Nappiigak 5:5 - Ala Wone Peenok Peebi Mbanak

⁵ Yoge nogo Ananiyat aruk konengge nagagerik, kweyak togon nggween paga ngginna'nuk, taati aret kambeegerak. “Kanggerak o,” yogwe inaruk koneneegwaarak nogo abok aret nen, “Ia!” yinuk, inagabiti ambik ogogwaarak.

Nappiigak 5:5 Iomraidhean Croise

2 Endagembogut 2:24

Yogwe iigak, at Elita nogo ena logurogon pegiige logonet, at Aliku ALA endage paga pulunogo piige mbareegi, wam nggwiya negen beruang ineebe mbere eyonggaame nen nggigik togon wundi wogo logonet, wologwe-aabologwe ineebe 42 ineyak nibik-nobak eerogo piinet nogogwaarak.

1 Mbinineegwaarak 13:12

Ndi, wareegerak kambeegerak ti paga at Ndawut nogo Aliku ALA agabiti nen ari logonet, “At Aliku ALA aloobut mbanak yi, nonggop togon wonok name pi na o?”

1 Mbinineegwaarak 15:13

Aa'nduk lombok Ala aloobut mbanak wonok woraawok nduk, eekwi niigak, kit aap Lewi mendek nen piyaninuk woroolik me, Aliku ninogoba Ala nen anini ninoba kwippinaneegerak nogo o. Nonggop eerogo wonok woroorak koonak nogo, nggino yorulik me, anini ninoba kwippinaneegerak o,” yinuk, yoragagerak.

Ndawi 119:120

Kat keebe paga nagabiti nen naganak wake, Eekaatak ndak-ndak eeppiigo logorak koone yugu nogo paga Nagabiti nen neenggi neyak tikkolage, Eeke minggirak o.

Ndawi 64:9

Yi aap ndi aap abok aret Ala nen eeppiyamenggerak iigo logomenggaarik, inagabiti mbakwi, “Ala nen yogop eeppiigerak kogo o,” yinuk, wone wonok aakumi yoranet nogwe, Ala eeke menggerak nogo iniki koonit nugwi, Eeko logogun o.

Yeremiya 5:14

Togop me, at Omaawi Lombok Menggerak Aliku ALA nen yegerak nogo yi aret. “It aakumi ti, inoone togop agan nugwi me, an yokkege neegak yorage nogo kani kunik negen eerogo pege, Ndi, it aakumi yi, ineebe kani enom warak negen eerogo piige, eerigin me, Koone yorage ti paga ineebe kani nengge kwak eerogo piyaamunggun o,” yinuk, yo'negerak me yagi o.

Yetikiyen 11:13

Yo'nege kagagirak nogo nabi paga negen awo yorage neegak, aap Mbenaya aput Pelata nogo aret kangge kagagirak. Kage nagagirik, netenggen wanduk nggween paga ngginna'nuk logonet, noone nggwok paga, “Kaliku Kitok Menggendak ALA ao. It Iterali ando yumbunik yi, tigitogon inoorogo piige agandik ya?” yinuk, an nen at yoge kagagirak.

Ala Unde 10:3

Kanggo mbareegwa, at Muta nen Karun yoge, “At Aliku ALA nen ari logonet, It aakumi abok an ninom kunik logokit nduk, Nowagam wogo logonet kenok, An mondok kikak nakeelik nalik leenak lombok minggirak inigen neegwi, Ndi, it aakumi Iterali mendek abok aret An mondok tiyanak neego logonet, nayuk wukwi, Eeruwak nduk, Eeppiyaagin o, yinuk, yereegerak nogo ti, yogobi eerukwak nduk, yereegerak o.” Ari mbareegi, aap Karun nogo oone ambi yaga'lek puk aret agagerak.

Nappiigak 13:11

Yogondak at ninogoba Ala nen maluk eeppagage kenok, kenegen mbuk a'nuk, o eya kenegen kaga'lek keegak, ne mande negen logomunggun o,” yinuk, awo yoge kagak, enegen ogut age nagagerik, apit agagerak. Enegen apit age mbareegi, “Neenggi pi'nabuwak o,” mba'nuk, yu'nduk ari nagagerak.

Nappiigak 2:43

It nappiigak nogo nen eerubok mendek eekwi, ineenu ariyak inagabiti warak mendek eekwi, eekwi iinok, it nogo abok nen, “Ia! Ninagabiti o,” yinuk, pi waganako nogogwaarak.

