Nappiigak 5:4 - Ala Wone Peenok Peebi Mbanak

⁴ Nggween ti, onggo wokkega'lek kagak, kat kanggween aret wonagaarak nogo lek a? Ndi, wu waganggendak nogo ti, kat kawu aret me, Wu yi paga nonggop eerikit o, yinuk, kobaalombok kooniyak op kwe, kagak, Abok pi waga, nombaruwak mba'nuk nonggop nduk ando mban pi wagan? Nit aakumi ninambokan laganggendak lek o. Ata, Ala aret ambokan laganggendak o,” yinuk, yoreegerak.

Nappiigak 5:4 Iomraidhean Croise

1 Mbinineegwaarak 29:17

Nogoba Ala o. Aakumi inabut mbangge, it iniki abe paga kiri wogwe iinok, kinikilom inombake, eeke menggendak neenu me, yi mendek ndi mendek kuwak eerogo pi wagarak yi, niniki abe paga ale'nggen logonet, kake pege, ndi, it aakumi kat kapuri yi kunduk, iniki ale'nggen paga inamendek kuwak eerogo pi wogwe iige nagarik, an togon niniki ale'nggen mbake, eeke agarik o.

1 Mbinineegwaarak 29:3

Ndi, Nogoba Ala awi wuriyak, uugwe lombok mbake minggirak me, yi mendek ndi mendek pipuk eerogo pigirak nogo, oba lunogo an nogoba Ala awi wuriyak ake an namendek lombok mbuti emas inom, perak inom, pereegirak nogo ti,

1 Mbinineegwaarak 29:9

It aakumi nogo inoweewi inamendek ili yuulik iniki ale'nggen nen, “Aliku ALA ake wogori o,” mba'nuk, nggaruk togon wogogwi iinok, it iniki ale'nggen mbakwi, ndi, at endagembogut Ndawut kunduk, togop aret iniki ale'nggen ambik age, eereegwaarak.

Ayup 15:35

Kumi inabila a'nuk, inaagalogwe ndaganako mengga kwak, It aakumi ti, maluk eeriyak koombunuk maluk aret eekwi, Kumi inaagalogwe logonna'nuk, kole age menggi kwak, Pilit wone mban inikime yagabit eerogo punuk agan nugwi, Eeko menggaarak o,” yinuk, yoreegerak.

Ndawi 139:4

Kaliku ALA wae. Wone nambe paga awo wumbega'lek neegak, An yuurak nogo kat abok keenu wonage, Eeke menggendak o.

Ndawi 7:14

It maluk eeriyak koonggo nagaatik, pilit mban pugunit nugu menggaarak nogo ti, Kwe ambi elege logongge nagaatik, abila a'nuk yagan warogo ndake menggi kwak aret o.

Wundeegwaarak 16:8

Yorage nagagerik, ambinom yorage logonet, “Kit nen kineebi-kineeba yo'nirogotak nogo ti, nit yo'nirogotak lek o. Ata, Aliku ALA aret yogotak aruk konenggerak me, o kiyoma enggaanggum mendek ambi namunggup nduk, wokkirage, ndi, o kuubondendok mbi ndonggorogon namunggup nduk, wokkirage, eeke ti paga kit abok aret, At Aliku ALA nen aret wo'nirage kagi, yinuk, kineenu arumunggup o.”

Wundeegwaarak 35:29

Yi mendek ndi mendek eeriyak ake at Aliku ALA nen wone lengganogo Muta yoge kagak yoragagerak nogo, it aakumi Iterali kumi inom, aap inom, abok aret inalitik-inalitak iniki aganake mbareegi, “Aliku ALA ake pi na o,” yinuk, iniki ale'nggen paga pi wogo nogogwaarak.

Wone Alom Kibingga 5:5

“Yogop wokkirigin o,” yinuk, kumbuk mbaniyak lek puk logorak ti op aret kwe, “Ndogop wokkirigin o,” yinuk, kumbuk mbanemenggendak ndak-ndak eeka'lek kenok ti perak, maluk aret o.

