenok Peebi Mbanak

⁵¹ Kinogogumbuk kiniki omaawi logonet, Ala oone konengga'lek kit aret. Kinombomini Ala oone taganggo nogogwa kwak, Aberiniki oone taganggwi kit aret o.

Nappiigak 7:51 Iomraidhean Croise

2 Endagembogut 17:14

Yorogo nogogwaarak kwe, “Ninaruk koneniyak nineebi o,” yinuk, inombomini inanobak yugum pogom me, iniki Aliku ALA oba panggombunuk, abet mbarulik ti kokwak, inombowologwe kunduk, inanobak yugum pogom kumbunuk,

2 Mbinineegwaarak 30:8

Kinombomini inanobak yugum kwak kumbunuk wonogogwa kwak, kit togop logogup o. Ata, Aliku kinogoba Ala anini kani kunik negen kinoba wonage nogo tayok yuwak nduk, at abu'me tebe yinuk, at logowam mondok-mondok leenogo pateegim yime wogo logomonggotik, alut eeko logomunggup o.

Nekemiya 9:16

Ti eereegindak kwe, it ninombomini nen kat, Yogop ee'nu ndogop ee'nu, yoragagindak nogo eeko logolik. Inanobak yugum pogom a'nuk, wogoppako logonet,

Nekemiya 9:30

yi tahun ndi tahun paga kat kiniki yanggo yinuk, teppiige nagagindak o. Kaberiniki nogo paga it kat koone yoraga nogo yorage keegak yorogo nogogwaarak kwe, it ninombomini nogo inaruk logu negen liippega'lek wonogwe me, kat Ala nen it aakumi o yime wonogwe nogo ineenggime piyareegindak kwe,

Ndawi 75:5

Ninomaawi mondok iya o, yinuk, tiyappatit nugwi, Nit iya o, yinuk, keegi-woogi aago nugwi, Eeriyak mage o, yorage, Eeke minggirak o,” Yinuk, ari menggendak.

Wundeegwaarak 32:9

Yoge nagagerik, Aliku ALA nen Muta ambinom yoge logonet, “It aakumi Iterali ti, inogogun ambik lombok iigirak me,

Wundeegwaarak 33:3

Ndi, kit o yime nen nggween abu obeelom yilak amburu inom, nggiin amburu inom, yi eneeri negen kila-kila wungge menggim nogome nogo logonet, kinogogun ambik me, tu paga ambi age kenok kinoorukwak, an ninom nagin lek, yegerak o, yinuk, aakumi Iterali yoret o.”

Wundeegwaarak 34:9

Alut eeke logonet, “Kaliku Kitok Menggendak nogoba ALA wa! An yokkege nogo kale'nggen nombake kenok, it aakumi yi, inogogun ambik abet aret kwe, inomaluk lek eerogo punuk, aakumi ineyate wogoragaatak iniki kundugu eeko mengga kwak, nit kapuri yi, Namendek aret o, yinuk, kiniki kundugu ee'ninake logomenggendik, nogwe niigak, ninenggela'me logonok nduk, yokkigi o,” yinuk, yoreegerak.

Yetaya 48:4

Ti eereegirak nogo ti, it, E wa! yogolik inogogumbuk wonogwe, inanobak yugum pogom wonogwe, Eeko menggaarak an neenu me eereegirak o.

Yetaya 63:10

Aliku ALA nen eeriyak mbake nogo ineebi mbakwi, At Aberiniki nogo iniki warogo pugwi, Eeko mbareegwa, Ambo'me piige, inom ogookkolage, eeppiige nagagerik, At nen aret inom wim eeke nagagerak.

Yeremiya 17:23

inaruk konenggwi, liippugwi, eeka'lek tagambunuk inanobak yugum pogom logonet, noone konenggwi, iniki koonnaruwak nduk, yorage nogo waganggwi, eeka'lek mbo pereegwaarak o,” yinuk, yegerak o.

Yeremiya 4:4

It aap Yekura mendek inom, o kota Yerutalem menggaarak inom, Ala apuri yelok iigo logowak nduk, Inagabolo mbanggo mengga kwak ineebe togop aret Naliku ALA nake leenogo pugwi, Inagabolo mbanogo mbo nappogo mengga kwak, iniki omaawi ti, mbo pugwi, Eeko logowak o. Togop eeka'lek iinok, kani wunuk ari logonet, yi mendek ndi mendek nenet nage kagak nogonogo puurak meek age menggi kwak, Maluk mban eeko menggaarak ti paga an nanini mi'nage logonet, togop aret eeginabit nagin,” yegerak me, yokkiragi o.

Yeremiya 6:10

“Wone yi taani yorage, ta mini kurumbi yorage, eeriyak mbaken? Ndi, yorage neenok, taani nen liippugun mbaken? It aakumi ti, inaruk paarak lek me inaruk koneniyak meek aret o. Kaliku ALA ari menggendak nogo inikilom mbaka'lek miyuk-meya eerogo pugwi me,

Yetikiyen 2:4

It aakumi ti mendek awi mbilanak ti, inanobak yugum pogom logonet iniki omaawi wonogwe me time nappagaminggirak nage logomenggendik, it yorage logonet, At Aliku Itok Menggerak ALA nen yegerak nogo yi aret o, yinuk, yoraamunggun o.