Nappiigak 5:13

It aakumi ando ugun nogo nen, “It Ala apuri ti op aret eeko agaarik o,” yinuk, inale'nggen mbako nogogwaarak kwe, inagabiti nen inom kuwak eeka'lek aret wonogogwaarak.

1 Korindut 4:21

Togop me, an kiya wage logonet, yawi wonok kiya woraagin ilik, niniki yanggonak kinabuwa mbake logonet, kiya woraagin a? Kit kiniki mban koonggo logonip o.

2 Korindut 13:10

An nen aakumi maluk eeppiyaakit nduk, Ala nen at oone unde eeppanulik. Ata, aakumi iniki kole eerogo piyaakit nduk, oone kili'nereegerak me, an kiya wage logominggirik, noone omaawi lok togon yokkirookwak, awo waga'lek logonet, wone yi liiru paga mbanogo nappinagi wagi o.

2 Korindut 13:2

Aa'nduk pekkiya wagagirak me, ti'nuk, peebi pekkiya wage nagagirik, yokkirage logonet, “Kit maluk eekotak ambi wonage kenok, teppinagagin lek o. Kinawone amburu mbanogo mondok kinowak loonigin o,” yinuk, yokkiragagirak nogo kokwak, yogondak ndak-ndak pekkiya waga'lek logonet, it aa'nduk maluk eereegwaarak kinom abok aret wone ti yokkiragi o.

2 Korindut 7:11

Kit kiniki wakkologo mbareegup, Ala nen eeppinagareegerak nogo liippogo logonip o. Kit eereegutak nogo ti, kiniki wakkologo logonet, maluk kinenggela'me wonage nogo mbet-mbet koonggwi, “Maluk nabenggolagaarak,” kinombarukwak, mbet-mbet kinaana'le mbanggologwe, “Ala nen ninoorukwak ninagabiti,” mbako logonet, at maluk eereegerak nogo mondok kineebi mbakwi, “Wone yi agaarak nogo ninogoba Pawulut ninom koonuwok lak ao,” mbakwi, maluk eerak mbet-mbet aganggen kerek togon owak loonggwi, eereegutak nogo mbininggo logonet, kit maluk ambi eerulik obeelom aret owak loonggotak kiigo o.

Pelaareegerak 13:11

Warogo pugwi kiinok, it aakumi Iterali abok aret konenggo logomenggaarak inagabiti nen aap maluk eeremenggerak togop nogo ambi it inenggela'me nen eerugun mondok lek o.

Pelaareegerak 21:21

Yorogwe iinok, it aap at awi kota inom wonogwe nogo abok aret nen wulaga nogo kambuwak nduk, yugum paga togu eerogo warogo puwak o. Aap maluk togoti eekwi kenok, kinenggela'me nen nggiginogo enggaawak lek eerogo pugwi nogo, it aakumi Iterali apit aret inaruk konenggo logomenggaarik, inagabiti ambik eerigin o,” yinuk, yoragagerak.

Yotuwa 22:20

At Ala amendek ake aret me, woorak mage o, yugu kagak, at Tera ombooluk Akan nen waganeegerak paga nit Iterali lambunik abok aret anini ninoba pinaneegerak lek mbakop? At Akan maluk eereegerak paga alik mban kambulik o. Ata, nit apit aret kambeegurak o, yinuk, yogoorak me, yokkirogo o.”

Wayu 11:13

Awo pi wogonakwi iigak, mi nggwok nuk-nuk eeke kagak, o kota time aakumi inawi ambik wurik nogo ando teppege, ando sepersepuluh langgu-langgu nage, eeke logonet, aakumi apit ineebe tujuh ribu aret aambeleninake mbaki, it ando teppiigerak nogo inagabiti nen at mbogut paga menggerak Ala nogo mondok tiyappugwi iigirak.

Wayu 11:5

It aap mbere ti, inambeme nen kani wunuk agan wundi wage logonet, it inom ogoorak wonogwe nogo inooko menggaarak me, “Aap mbere ti, inooruwi o,” yinuk, inooriyak nduk eekwi iigak, it inambeme nen kani wunuk agan wundi wage logonet, it inooriyak eekwi ineebe nogo kani wunuk togon nunggwi iigirak o.