Yetaya 59:4

Inowak loonggo logonet, “Eekerak ndak-ndak aret owak loonuwok o,” yinuk, yogwe, “Alom eekerak yi aret o,” yinuk, owak loonggwi, Eeka'lek ugun-ugun eeko ogotik o. Maluk eerulik kagak, “Abet aret eekerak o,” yinuk, pilit pugunogo yogwe, Kwe elege logombunuk ndake menggi kwak, kinoone paga aganggen kereembu eerogo owak loonggo logonet, irip paga maluk aret ndakwi, Eeko monggotak.

Yetikiyen 38:10

At Aliku Itok Menggerak ALA nen yegerak nogo yi aret. “Eekwi ne ti eyom paga eeriyak inikime koongge logonet, maluk lombok eeriyak koonigin o.

Linggineegwaarak 16:11

Aap Karun ti, ta me nduk at eebe paga kineebi-kineeba ogo ogotik? At paga kineebi mbakwi lek o. Ata, kat Kora inom, it kinom wonogwe yi inom, kiniki ambit eeppunuk, at Aliku ALA kinom aret ogooriyak nduk, eekwi kiigi o.”

Lukat 10:16

Yorage nagagerik, at oone waganggwi mendek ambinom yorage logonet, “It aakumi kit kinoone konenggwi kenok ti, an noone aret konenggwi, kit mbo pinagagwi kenok ti, an aret mbo panugwi, ndi, it nen an mbo panugwi kenok ti, at nappani wagagerak nogo aret mbo pugwi, eeko menggaarak aret o,” yinuk, yorage nagagerik, nappiyareegerak.

Nappiigak 5:3

Eeke mbareegi, at Peterut nen, “Ananiyat wae. Nggween onggo wokkegaarak ando mogonogo teppakendak nogo ti, kat nonggop nduk Ibilit kinikime lik yi unggwage mbaki, Aberiniki ambokan laganggendak?

Nappiigak 5:9

Yoge mbareegi, Peterut nen at yoge logonet, “Kogonggelo kimbirak wone ambit mbambogo nogotik, nonggop nduk ninogoba Aberiniki ambokan laganggotak? Kimbirak Aberiniki ambokan laganggotak me, it aap kat kogonggelo nggween taambi nagaarak nogo nen yogondak kat kunduk wokkeren noorak nduk, tungga'nggi paga unggwi wogwe yi iyet o.”

1 Korindut 8:8

Nit yi mendek ndi mendek nunggwi paga Ala ninom kunik wonogolik o. Nit nengga'lek puk wonogwe niinok, maluk eekkologwe, ndi, nunggwi niinok, obeelom eekkologwe, eekulik o.

1 Tetalonika 4:8

Togop me, aap ambi nen, “Wone yi, Ala nen yegerak lek o. Aakumi nen aret yagaarak o,” yinuk, taganogo mbo pege kenok, at nen aakumi mbo piige ti lek o. Ata, at Aberiniki wo'nirage Ala nogo aret mbo pege menggerak o.

Pilemon 1:14

kat unde nen, “E o,” yo'nega'lek me, obeelom eeppaniyak mbakendak kero, kiniki mba'nuk nen, “An eeppanuwam,” noone omaawi paga yokkirigin lek o.

Yakobut 1:15

Ndi, kwe ambi elege inikime logombunuk, ndaketak nogo, ti'nuk, eebe kole a'nuk, kangge menggi kwak, nit niniki nen aret maluk eeriyak uugwe mba'nuk, eebe eeko nogootik, ti'nuk, nineebe aret kanggo monggoorak.

1 Tamuwen 8:7

Yoge mbareegi, at Aliku ALA nen at yoge logonet, “It aakumi Iterali ti, kat mbo pagulik o. An inenggela'me logonet, nendagembogut logorak ineebi nen mbo panegaarak me, it yokkugwi nogo, karuk konengge logomenggendik, aret eeppiyet o.”