Yetikiyen 44:7

It nen yi eekak ndi eekak ogole warak mendek eerit nogo logonet, aakumi inambik inagabolo mbanak lek iniki omaawi mendek nawi wurik alik leenak nogome wogoren piya unggwogo mbareegwa, nawi wurik maluk eerogo pugwi iigak, it an napuri ti, nale'nggen mbarikit nduk, mbi inom, amok inom, amiya inom, wo'nugo logonet kwe, ninom wone abuk nggaruk togon koonogo pereegurak nogo, lek eerogo pugwi,

Yetikiyen 44:9

Aliku Itok Menggerak ALA nen ari logonet, “Aakumi inambik inagabolo mbanak lek iniki omaawi ti, an nawi wurik alik leenak me ungguurak lek o. It aakumi inambik Iterali inenggela'me wonogwe nogo kunduk, ungguurak lek mban o, yinuk, yoragagirak kwe kagak eereegwaarak o,” yinuk, yo'nege kagagirak o.

Nappiigak 6:10

Inom wone wareegwaarak kwe, at Tepanut nogo Aberiniki nen nggaganogo yoge kagak iniki warak logonet, yoragagerak paga it nen onggo yoriyak meek age mbareegi, puk ogogwaarak.

Nappiigak 7:27

it yawi pugwi nogo ambi nen at Muta pelenogo nappunuk, yoge logonet, Kat ninarum logonet, nit eekwi amburu mbangge logorak, ta nen mippagagerak me, ari agandik o?

Nappiigak 7:35

Ninarum logonet, nit eekwi amburu mbangge logorak, ta nen mippagarak o? yinuk, Nineebi, yogo nogogwaarak nogo ti, at Muta aret. It Iterali inowe inarum logonet, inagap ndaruwak nduk eyoongga alokwi paga kani wunuk ari me malayikat nen yoreegerak paga Ala nen nappi wagagerak nogo ti, at Muta aret o.

Nappiigak 7:39

Togop aret kwe, ninombomini nogo nen, At yo'nirage nogo koneniyak nineebi o, yinuk, mbo pogo nogogwaarik, iniyok paga o Metit noorak iniki aberak mban logonet,

Nappiigak 7:9

Nit ninombomini nen yogo logonet, Ninogoba nen ninawuluk Yutup mban obeelom eeppege yi, Nineebi a! yinuk, it Metit mendek inayeloman aruwak nduk, onggo nggerenggo mbareegwa, o Metit wonok nogogwaarak. Wonok nogo mbareegwa, o time Ala imbirak wonage me,

Oroma 2:25

Kinagabolo mbanggwi ti, at Muta yoreegerak wone waganggo logonet, mbanogo nappuurak op aret kwe, wone yugu nogo taganogo mbo punuk, kinagabolo mbanggwi kenok perak, aanom warogo aret mbanggwi me, kinagabolo mbanak wonage kwe, mbanak lek negen eerogo pakwi kiigi o.

Epetut 4:30

Ala nen at apuri wogonabi wage logonet, nit ninom wo'ninabi woroorak nineenu logowok nduk, wam yelok kaawak nen aruk nggaganggo mengga kwak, Aberiniki wo'niragagerak me, Ala Aberiniki nogo, iniki maluk eerogo puurak mage o.

Pelaareegerak 10:16

Togop aret me, o yogondak yi paga nen kit kiniki omaawi a'nuk kinanobak yugum pogom kunggak eeriyak mage o. Ata, kinagabolo mbanggo monggotak kwak, kiniki omaawi wonage nogo lek eerogo mbo pogo logonip o.

Pelaareegerak 30:6

Eerogo pinagage kenok, kit kineenik wonogo logonet, kiniki kineebe abok aret at Aliku kinogoba Ala kiniki kunik logomunggup nduk, at Aliku ALA nen kit inom, kinapuri-kinombowologwe inom, aakumi inagabolo mbanggo mengga kwak kiniki omaawi wonage nogo lek eerogo mbo pege,

Pelaareegerak 31:27

It aakumi yi, wone yugu tagangga inanobak yugum an abu neenu aret o. An neenik neegak togon Aliku ALA oone taganggwi iige nagarak me, an kambiminggirak neegak ti, abunuk aret eeko logogun o.

Pelaareegerak 9:13

Yo'nege nagagerik, at Aliku ALA ambinom yo'nege logonet, It aakumi ti, inanobak yugum pogom abet aret iigirak me,

Pelaareegerak 9:6

Togop me, kit unde a'nuk logomunggup nduk, at Aliku kinogoba Ala nen o nggween mondok obeelom lombok wokkirage nogo ti, kit obeelom eerit nogwe me, yinuk, wokkiraagin ta lek o. Ata, kinanobak yugum pogom wonogwe kiigak aret kwe, wokkiraagin ti, kineenu a'nip o,” yoragagerak.

Pilipi 3:3

“Neebe ndogop eeppaneegwaarak o,” yinuk, niniki ti paga panggombunuk, tiyappugwi lek o. Ala Aberiniki nen ninikime yo'nirage kagak, Ala alut eekwi, Keritut Yetut ee'ninabeegerak nogo tiyappugwi, eeko monggoorak nogo ti, ninagabolo abe mbanak nit aret o.

Kolote 2:11

Ndi, at kinom kunik logonet, kinagabolo mbanogo pinagareegerak negen aret ogotik o. Ti eereegerak nogo ti, it aakumi nen eekkinabulik o. Ata, aakumi inagabolo mbanogo piigo mengga kwak, kit maluk eeriyak mban eekkinake menggerak alom nogo, at Keritut nen muk omaawi lek eerogo tebembereegerak me nduk, yokkiragi o.